ယမ့ၢ်ပှၤအကကွဲၢ်တဖၣ်အကကွဲၢ်အကျါတဂၤ လၢဟီၣ်ခိၣ်ဒီဘ့ၣ်‚ လၢအတူၢ်ဘၣ် အဲးစႉအ့ၣ်ႉဒံၢ်‚ တၢ်သးဟးဂီၤလၢ အသူၣ်လီၤသးလၢ မူခိၣ်ကလံၤအတၢ်အိၣ်သး‚ တၢ်တူၢ်ဘၣ်တကလုာ်လၢ တၢ်သးဟးဂီၤပတီၢ်မုၢ်လၢတၢ်လီၢ်လၢမုၢ်တၢ်ကပီၤဆံးစှၤ ခီဖျိ မုၢ်တၢ်ကပီၤလၢ အကတီၢ်ဖုၣ်‚ လၢတၢ်ခုၣ်အလါတဖၣ်န့ၣ်လီၤႉ ဖဲယစးထီၣ်ပျံၤ တၢ်ခုၣ်အလါလၢ ထံကၢကိၢ်လိၣ်ဘၣ်ကတၢၢ်‚ ယအိၣ်ဒီးတၢ်သူၣ်ဆူၣ်သးဆူၣ်လၢ တၢ်အုၣ်သးလၢ နံၤကထီဒီး တၢ်ကိၢ်အသဟီၣ် ကအါထီၣ်အဂီၢ်န့ၣ်လီၤႉ
တၢ်ယီၤထီၣ်သီအပနီၣ်တဖၣ်‚ ဖီဖိတဖၣ်ဘိၣ်ထီၣ်ဖးထီၣ်လၢဘရၣ်မုၢ်ပစီၤထံ အကျါ‚ မ့ၢ်စ့ၢ်ကီးတၢ်လၢအအိၣ်ဒီးအစိကမီၤလၢကဒုးသ့ၣ်နီၣ်ထီၣ်ယၤလၢ‚ ကျဲလၢတၢ် ကမုၢ်လၢ်တၢ်လၢ ကစၢ်ယွၤမၤဟးဂီၤကွံာ်တၢ်သ့ တုၤဒၣ်လဲာ်လၢ ပသးသမူအကတီၢ် လၢအခံးသူကတၢၢ်တဖၣ်န့ၣ်လီၤႉ ၀ံမံကၤအၢၣ်လီၤလၢ‚ တၢ်အံၤလီၤဂာ်ဒိၣ်မးလၢ ‘တၢ်ခုၣ်တၢ်ဂိၢ်အကတီၢ်’ ဖဲပှၤအံၣ်စရၠာစး့လးဖိတဖၣ် ဃၣ်ကွံာ်အသးလၢကစၢ်ယွၤအအိၣ် န့ၣ်လီၤႉ ဒ်အ၀ဲပဲာ်ထံတၢ်အိၣ်သးလၢ အဃ့စိၢ်ဃ့ထီ‚ ဖဲန့ၣ်အ၀ဲကအုကစွါထီၣ်လၢ ‘ပှၤအတီၤအလိၤ တအိၣ်ဘၣ်လၢ ပှၤကညီအကျါဘၣ်’ (မံကၤ ၇း၂) န့ၣ်လီၤႉ
ဖဲလၢတၢ်အိၣ်သး မ့ၢ်ဟဲဖျါထီၣ် လီၤပျံၤလီၤဖုးဒိၣ်ဒိၣ်အါအါအခါဒၣ်လဲာ်‚ ၀ံမံကၤ ဂ့ၢ်လိာ်ဒီးတတူလိာ်တၢ်ခီၣ့်ှှူသးဘၣ်ႉ အ၀ဲတၢ်မုၢ်လၢ်တၢ်လၢယွၤန့ၣ်လီၤႉ အ၀ဲနာ်လၢ ကစၢ်ယွၤ မၤဒံးတၢ် (း၇) ‚ လၢတၢ်အကတီၢ်လၢတၢ်ဟးဂီၤဒိၣ်ဒိၣ်ကလဲာ်‚ ဖဲလၢမ့ၢ် တထံၣ်ဘၣ် တၢ်အုၣ်သးဟဲဖျါထီၣ်နီတမံၤဒံးဘၣ်န့ၣ်လီၤႉ
လၢပသးသမူအတၢ်ခံးသူဒီး တဘျီဘျီဖျါလၢ အကတၢၢ်တအိၣ်ဒ် ‘တၢ်ခုၣ်တၢ်ဂိၢ်အလါ’ ဒီးဖဲတၢ်ယီၤထီၣ်သီ မ့ၢ်တဟဲဖျါထီၣ်န့ၣ် ပကွၢ်ဆၢၣ်မဲာ်ဘၣ်တၢ် တမံၤဃီ ဒ်၀ံမံကၤအသိးန့ၣ်လီၤႉ မ့ၢ်ပကခီၣ့်ှှူပသးလၢ တၢ်သးဟးဂီၤန့ၣ်ဧါႉ မ့တမ့ၢ်‚ မ့ၢ် ပ‘ကကွၢ်လၢ်ယွၤအကျဲ‚ မုၢ်လၢ်ဒီး မုၢ်လၢ်တၢ်လၢယွၤ’ (း၇) န့ၣ်ဧါႉ
ပတၢ်မုၢ်လၢ်တၢ်လၢ ကစၢ်ယွၤအပူၤအံၤ‚ တမ့ၢ်တၢ်မၤလၢာ် ပဆၢပကတီၢ်န့ၣ်ဘၣ် (ရၠာစးိ ၅း၅) ႉ အ၀ဲကဟဲစိာ် တၢ်အကတီၢ်တကတီၢ်လၢ အတအိၣ်ဒီး ‘တၢ်ခုၣ် တၢ်ဂိၢ်’‚ တၢ်အကတီၢ်တကတီၢ်လၢ တၢ်တအိၣ်ဒီး တၢ်သူၣ်အုးသးအုး မ့တမ့ၢ် တၢ်တူၢ်ဘၣ်တၢ်န့ၣ်လီၤ (လီၣ် ၂၁း၄) ႉ လၢတၢ်အံၤအဃိ‚ မ်ပကအိၣ်ဆိးလၢအပူၤ‚ အၢၣ်လီၤသကိးလၢ ‘ယမုၢ်လၢ်တၢ်လၢနၤလီၤ’ (စံး ၃၉း၇) ႉ