ဘၣ်တၢ်ကွဲးတၢ်ကါ၀ံၤဒီး ကလံၤကျီအီၤအဃိ ထီ (မ) ကွၢ်ဆၢၣ်မဲာ်ဘၣ်၀ဲလၢ တၢ်ကတိၤက့ၤ တၢ်တသ့ဒီး အ၀ဲအိၣ်ဒီး တၢ်ဆၢကတီၢ်ဖးယံာ်လၢ ကတိၤက့ၤတၢ်ကသ့ အဂီၢ်န့ၣ်လီၤႉ နွံတဖၣ်ပူၤကွံာ်‚ ပ၀ဲကိးဂၤလၢတၢ်သးခု အတၢ်ကမၢကမၣ် ဖဲအဟဲ ပာ်ဖျါထီၣ်အသးလၢ ပတၢ်အိၣ်ဖှိၣ်အတၢ်စံးဘျုးစံးဖှိၣ်တၢ်ဘါန့ၣ်လီၤႉ ပကမၢကမၣ် အါထီၣ်ဘၣ် ဖဲအ၀ဲဆၢထၢၣ် ဒ်သိးကကတိၤတၢ်န့ၣ်လီၤႉ လၢတၢ်ဆၢကတီၢ်တဖၣ် အပူၤ‚ အ၀ဲဘၣ်ဃု တၢ်ကတိၤအဖျၢၣ်လၢ ကဘၣ်ကတိၤ၀ဲ‚ အ၀ဲကတိၤတၢ်အုးအး‚ ထုးထးဒီး သဘံၣ်ဘုၣ်န့ၣ်လီၤႉ ဘၣ်ဆၣ်‚ တၢ်အိၣ်သးတမံၤတခီဖျါဆှံ၀ဲဒၣ်န့ၣ် အ၀ဲစံးထီၣ်ပ့တၢၤယွၤန့ၣ်လီၤႉ တၢ်အံၤ ပသးဘၣ်ဒိ ဘၣ်ဆၣ်ဒီးဘၣ်ဆိၣ်ဂ့ၤ၀ဲလၢတၢ် အကတီၢ်တကတီၢ်ဃီအပူၤန့ၣ်လီၤႉ
လၢ‘‘တချုးခရၠာစးံာ်အိၣ်ဖျဲၣ်အပူစးထီၣ်သး’’‚ ပကထံၣ်ဘၣ် ပှၤအိၣ်၀ဲတဂၤလၢ အလီၤမၢ်ဘၣ်လၢ တၢ်သ့စံးကတိၤတၢ်န့ၣ်လီၤႉ ကလူးကၤ့ဘံၤအ့လး ဟဲဖျါထီၣ်ဆူ စီၤစဃၤရၠာစးံ‚ ပှၤလုၢ်တၢ်အဒိၣ်အမဲာ်ညါ ဒီးစံးဘၣ်အီၤလၢ ကကဲထီၣ်ဘၣ် ၀ံဖးဒိၣ်တဂၤ အပၢ်န့ၣ်လီၤ (လူၤကၣ် ၁း၁၁-၁၂) ႉ စီၤစဃၤရၠာစးံဒီးအမါ မ့ၢ်ပှၤလၢအသးအနံၣ်အလါ ပှၢ်တ့ၢ်အဃိ အ၀ဲသးဒ့ဒီလၢ တၢ်ဂ့ၢ်အံၤန့ၣ်လီၤႉ လၢတၢ်အံၤအဃိ‚ ကလူးကၤ့ဘံၤအ့လး စံးဘၣ်အီၤလၢ ကအိၣ်တအုၣ် ‘‘တချုးလၢတၢ်အံၤမၤအသးန့ၣ်လီၤ’’ (း၂၀) ႉ
တၢ်အံၤကဲထီၣ်အသးလီၤႉ ဖဲမူးလၢတၢ်မၤအီၤလၢတၢ်ကယုၢ်န့ၢ်ဖိသၣ် လီၤလးအံၤအမံၤ‚ စီၤစဃၤရၠာစးံကတိၤတၢ်သ့၀ဲလီၤႉ ဃုာ်ဒီးတၢ်ကတိၤ အဆိကတၢၢ်တဖၣ်လၢ တၢ်စံးထီၣ်ပ့တၢၤယွၤ (း၆၄) လီၤႉ လၢခံ‚ အ၀ဲစံးလၢ‚ ‘‘ကစၢ်‚ အံၣ်စရၠာစး့လး အယွၤန့ၣ်‚ မ်အဘၣ်တၢ်ဆိၣ်ဂ့ၤတက့ၢ်ႉ အဂ့ၢ်ဒ်အံၤ‚ ဟဲအိၣ်သကိးဒီး မၤပူၤဖျဲးအပှၤ ဂီၢ်မုၢ် ဒီးဒုးအိၣ်ထီၣ်အတၢ်အုၣ်က့ၤခီၣ်က့ၤလၢပဂီၢ်’’ (း၆၈) န့ၣ်လီၤႉ
ဒ်စီၤစဃၤရၠာစးံအသိး‚ ဖဲအ၀ဲဆၢထၢၣ်က့ၤန့ၢ်တဘျီဃီ‚ တၢ်အဆိကတၢၢ်လၢ ထီ (မ) မၤ၀ဲမ့ၢ်တၢ်စံးထီၣ်ပ့တၢၤယွၤန့ၣ်လီၤႉ အ၀ဲသ့ၣ်အသူၣ်အသးတဖၣ် ဆိကမိၣ် တၢ်ဆူ ပှၤတဂၤလၢအဒုးကဲထီၣ်အပ@ၤတဖၣ် ဒီးအ၀ဲသ့ၣ်အသးန့ၣ်လီၤႉ လၢတၢ် အကတီၢ်အံၤအပူၤ ဖဲလၢပမ့ၢ်ကွၢ်ဆၢၣ်မဲာ်ဘၣ်တၢ်ဒ်လဲၣ်အတွးတအိၣ်‚ ပ၀ဲစ့ၢ်ကီး ပမၤဆၢက့ၤ တၢ်ဒ်သိးအံၤ တမံၤဃီသ့၀ဲန့ၣ်လီၤႉ