ဖဲယလံၤမုၣ်ခံဂၤဂုာ်ကျဲးစၢး ဂဲၤဒိတၢ်လၢ ဗူငခန ငည အ့န တသညိနမူၠညိ ဲမႉ အတၢ်သံကျံန့ၣ် အ၀ဲသ့ၣ်အသးပူၤ ဆၢကဲထီၣ်ဘၣ် မုၣ်ဂဲၤဒိလၢ တၢ်ကဒုးနဲၣ်ပူအံၤ ဒ်ပှၤအကါဒိၣ်တဖၣ် အသိးန့ၣ်လီၤႉ မဲးကံၢ် ဆၢကဲထီၣ်ဘၣ် အဲလံးစ်ဖိ ဒီး ခဲးထံၣ် တခီ မဲးသံၣ်ဒၣ် လၢ အမ့ၢ်ပှၤလၢအကါဒိၣ်န့ၣ်လီၤႉ ဘၣ်ဆၣ်‚ အ၀ဲသ့ၣ်ဘၣ် တၢ်ဃုထၢထီၣ်အီၤလၢ တၢ်ကကဲထီၣ် ဖီတဖၣ်လၢပူအံၤအပူၤအဃိ‚ ယဆိကမိၣ်ထီၣ်လၢအမ့ၢ် ယ့တူာ်ကွံာ် လံာ်ပျဲက့လၢ ယကလဲၤကွၢ်တၢ်ဒုးနဲၣ်အံၤဧါန့ၣ်လီၤႉ
ဘၣ်ဆၣ်‚ ယဖိမုၣ်တဲဘၣ်ယၤလၢ အဖိသ့ၣ်တဖၣ်န့ၣ် ‘အသူၣ်ဟူးသးဂဲၤလၢ အတံၤသကိးအဂီၢ်လၢ ကကဲထီၣ်မုၣ်ဂဲၤဒိတဖၣ်လၢအကါဒိၣ်န့ၣ်လီၤ’ႉ ဖျါလၢ အ၀ဲသ့ၣ် သးခုဒိၣ်လၢအတံၤသကိးတဖၣ်အဂီၢ် ဒီးနီၤဟ့ၣ်စ့ၢ်ကီး တၢ်သူၣ်ဟူးသးဂဲၤန့ၣ်လီၤႉ
မ့ၢ်တၢ်အက့ၢ်အဂီၤလၢ ပ့ကၢးဘၣ်ထွဲလိာ်သးတဂၤဘၣ်ဂၤလၢ ကစၢ်ခရၠာစးံာ် အက့ၢ်အဂီၤအပူၤဒ်လဲၣ်န့ၣ်လီၤႉ လီၢ်က၀ီၤတၢ်အိၣ်ဖှိၣ်ကိးဖုအိၣ်ဒီး တၢ်လၢ တၢ်ဆိ ကမိၣ် ဒ်လီၢ်လၤတဖၣ်လၢအကါဒိၣ်အသိးန့ၣ်လီၤႉ ဖဲအံၤ‚ လိၣ်ဘၣ်စ့ၢ်ကီး ဖီဖိတဖၣ်- ပှၤလၢအမၤတၢ်မၤလၢအကါဒိၣ်တဖၣ် ဃုာ်ဒီးတၢ်ဖံးတၢ်မၤတၢ်လၢတဒိၣ်တထီ တဖၣ် စ့ၢ်ကီးန့ၣ်လီၤႉ ဖဲပှၤတဂၤဂၤ မ့ၢ်ဒိးန့ၢ်တၢ်လီၢ်လၢ ပဆၢမုၢ်လၢ်ဘၣ်အဃိ‚ မ်ပကဃုထၢတၢ်လၢ ကဟ့ၣ်ဂံၢ်ဟ့ၣ်ဘါအ၀ဲသ့ၣ် ဒ်ပှၤလၢအမၤပှဲၤ တၢ်မၤလၢအလီၤ ဘၣ်ပှၤ‚ ဒ်ကစၢ်ယွၤပာ်လီၤန့ၣ်ပှၤအသိးန့ၣ်တက့ၢ်ႉ
နီၢ်နီၢ်‚ တၢ်မၤစၢၤတၢ်ဒီး တၢ်ဟ့ၣ်ဂံၢ်ဟ့ၣ်ဘါ ပှၤဂုၤပှၤဂၤအံၤ မ့ၢ်ကျဲတဘိဆူ တၢ်ကဒုးနဲၣ် တၢ်အဲၣ်ဘၣ်ကစၢ်ယွၤန့ၣ်လီၤႉ ဧ့ၤ့ဘံၤ ၆း၁၀ စံးဘၣ်ပှၤလၢ ‘ယွၤတမ့ၢ် ဘၣ်ပှၤတတီတလိၤဘၣ်လၢ အကသးပ့ၤနီၣ်သုတၢ်မၤဒီး သုတၢ်အဲၣ်တၢ်ကွံ လၢသုအဲၣ်အမံၤ‚ ဒီးသုတၢ်မၤစၢၤတ့ၢ်‚ ဒီးသုမၤစၢၤဒံးပှၤစီဆှံန့ၣ်‚ အဂ့ၢ်ဘၣ်’’ ဒီးတၢ်ဟ့ၣ်လၢ အ၀ဲဟ့ၣ်လီၤပှၤ‚ လၢအကါတဒိၣ်တအိၣ်၀ဲနီတမံၤ‚ ‘‘အံးက့ၤကွၢ်က့ၤလိာ်သုသး ဒ်သုန့ၢ်တၢ်ဘျုးတၢ်ဖှိၣ်တဂၤ ဒီးတဂၤအသိးန့ၣ်တက့ၢ်’’ ( ၁ပ့း ၄း၁၀) ႉ
ဆိကမိၣ်ထီၣ်တၢ်အိၣ်ဖှိၣ်တဖုလၢအဟ့ၣ်ဂံၢ်ဟ့ၣ်ဘါတၢ်လၢတၢ်သူၣ်စူၤသးစူၤ ခီဖျိတၢ်စူးကါအတၢ်ဟ့ၣ်လၢ ယွၤဟ့ၣ်ဘျုးအ၀ဲသ့ၣ်ဆူ အ၀ဲအလၤကပီၤ (ဧ့ၤ့ဘံၤ ၆း၁၀) န့ၣ်တက့ၢ်ႉ အခဲအံၤ‚ တၢ်အ၀ဲန့ၣ် ကဒုးကဲထီၣ် တၢ်သးခုဒီး တၢ်သူၣ်ဟူးသးဂဲၤ န့ၣ်လီၤႉ