တၢ်ကွဲးပာ်ဖျါထီၣ် တၢ်ဖံးတၢ်မၤလၢ ပှၤမံၤဟူသၣ်ဖျါလၢအမ့ၢ် ဒၢးချ်စဲအ့ၣ်တဂၤ အသွၣ်ခိၣ်ကပၤအပူၤ‚ အဲလ်ဘၢး အဲစထဲ တယၢၤထီၣ် အ၀ဲသ့ၣ်အတၢ်ဂ့ၢ်လိာ်ဘှီလိာ် တၢ်လၢ အဘၣ်ထွဲဒီး စဲအ့ၣ်နီတမံၤဘၣ်ႉ လၢတၢ်အံၤအလီၢ်‚ အ၀ဲဆိကမိၣ်ထီၣ်က့ၤ ‘တၢ်အဲၣ်တၢ်ကွံလၢ အတလီၤတူာ်လီၤကာ်နီတစု’ လၢဟဲဒရၠာစးံးခ်အ့ၣ်လီၣ်ရၠာစးဲ လၢ အမ့ၢ် ပှၤကူၣ်သ့လၢ အဘၣ်တၢ်အဲၣ်ဘၣ်အီၤလၢ အအိၣ်မူဖှံဖှံညီညီဒီး မၤဘၣ်ပှၤဂုၤပှၤဂၤလၢ တၢ်ဘၣ်ထွဲလၢတၢ်တူၢ်လိာ်အီၤသ့၀ဲန့ၣ်လီၤႉ အဲစထဲစံးလၢ ‘‘ပှၤကိးဂၤပိာ်ထီၣ် အ၀ဲအခံလၢတၢ်သးခု မ့ၢ်လၢအ၀ဲသ့ၣ်ကလၢၢ်ဘၣ်လၢ‚ အ၀ဲတဒိၣ်ဘၢပှၤနီတဂၤ မ့မ့ၢ် ကဲထီၣ်ဒၣ်လဲာ်လၢ တၢ်ပိးတၢ်လီလၢ တၢ်စူးကါအီၤသ့တခီန့ၣ်လီၤ’’ႉ
လီၣ်ရၠာစးဲထုးန့ၢ်ပှၤစဲအ့ၣ်တဖၣ်အသးလၢ တၢ်ကပာ်ကပၤကွံာ် ထံဂ့ၢ်ကီၢ်ဂ့ၢ် တၢ်တဘၣ်သူၣ်ဘၣ်သးတဖၣ်ဒီး မၤသကိးတၢ်တပူၤဃီ‚ လီၤလီၤဆီဆီ ဖဲဟီၣ်ခိၣ်ဒီဘ့ၣ် တၢ်ဒုးတၢတဘျီ၀ံၤအလီၢ်ခံန့ၣ်လီၤႉ အဲစထဲ စံးပာ်ဖျါထီၣ် အတံၤသကိးလၢ အမၤန့ၢ် နိဘၢၣ်ခိၣ်ဖးလၢ ‘တချုးလၢတၢ်ဒုးဖးဒိၣ်အံၤ ၀ံၤဒၣ်လဲာ်‚ လီၣ်ရၠာစးဲတဂၤလုၢ်ထီၣ် အသးလၢကမၤတၢ်လၢ တၢ်ဘၣ်လိာ်ဖိးဒ့လိာ်က့ၤတၢ်န့ၣ်လီၤ’ႉ
တၢ်မၤတၢ်လၢ အဘၣ်ထွဲဒီးတၢ်ဘၣ်လိာ်ဖိးဒ့လိာ်အံၤ‚ ့ကၢးမ့ၢ်ဖီတၢၣ်လၢ ပှၤကိးဂၤလၢ အအိၣ်လၢတၢ်အိၣ်ဖှိၣ်အပူၤစ့ၢ်ကီးန့ၣ်လီၤႉ မ့ၢ်၀ဲတီ၀ဲလီၤႉ တၢ်သဘံၣ်ဘုၣ် တနီၤအံၤ တၢ်ဟးဆှဲးအီၤတသ့၀ဲဘၣ်ႉ ဘၣ်ဆၣ်‚ ပ့ကၢးမၤတၢ်မၤလၢ အလီၤဘၣ်ပှၤ ဒ်သိးကမၤတၢ်လၢတၢ်ဃူတၢ်မုာ် ခီဖျိတၢ်ဆှၢနုာ်တၢ်ဆိကမိၣ်လၢ ပှၤအါဂၤ တူၢ်လိာ်အီၤသ့တဖၣ်န့ၣ်လီၤႉ စီၤပီလူးကွဲးဖျါထီၣ်လၢ‚ ‘လၢသုတၢ်သးဒိၣ်ထီၣ်န့ၣ် သုတဒုးလီၤနုာ် မုၢ်တဂ့ၤ’ (အ့း ၄း၂၆) ႉ လၢကဒိၣ်ထီၣ်ထီထီၣ်သကိး‚ ပှၤတၢ်မၢဖိဟ့ၣ်ကူၣ်လၢ ‘တၢ်ကတိၤ အအၢအသီန့ၣ်‚ မ်သုတဒုးဟဲထီၣ်လၢ သုကိာ်ပူၤနီတဘီတဂ့ၤႉႉႉ ကတိၤတၢ်ဂ့ၤလၢ တၢ်မၤထီၣ်မၤထီတၢ်ဖဲအလီၢ်အိၣ်တက့ၢ်’ (း၂၉) ႉ
လၢခံကတၢၢ် စီၤပီလူးစံးလၢ‚ ‘ကယဲၢ်တၢ်အခၣ်ဒီးတၢ်သးဒိၣ်ဒီး တၢ်သးဟ့ ဒီးတၢ်ကလာ်တၢ်ဒီးဒုၣ်ဒွဲၣ်တၢ်ဒီး ကယဲၢ်တၢ်အၢတၢ်သီခဲလၢာ်န့ၣ်ကွံာ်တ့ၢ်ကွံာ်တက့ၢ်ႉ ဒီး၀ံသးစူၤလိာ်သုသး‚ သူၣ်ကညီၤသးကညီၤလိာ်သုသး‚ ပျၢ်လိာ်သုတၢ် ဒ်ယွၤအိၣ်လၢ ခရၠာစးံာ်အပူၤ ပျၢ်သုတၢ်အသိးန့ၣ်တက့ၢ်’ (း၃၁-၃၂) ႉ တၢ်ဃၣ်တရၠာစးံးသး လၢတၢ်သဘံၣ် ဘုၣ်တဘျီလၢ်လၢ်‚ မၤစၢၤပှၤဆူ တၢ်ကသူၣ်ထီၣ် ယွၤအတၢ်အိၣ်ဖှိၣ် သ့၀ဲန့ၣ်လီၤႉ လၢတၢ်အံၤအပူၤ‚ တၢ်လိၣ်၀ဲနီၢ်နီၢ် လၢပကမၤ လၤကပီၤအီၤန့ၣ်လီၤႉ