ယတမှံၤလီၤဆီလၢ ယကွဲမုာ်လၢ အစံးဆၢယတၢ်သံကွၢ်တဖၣ်လၢ တၢ်သညူးသပှၢ်လီၤႉ ယအိၣ်ဒီး တၢ်ကလၢၢ်ဘၣ်တၢ်လၢ တၢ်တမံၤမံၤ ခိးခူသူၣ်တၢ်လၢ ပတၢ်ဘၣ်သဂၢၢ် လိာ်သးအပူၤန့ၣ်လီၤႉ တၢ်ဟ့ၣ်ထီၣ် တၢ်ဆိကမိၣ်တမံၤ လဲၤအသးတကတီၢ်ဘၣ် တကတီၢ်န့ၣ်လီၤႉ ယတဲဘၣ်အီၤလၢ‚ ‘‘နမ့ၢ်ပှၤလၢ အဟ့ၣ်ဂံၢ်ဟ့ၣ်ဘါ ပှၤလၢအကထိ တဖၣ် အကထိလီၤ’’ႉ အ၀ဲတဲဆၢက့ၤယၤလၢ အကလုၢ်ဆံးဆံးဖိလၢ‚ ‘‘တမ့ၢ် အကထိ တဖၣ် အကထိဘၣ်ႉ လၢအကကွဲၢ်အါမးန့ၣ်လီၤႉ
လၢတၢ်မၤသးဒ်အသးကညီၤဘၣ် ယတၢ်တသ့ၣ်ညါ တၢ်လီၤတံၢ်လီၤဆဲး အသိး‚ ယတမှံၤလီၤဆီအံၤ‚ ဒုးသ့ၣ်နီၣ်ထီၣ်ယၤလၢ အ၀ဲအကံၢ်အစီတဖၣ် (လီၢ်လၤ) တၢ်လၤ တၢ်ကပီၤတဖၣ်လၢ အ၀ဲပၢၤဘၣ်ဟံးဃာ်ဘၣ် တၢ်လၢအ၀ဲမၤန့ၢ်၀ဲတဖၣ်‚ မဲးကစံလၢ အန့ၢ်ဘျုးန့ၢ်ဖှိၣ်၀ဲတဖၣ်န့ၣ်လီၤႉ တၢ်အံၤမ့ၢ်တၢ်အကတီၢ်လၢအဒုးမဲာ်ဆှးတၢ်န့ၣ်လီၤႉ
စးထီၣ်လၢတၢ်လဲၤခီဖျိအ၀ဲန့ၣ် တၢ်အိၣ်သး လီၣ်ဖျါထီၣ်လၢ ယွၤလီၣ်ဖျါထီၣ် အသးဆူ စီၤမိၤဒီးလၢကစၢၢ်စံာ်နါ (၂ မိၤ ၃၄း၅-၇) ဒ်လဲၣ်န့ၣ်လီၤႉ ဖဲအံၤ‚ ယွၤမ့ၢ် တၢ်ဘၣ်တ့ကိးမံၤအကစၢ်ဒီးစံၣ်ညီၣ်ကွီၢ် လၢပှၤကူပှၤကညီတဖၣ်‚ ဘၣ်ဆၣ် ယွၤတစူးကါ အ၀ဲအလီၢ်လၤတဖၣ်ဘၣ်ႉ ဖဲအံၤ‚ ယွၤမ့ၢ်တၢ်ဘၣ်တ့အကစၢ်လၢအတ့လီၤ ဆၣ်က့ှူၢ်လၢ အကဘီလၢအကယၤ‚ ဘၣ်ဆၣ်တၢ်အက့ၢ်အဂီၤဒ်အံၤစ့ၢ်ကီး တဘၣ်တၢ်ယၢၤထီၣ်အီၤ ဘၣ်ႉ လၢတၢ်အံၤအလီၢ်‚ ယွၤပာ်ဖျါထီၣ်အသး ဒ် ‘ကစၢ်ယွၤလၢအအိၣ်ဒီးတၢ်သးကညီၤတၢ်‚ သးထီၣ်ကီဒီးအဘျုးအဖှိၣ် ဒီးအမ့ၢ်အတီအိၣ်၀ဲအါမးလီၤ’ (း၆) ႉ ဖဲအ၀ဲလီၣ်ဖျါထီၣ်သး လၢအမ့ၢ်မတၤ‚ တၢ်အံၤတမ့ၢ်‚ အ၀ဲအလီၢ်လၤတဖၣ် မ့တမ့ၢ် တၢ်လၢအမၤကဲထီၣ်လိၣ်ထီၣ်၀ဲ‚ အ၀ဲပာ်ဖျါထီၣ်လၢ အမ့ၢ်ကစၢ်လၢအိၣ်ဒီးလုၢ်လၢ်သကဲာ်ပ၀းဒ်လဲၣ်န့ၣ်လီၤႉ
ဒ်ပမ့ၢ်ပှၤကူပှၤကညီလၢ အဘၣ်တၢ်တ့အီၤလၢ ကစၢ်ယွၤအက့ၢ်အဂီၤ ဒ်အဘၣ်
တၢ်ကိးထီၣ်လၢ တၢ်ကပိာ်အ၀ဲအဒိဂ့ၤတဲာ်ဘၣ်တဖၣ်အသိး (၁ မိၤ ၁း၂၇‚ အ့း ၅း၁-၂) ‚ တၢ်အံၤ မ့ၢ်တၢ်လၢအလိၣ်ဆူ တၢ်ကဆိကမိၣ်တၢ်ဒိၣ်ဒိၣ်အါအါန့ၣ်လီၤႉ တၢ်မၤနှၢ် မၤနၢၤတၢ် မ့ၢ်တၢ်လၢအဂ့ၤ၀ဲ လီၢ်လၤတဖၣ် ဒိးန့ၢ်တၢ်လီၢ်တၢ်ကျဲ‚ မ့မ့ၢ် တၢ်လၢအကါဒိၣ်နီၢ်နီၢ်တခီ မ့ၢ်ပကအိၣ်ဒီးတၢ်သးကညီၤ‚ တၢ်ဘျုးတၢ်ဖှိၣ် တၢ်အဲၣ်တၢ်ကွံ ဒီးလၢတၢ်လၢ ပကဘၣ်ကဲထီၣ်၀ဲန့ၣ်လီၤႉ
ဒ်ပှၤတမှံၤလၢအဘၣ်တၢ်ကွဲမုာ်လၢကစံးဆၢတၢ်အသိး‚ ပ၀ဲစ့ၢ်ကီး ပသူၣ်လီၤပတၢ်လီၤဘီလီၤမုၢ်လၢ ပတၢ်မၤန့ၢ်မၤနၢၤတၢ်တဖၣ် အဖီခိၣ်န့ၣ်လီၤႉ ယၤစ့ၢ်ကီး ယအိၣ်ဒီးသးဒ်န့ၣ်လီၤႉ ဘၣ်ဆၣ်‚ ပပၢ်ယွၤဟ့ၣ်ပှၤတၢ်အဒိဂ့ၤလၢ တၢ်မၤနၢၤနီၢ်နီၢ် မ့ၢ်တၢ်မနုၤ လၢအတမ့ၢ်ဘၣ်တၢ်ကွဲးလီၤအီၤလၢ လံာ်က့လံာ်ခီဖုၣ်ကိာ်အပူၤ‚ မ့မ့ၢ်တၢ်လၢ အဟဲလၢ မ့ၢ်ပလီၤဂာ်ဒီး ပကစၢ်ခရၠာစးံာ်ဒ်လဲၣ်န့ၣ်လီၤႉ