အလဲးစကၣ် အသ့ၣ်ဆှိအ့ရၠာစး့းဟီၣ်၀ဲဒီး ဘိးကၣ်လီၤအသးဆူအံၤတကပၤ ဆူန့ၣ် တကပၤ မ့လၢကလံၤမုၢ်ဆူၣ်ဒီး ဖ@အီၤဆါဆါအဃိ လီၤႉ ရၠာစးဲးကံၢ်အဲၣ်ဘၣ် သ့ၣ်ထူၣ်အံၤ‚ တမ့ၢ်ထဲလၢအဟ့ၣ်အီၤတၢ်ကဒုဖဲတၢ်ယီၤခါမုၢ် အတၢ်ကိၢ်‚ မ့မ့ၢ် ဟ့ၣ်စ့ၢ်ကီး အ၀ဲ အဟံၣ်ဖိဃီဖိတဖၣ်လၢ တၢ်ဆၢအိၣ်ထဲတဂၤဧိၤလၢ အတဘၣ်တၢ်မၤတံာ်တာ်န့ၣ်လီၤႉ အခဲအံၤ‚ ကလံၤမုၢ်လၢအအၢအံၤ အူထီၣ်ကွံာ် သ့ၣ်ထူၣ်အံၤ ပၢၢ်လၢအဂံၢ်န့ၣ်လီၤႉ ရၠာစးဲးကံၢ် ဒီးအဖိခွါဖိလၢ အအိၣ်တဆံယဲၢ်နံၣ်‚ ဃ့ၢ်ထီၣ်ခ@သဒံး ဒ်သိးကမၤပူၤဖျဲး သ့ၣ်ထူၣ်အံၤန့ၣ်လီၤႉ ဃုာ်ဒီးအ၀ဲအစုတဖၣ်‚ အ၀ဲသ့ၣ် ပိာ်ဆၢထၢၣ်က့ၤ သ့ၣ်ထူၣ်လၢအဃၢ ပီၣ် ၉၀ အံၤ‚ ဒ်သိးအသုတလီၤဃံၤတဂ့ၤလီၤႉ ဘၣ်ဆၣ်‚ အ၀ဲသ့ၣ် အဂံၢ်ဘါတကၢကီၣ် လိာ်သးဘၣ်လီၤႉ
ကစၢ်ယွၤမ့ၢ် စီၤပၤဒၤ၀ံးအဂံၢ်အဘါ‚ ဖဲအကိးထီၣ်အီၤလၢ ကလံၤမုၢ်အဂၤ တဖျၢၣ်အသးကံၢ်ပူၤအကတီၢ်န့ၣ်လီၤ (စံး ၂၈း၈) ႉ ပှၤကူၣ်ဘၣ်ကူၣ်သ့တနီၤ စံးလၢ အ၀ဲ ကွဲးတၢ်အံၤ ဖဲတၢ်အကတီၢ်တကတီၢ်လၢ အ၀ဲအတၢ်အိၣ်မူလီၤပှီၢ်ကွံာ်န့ၣ်လီၤႉ အဖိခွါ ဒၣ်၀ဲ ဂဲၤဆၢထၢၣ်ပူထီၣ် ထီဒါအီၤဒီး ဂုာ်ကျဲးစၢးဆူတၢ်ကဟံးန့ၢ်ဆူၣ် အ၀ဲ အလီၢ်ပစိာ် (၂ ့ှှမူၤ ၁၅) လီၤႉ အ၀ဲကလၢၢ်ဘၣ်လၢ အဂံၢ်ဘါစၢ်သ့ညီညီ ဒီးဂံၢ်စၢ်ဘါစၢ်ဒီး ဘၣ်ယိၣ်လၢ ကစၢ်ယွၤကအိၣ်ဘရၣ်အိၣ်ဘှီၣ်ဒီး အ၀ဲကသံဘၣ်ဖုး (စံး ၂၈း၁) န့ၣ်လီၤႉ အ၀ဲတဲဘၣ်ကစၢ်ယွၤလၢ ‘တုၤယဘါကညးနၤ‚ တုၤယယူာ်ထီၣ်ယစုဆူ နဒၢးစီဆှံ အအိၣ်ဒီး‚ ကနၣ်ကဃ့ကညးတၢ်အကလုၢ်တက့ၢ်’ (း၂) ႉ ကစၢ်ယွၤဟ့ၣ် စီၤဒၤ၀ံးတၢ်ဂံၢ်ဆူၣ်ဘါဆူၣ်လၢ ကလဲၤတၢ်ဆူညါ‚ ဖဲလၢအတၢ်ဘၣ်ထွဲဒီးအဖိခွါ တဂ့ၤက့ၤ ဒၣ်လဲာ် န့ၣ်လီၤႉ
မ့ၢ်ပဆၢမုၢ်လၢ်တၢ်လၢ ပကBတီဃာ်တၢ်အၢတဖၣ် အတၢ်ဟဲကဲထီၣ်သးဆံး ယံာ်လဲၣ်န့ၣ်လဲၣ်ႉ ဖဲလၢပမၤအီၤမ့ၢ်သ့အဃိ‚ ပကမၤအီၤလီၤႉ ဘၣ်ဆၣ်‚ လၢပတၢ်ဂံၢ်စၢ် ဘါစၢ်အပူၤ‚ ကစၢ်ယွၤအၢၣ်လီၤပှၤလၢ ပကိးထီၣ်အ၀ဲလၢ အမ့ၢ်ပလၢၢ်အံၤသ့ထီဘိ (၁-၂) န့ၣ်လီၤႉ ဖဲပတအိၣ်ဒီး တၢ်ဂံၢ်ဆူၣ်ဘါဆူၣ်‚ အ၀ဲမ့ၢ်ပပှၤကွၢ်သိဒီး ကစိာ်ထီၣ် ပှၤလၢအစုလီၤစိၤလီၤထီ (း၈-၉) န့ၣ်လီၤႉ