မ့ၢ်တၢ်မနုၤ ဒုးဆိကမိၣ်ထီၣ်ယၤလၢ‚ ယကဘၣ်ဘီှက့ၤ ပှၤလၢယတသ့ၣ်ညါအီၤတဂၤ လၢ အဂ့ၢ်လိာ်ဘီှလိာ်တၢ်လၢ တၢ်ဂ့ၢ်လၢစဲးဖီကဟၣ်ပိးလီတဖၣ်အဖီခိၣ်န့ၣ်လီၤႉ ယဂ့ၢ်လိာ်ဘှီလိာ်သးလၢ ဖ့း (စ) ဘူး (ခ) လီၤႉ မ့ၢ်တၢ်လၢအအၢအသီလီၤႉ တၢ်အစၢတဖၣ် လၢ အဟဲဟးထီၣ် မ့ၢ်တၢ်ကတိၤလၢအကိၢ်အဂီၤ တဖၣ်‚ တၢ်ဒုးမၤဆါ တၢ်ကလၢၢ်ဘၣ် တၢ်တဖၣ် (လၢကျဲတဘိဘိ လၢယၤတခီစ့ၢ်ကီး) ဒီးတၢ်ခွဲးတၢ်ယာ်ဟးဂီၤကွံာ်‚ ဒ်သိးကအုၣ်သးလၢကစၢ်ယ့ၣ့်ှှူးအဂီၢ်န့ၣ်လီၤႉ တၢ်အံၤ‚ မ့ၢ်တၢ်လၢအဟဲအိၣ်ထီၣ်လၢ ‘‘အ့ၣ်ထၢၣ်နဲး တၢ်သးထီၣ်’’ န့ၣ်လီၤႉ တၢ်အံၤ မ့ၢ်တၢ်လၢ တၢ်ကတိၤဆူၣ်ဆူၣ်ကိၤကိၤလၢအယူၤ၀့ၤ၀ီၤကိးနံၤလၢ တၢ်လီၢ်လၢ တၢ်စူးကါအ့ၣ်ထၢၣ်နဲးက၀ီၤန့ၣ်လီၤႉ ဒ်ပှၤကူၣ်သ့လၢတၢ်သကဲာ်ပ၀းအသနိတဂၤ ဆှဲဖျါ၀ဲအသိး ‘‘ပှၤကူပှၤကညီတဖၣ် မၤကမၣ်ဘၣ်တၢ် လၢ တၢ်မၤကတၢၢ်တၢ်သးထီၣ်အံၤ‚ ခီဖျိတၢ်ပာ်ဖျါထီၣ် ကမျၢၢ်အတၢ်ထံၣ် ဆိကမိၣ်လၢအဘၣ်တၢ်စံးကတိၤအီၤန့ၣ်လီၤ’’ႉ
စီၤပီလူးအတၢ်ဟ့ၣ်ကူၣ်လၢ အကူၣ်သ့ဆူ စီၤတံၤမသ့းအံၤ‚ မ့ၢ်စ့ၢ်ကီး တၢ်ဒုးပလီၢ် တမံၤဃီန့ၣ်လီၤႉ ‘‘မ့မ့ၢ် တၢ်သံကွၢ်ကလီကလီဒီး တဂိာ်တသီၣ်ဘၣ်န့ၣ်‚ ဟးဆှဲးအီၤတက့ၢ်ႉ အဂ့ၢ်ဒ်အံၤ‚ နသ့ၣ်ညါလၢ အမၤအိၣ်ထီၣ်တၢ်အ့ၣ်လိာ်ဆိးက့လိာ် န့ၣ်လီၤႉ ဒီးကစၢ်အခ့အပှၤန့ၣ်‚ တဘၣ်အ့ၣ်လိာ်ဆိးက့လိာ်ဘၣ်ႉ မ့မ့ၢ် အဘၣ်မ့ၢ် ပှၤ၀ံသးစူၤလၢပှၤခဲလၢာ်ႉႉႉ ’’ (၂ တံၤ ၂း၂၃-၂၄) ႉ
စီၤပီလူးအတၢ်ကူၣ်လိာ်တၢ်လၢအဂ့ၤဆူ စီၤတံၤမသ့းလၢ ရၠာစးိမ့ၤအဃိာ်အံၤ‚ဘၣ်တၢ်သိၣ်လိကစၢ်ယွၤအတၢ်မ့ၢ်တၢ်တီဆူ သရၠာစးၣ်ပှၤသးစၢ်အဂီၢ် ဒ်သိး ကကတဲာ်ကတီၤအသးအဂီၢ်န့ၣ်လီၤႉ စီၤပီလူး အတၢ်ဟ့ၣ်ကူၣ်အံၤ မ့ၢ်တၢ်ဒ်တၢ်လၢ အဘၣ်ဆၢ ဘၣ်ကတီၢ်လၢပဂီၢ်စ့ၢ်ကီးန့ၣ်လီၤႉ လီၤလီၤဆီဆီ‚ ဖဲတၢ်ကတိၤသကိး ပတၢ်စူၢ်တၢ်နာ် ‘‘ဒီးဘၣ်သိၣ်က့ၤသီက့ၤ ပှၤလၢအဂ့ၢ်လိာ်ဘှီလိာ်ဒၣ်အတၢ်တဖၣ်န့ၣ်‚ လၢ အသူၣ်စူၤ အသးဒွဲၤလီၤႉ အဂ့ၢ်ဒ်အံၤ‚ ဘၣ်တဘၣ်ယွၤကဟ့ၣ်လီၤအီၤလၢ တၢ်ပီၢ်ယၢ်လီၤအသး‚ ပၢၢ်လၢ တၢ်သ့ၣ်ညါနီၢ်နီၢ် တၢ်မ့ၢ်တၢ်တီႉႉႉ’’ န့ၣ်လီၤ (း၂၅) ႉ
တၢ်ကတိၤတၢ်ကပုာ်လုး ဆူပှၤဂုၤပှၤဂၤန့ၣ် မ့ၢ်တၢ်တနီၤလၢတၢ်လၢ အတၤ တၢ်အံၤ‚ ဘၣ်ဆၣ်တၢ်အံၤတမ့ၢ်ထဲလၢတၢ်အိၣ်ဖှိၣ်သရၠာစးၣ်တဖၣ်အဂီၢ်ဧိၤန့ၣ်ဘၣ်ႉ လၢ ပှၤကိးဂၤလၢ အအဲၣ်ကစၢ်ယွၤဒီး ဃုထံၣ်န့ၢ်ကျဲ ဒ်သိးကတဲအ၀ဲအဂ့ၢ်အဃိ‚ မ်ပကကတိၤသကိး အ၀ဲအတၢ်မ့ၢ်တၢ်တီလၢ တၢ်အဲၣ်တၢ်ကွံအပူၤန့ၣ်တက့ၢ်’’ႉ လၢတၢ် ကတိၤကိးဖျၢၣ်အဖီခိၣ်န့ၣ် ယွၤအသးစီဆှံကမၤစၢၤပှၤန့ၣ်လီၤႉ