လၢတချုးနံၣ်ထီၣ်သီအမဲာ်ညါတနၤ ‘‘မ့ၣ်လိၣ်ကွဲ’’ အသဟီၣ်လၢအဆူၣ် နဲၣ်တၢ်ပနီၣ်လၢ ၀့ၢ်ဒိၣ်၀့ၢ်ဆံးကိးဖျၢၣ်လၢ ဟီၣ်ခိၣ်ဒီတဘ့ၣ်‚ တၢ်ကလုၢ်အံၤသီၣ်သBထုးလၢ တၢ်တိာ်တၢ် အဖီခိၣ်န့ၣ်လီၤႉ ကဟၣ်လၢအဘှီထုးထီၣ်တၢ်အံၤ စံးလၢ‚ လၢအ၀ဲသ့ၣ်အန့ဆၢၣ်န့ၣ် မ့ၢ်မ့ၣ်လိၣ်ကွဲအကပီၤလၢ ပ့ၢ်ထီၣ် ကဘၣ်လီၤဖးလၢကလံၤကထၢန့ၣ်လီၤႉ ‘‘တၢ်ပိၢ်ဖးအသီၣ်တဘီ၀ံၤတဘီ’’ အပိၢ်ဖးအသီၣ်အဒိၣ်ကတၢၢ် ဟဲအိၣ်ထီၣ်လီၤလီၤဆီဆီ ဖဲတၢ်အံၤမ့ၢ်ပိၢ်ဖးထီၣ်လၢ အဘူးဒီးဟီၣ်ခိၣ်လိၤန့ၣ်လီၤႉ တၢ်နးတၢ်ဖှီၣ်တဖၣ်စ့ၢ်ကီး သီၣ်ကအူးထီၣ်သ့၀ဲလၢ ပသးကံၢ်ပူၤ‚ ဒီးလၢပဟံၣ်ပဃီအပူၤန့ၣ်လီၤႉ ‘‘မ့ၣ်လိၣ်ကွဲ’’ တဖၣ်လၢသးသမူ ဒ်အမ့ၢ်တၢ်ဘၣ်ဂုာ်ကျဲးစၢးဟူးဂဲၤလၢ ဟံၣ်ဖိဃီဖိ တၢ်မုာ်တၢ်ခုၣ်‚ တၢ်ဘၣ်ထွဲလိာ်သး တၢ်ဂ့ၢ်ကီတဖၣ်‚ တၢ်တၤတၢ်လၢတၢ်ဖံးအီၣ်မၤအီၣ်တဖၣ်‚ ကျိၣ်စ့အတၢ်သူၣ်ကိၢ်သးဂီၤ‚ တုၤဒၣ်လဲာ်လၢ တၢ်လီၤမုၢ်လီၤဖးလၢတၢ်အိၣ်ဖှိၣ်‚ ဒုးကလၢၢ်ဘၣ်ပှၤ ဒ်တၢ်ပိၢ်ဖးလၢ ပသးအတၢ်ဟူးတၢ်ဂဲၤအဘၢၣ်က၀ီၤအသိး‚ ဒိၣ်နီၢ်မးန့ၣ်လီၤႉ
ဘၣ်ဆၣ်‚ ပသ့ၣ်ညါဘၣ်လၢ (ယွၤ) ပှၤလၢအစိာ်ပူၤကွံာ်ပှၤလၢ တၢ်သီၣ်သBတူး တဖၣ်အံၤန့ၣ်လီၤႉ ကစၢ်ခရၠာစးံာ်အကစၢ်ဒၣ်၀ဲ ‘မ့ၢ်ပတၢ်ဃူတၢ်ဖိး’အံၤ‚ ဘၣ်တၢ်ပာ်ဖျါထီၣ် ဖဲ အ့းဖ့းစူး ၂း၁၄ လၢ စီၤပီလူးန့ၣ်လီၤႉ ဖဲပမ့ၢ်အိၣ်ဆိးလၢအ၀ဲအပူၤ အ၀ဲအတၢ်ဃူတၢ်ဖိးအံၤ ဒိၣ်၀ဲန့ၢ်ဒံး တၢ်လၢအမၤဟးဂီၤအီၣ်ဂီၤတၢ်‚ မၤဘရၣ်မၤဘှီၣ်ကွံာ် တၢ်ကလုၢ်လၢ တၢ်ဘၣ် ယိၣ်ဘၣ်ဘီ‚ တၢ်ဘၣ်ဒိဘၣ်ထံး မ့တမ့ၢ် တၢ်တဃူတဖိးတဖၣ်န့ၣ်လီၤႉ
တၢ်အံၤ မ့ၢ်တၢ်အုၣ်ကီၤလၢ အပှဲၤဒီးတၢ်စိတၢ်ကမီၤ ဆူပှၤယူဒၤဖိတဖၣ်အအိၣ်‚ ဃုာ်ဒီး ပှၤတခီဘီမုၢ်ဖိတဖၣ်န့ၣ်လီၤႉ တဘျီ‚ အ၀ဲသ့ၣ် မူဘၣ်တ့ၢ်တၢ်အိၣ်မူလၢ ‘‘တၢ်တအိၣ်ဒီးတၢ်မုၢ်လၢ်‚ တအိၣ်စ့ၢ်ကီးဒီးယွၤလၢ ဟီၣ်ခိၣ်ချၢ’’ (း၁၂) န့ၣ်လီၤႉ အခဲအံၤ‚ အ၀ဲသ့ၣ် ကွၢ်ဆၢၣ်မဲာ်ဘၣ် တၢ်မၤပျံၤမၤဖုးတၢ်လၢ အ၀ဲသ့ၣ်အပူၤန့ၣ်လီၤႉ ဘၣ်ဆၣ်လၢခရၠာစးံာ်အပူၤ‚ အ၀ဲသ့ၣ် ဘၣ်တၢ်ဒုးသုးဘူးထီၣ်အသးဆူခရၠာစးံာ်အအိၣ် ဒီးတၢ်ပိာ်ထွဲလိာ်သးဆူ အ၀ဲသ့ၣ် တဂၤဘၣ်တဂၤစုာ်စုာ် ခီဖျိခရၠာစးံာ်အသွံၣ်န့ၣ်လီၤႉ ‘‘အဂ့ၢ်ဒ်အံၤ‚ အ၀ဲဒၣ်မ့ၢ်ပတၢ်ဃူတၢ်ဖိး ပှၤလၢအမၤက့ၤပှၤခံဖုတဖုဃီ ဒီးမၤလီၤပှီၢ်ကွံာ်တၢ်ခိၣ်ဒူလၢအအိၣ်လၢပဘၢၣ်စၢၤ ဒ်ႉႉႉ’’ (း၁၄) ႉ
ဒ်ပစးထီၣ်နံၣ်အသီတနံၣ်ဃုာ်ဒီးတၢ်မၤပျံၤမၤဖုးတၢ်လၢ တၢ်အိၣ်ဂၢၢ်ဆိးကျၢၤ တနှၢ်ဒီး တၢ်လီၤမုၢ်လီၤဖးလၢအရၠာစးၤလီၤသး သကုၤအသိး‚ မ်ပကဃၣ်ကွံာ်ပသးလၢ တၢ်နးတၢ်ဖှီၣ် အတၢ်သီၣ်သBထုးဆူ တၢ်ဃုထံၣ်န့ၢ် ပတၢ်ဃူတၢ်ဖိး လီၤစိၤလီၤထီန့ၣ်တက့ၢ်ႉ အ၀ဲမၤဘရၣ်မၤဘှီၣ်တၢ်အသီၣ်ကအူးတဖၣ် ဒီးယါဘျါပှၤသ့၀ဲန့ၣ်လီၤႉ