ဖဲအ၀ဲသ့ၣ်အစ့တၢးတ့ၢ်နုာ်ကမၣ် စ့ဒီလၣ် ၁၂၀‚၀၀၀ လၢအ၀ဲသ့ၣ် အစ့လံာ်ပျဲနုာ်အပူၤ‚ ပှၤဒီမိ၀ၤခံဂၤအံၤ‚ လၢတၢ်သးခုအပူၤ ဟးထီၣ်လဲၤပရၤတၢ်လီၤႉ အ၀ဲသ့ၣ်ပရၤ သိလ့ၣ်လၢအပရၤဒိၣ်‚ ဒဲလၢတၢ်အိၣ်ကသုၣ်ဒီးကဟၣ်လ့ၣ်ယီၢ်တဖၣ်‚ လၢန့ၣ်အမဲာ်ညါလိးတူာ်က့ၤ ဒ့ၣ်ကမၣ်တဖၣ်လီၤႉ
ဖဲစ့တၢးသ့ၣ်ညါက့ၤလၢ အတ့ၢ်နုာ်ကမၣ်စ့‚ စ့တၢးဆှၢလီၤတၢ်ကစီၣ်ဆူ ‘‘ပှၤဒီမိၤ၀ၤခံဂၤအအိၣ် လၢကဟဲက့ၤ ဟ့ၣ်က့ၤစ့န့ၣ်လီၤႉ လၢတၢ်တဆိကမိၣ်အပူၤ‚ မါဒီး၀ၤခံဂၤအံၤ စူးကါကွံာ် စ့အံၤလံန့ၣ်လီၤႉ ၀ံၤအ၀ဲသ့ၣ်ဘၣ်တၢ်စံၣ်ညီၣ်လၢ လီတၢ်ဘျၣ်တၢ်ဖိန့ၣ်လီၤႉ ဖဲအ၀ဲသ့ၣ်ခံဂၤ လဲၤတုၤလၢ လီၢ်က၀ီၤဘျီၣ်ဒိၣ်‚ ၀ၤအံၤ စံးဆၢက့ၤ တၢ်ဆူပှၤပာ်ဖျါ တၢ်ကစီၣ်တဂၤလၢ ‘ပနာ်ကမၣ်ဘၣ် တၢ်ဟ့ၣ်ကူၣ်လၢ အကမၣ်’ အဃိ န့ၣ်လီၤႉ ပှၤခံဂၤအံၤ‚ မၤလိန့ၢ်တၢ်လၢ တၢ်ပိာ်ထွဲဘၣ် တၢ်ဟ့ၣ်ကူၣ်လၢအအၢ (ဒီးစူးကါကွံာ် စ့လၢအတမ့ၢ်အတၢ်) ဆှၢအ၀ဲသ့ၣ်ဆူ တၢ်သဘံၣ်ဘုၣ်လၢ အ၀ဲသ့ၣ်အတၢ်အိၣ်မူအပူၤန့ၣ်လီၤႉ
လၢအထီဒါလိာ်သးဒီးတၢ်အံၤ‚ ပှၤကွဲးထါစံးထီၣ်ပ့တၢၤနီၤဟ့ၣ်တၢ်ဟ့ၣ်ကူၣ်လၢ အကူၣ်သ့လၢ အမၤစၢၤပှၤ ဒ်သိးပကဟးဆှဲးတၢ်လၢကမၤသဘံၣ်ဘုၣ်တၢ်လၢ ပတၢ်အိၣ်မူ အပူၤန့ၣ်လီၤႉ အ၀ဲကွဲးဖျါထီၣ်၀ဲလၢ ပှၤလၢအထံၣ်န့ၢ် တၢ်လၢတၢ်ပှဲၤနီၢ်နီၢ် ပှၤလၢအဘၣ် ဆိၣ်ဂ့ၤအံၤ‚ မ့ၢ်ပှၤလၢအသမၢတၢ်ဆူ ကဒိၣ်ဘၢအ၀ဲသ့ၣ်လၢ‚ ပှၤလၢအတပိာ်ယွၤအကျဲ (စံး ၁း၁) န့ၣ်လီၤႉ အ၀ဲသ့ၣ် သ့ၣ်ညါလၢတၢ်ဟ့ၣ်ကူၣ်လၢအတဂ့ၤ‚ လၢတဘၣ်ယွၤသး ကဆှၢတၢ်ဆူတၢ်ဘၣ်ယိၣ်လၢတၢ်ထံၣ်အီၤတသ့တဖၣ် ဒီးတၢ်ကဘၣ် ဟ့ၣ်တၢ်အပရၤကလံၤလၢ‚ တၢ်လၢအပိာ်ထွဲထီၣ်အခံတဖၣ်န့ၣ်လီၤႉ လၢန့ၣ်အမဲာ်ညါ‚ အ၀ဲသ့ၣ် ဘၣ်တၢ်ဟ့ၣ်ဆူၣ်ထီၣ်အသးလၢ (ကမုာ်လၤသးခု) ဒီး (ဆိကမိၣ်) ထီၣ် ယွၤအကလုၢ်ကထါတၢ်မ့ၢ်တၢ်တီလၢအဟူး၀းတသ့ ဒီးဟ့ၣ်ထီၣ်တၢ်အဂ့ၤလၢ တၢ်ဆၢကတီၢ်ကိးကတီၢ်ဒဲးန့ၣ်လီၤ (း၂) ႉ အ၀ဲသ့ၣ်ထံၣ်လၢ တၢ်အးလီၤသး ဆူယွၤအတၢ်နဲၣ်ကျဲ‚ ဆှၢအ၀ဲသ့ၣ်ဆူ တၢ်မူဂၢၢ်ဂၢၢ်ဒီး သၣ်ထီၣ်တၤသၣ်တဖၣ် (း၃) န့ၣ်လီၤႉ
ပမ့ၢ်မၤတၢ်ဆၢတဲာ်တမံၤမံၤလၢဒိၣ်ဂ့ၤဆံးဂ့ၤလၢ အဘၣ်ထွဲဒီး တၢ်လုၢ်အီၣ်ပသး
သမူ‚ ကျိၣ်စ့‚ တၢ်ရၠာစး့လိာ်ဘၣ်ထွဲဒီးဂုၤဂၤန့ၣ် မ်ပကဃုထံၣ်န့ၢ် တၢ်ကူၣ်သ့လၢအဟဲလၢ ကစၢ်ယွၤ‚ လၢတၢ်ထံၣ်န့ၢ်အီၤသ့လၢ လံာ်စီဆှံအပူၤ‚ တၢ်ကူၣ်လိာ်လၢ အဘၣ်ထွဲဒီး ထူကလုၢ်ယွၤကထါ သးစီဆှံအတၢ်နဲၣ်ကျဲတဖၣ်န့ၣ်တက့ၢ်ႉ အ၀ဲ အတၢ်နဲၣ်ကျဲအံၤ လိၣ်၀ဲ
ဒီးတၢ်နာ်န့ၢ်အီၤသ့လၢ တၢ်မူအလၢအပှဲၤအဂီၢ် ဒီးလၢအတမ့ၢ်ဘၣ်တၢ်ဒုးအိၣ်ထီၣ် တၢ်သဘံၣ်ဘုၣ်တဖၣ်န့ၣ်ဘၣ်လီၤႉ