ဖဲတၢ်လဲၤဟးကသုၣ်တကတီၢ် ဒ်သိးကမၤပတၢ်ဖျီပှဲၤထီၣ် ၂၅ နံၣ်အမူးန့ၣ်‚ ယ၀ၤဒီးယၤ ပဖးပလံာ်စီဆှံဒၣ်၀ဲလၢ ပီၣ်လဲၣ်ကၢၢ်နံၤန့ၣ်လီၤႉ ပှၤဆါတၢ်ဖိတဖၣ် ဟဲဖဲပကပၤဒီး ကိးသBတီ ထီၣ်တၢ်လၢ အဟဲဆါ၀ဲတဖၣ်န့ၣ်လီၤႉ ပစံးဘျုးအ၀ဲသ့ၣ်တဂၤစုာ်စုာ်ဘၣ်ဆၣ်‚ ပတပရၤတၢ်နီတမံၤဘၣ်ႉ ဖဲအံၤ ပှၤဆါတၢ်ဖိ ဖၢၣ်နါဒိၣ် နံၤကမှံထီၣ်ဒီး တဲဘၣ်ပှၤလၢ ပက့ၤပရၤ တၢ်ဟ့ၣ်ဖိတဖၣ်လၢ ပတံၤသကိးအဂီၢ်န့ၣ်လီၤႉ ဖဲယသမၢလၢ ယကပရၤတၢ်ပိးတၢ်လီဖိလၢအ၀ဲဟဲဆါ၀ဲဒီး ဖၢၣ်နါဒိၣ် ဘိၣ်က့ၤ အတၢ်ဘိၣ်၀ံၤ‚ စးထီၣ်ဟးကွံာ်လၢပဃၢၤဒီး နံၤကမှံဒံးလီၤႉ ဖဲန့ၣ်ယတဲဘၣ်အီၤ လၢ‚ ‘ယဃ့ထုကဖၣ်လၢ တနံၤအံၤကစၢ်ယွၤကဆိၣ်ဂ့ၤနၤ’လီၤႉ
ဖဲန့ၣ်ဖၢၣ်နါဒိၣ်ဃၣ်က့ၤအသးဆူယအိၣ်ဒီး တဲဘၣ်ယၤလၢ ‘‘ကစၢ်ယွၤဆိၣ်ဂ့ၤ ယၤလီၤႉ ကစၢ်ယ့ၣ့်ှှူးဆီတလဲကွံာ် ယတၢ်အိၣ်မူန့ၣ်လီၤ’’ႉ အ၀ဲဟဲဒီးချံးလီၤအခီၣ်လၢ ပလီၢ်ဆ့ၣ်နီၤအကဆူးန့ၣ်လီၤႉ ‘ယကလၢၢ်ဘၣ်လၢ ကစၢ်ယွၤအိၣ်၀ဲဖဲအံၤန့ၣ်လီၤ’ႉ ၀ံၤအ၀ဲ နီၤဟ့ၣ်အသးသမူ အဂ့ၢ်အကျိၤလၢ ကစၢ်ယွၤမၤထူၣ်ဖျဲးထီၣ်အီၤလၢ ကသံၣ်မူၤဘှိးဒီး သံးအတၢ်မၤနၢၤမၤပ့ၤလၢ အပူၤကွံာ် (၁၄) နံၣ်န့ၣ်လီၤႉ
ယမဲာ်ထံတဖၣ်ယွၤလီၤ ဖဲယဒိကနၣ် အ၀ဲ့ှူးထီၣ် ထါစံးထီၣ်ပ့တၢၤအထါ တယုၢ်ဘၣ် တယုၢ်ဒီး ဃ့ထုကဖၣ်တၢ်လၢပဂီၢ်န့ၣ်လီၤႉ ပစံးထီၣ်ပ့တၢၤသကိး ကစၢ်ယွၤ ဒီး သးခုလၢ အ၀ဲအတၢ်အိၣ်ဒီးပှၤလၢလၣ်ပလ့ၣ်ယၣ်အကၢၢ်နံၤန့ၣ်လီၤႉ
ထါစံးထီၣ်ပ့တၢၤ ၁၄၈ မ့ၢ်တၢ်ထုကဖၣ်လၢတၢ်စံးထီၣ်ပ့တၢၤက့ၤယွၤန့ၣ်လီၤႉပှၤကွဲးထါစံးထီၣ်ပ့တၢၤ ဟ့ၣ်ဂံၢ်ဟ့ၣ်ဘါ တၢ်ဘၣ်တ့ကိးမံၤ ဒ်သိးကစံးထီၣ်ပ့တၢၤ ‘ယွၤ အမံၤႉႉႉ အဂ့ၢ်ဒ်အံၤ မၤလိာ်၀ဲဒီး အ၀ဲသ့ၣ်ကဲထီၣ်လီၤ’ (း၅) ႉ ‘တၢ်ပာ်ထီၣ်ထီထဲ အ၀ဲဒၣ် အမံၤဧိၤန့ၣ်လီၤႉ အလၤကပီၤအိၣ်၀ဲလၢမူခိၣ်ဒီးဟီၣ်ခိၣ်အဖီခိၣ်လီၤ’ (း၁၃) ႉ
ဖဲကစၢ်ယွၤကွဲမုာ်ပှၤ ဒ်သိးပကဟဲစိာ် ပတၢ်လိၣ်တဖၣ်လၢ အ၀ဲအမဲာ်ညါဒီး နာ်လၢ အ၀ဲဒိကနၣ်ပှၤဒီး ကဟုကယာ်ပှၤန့ၣ်လီၤႉ အ၀ဲသးခုစ့ၢ်ကီးလၢ ပတၢ်စံးဘျုး အတၢ်ထုကဖၣ် ဖဲလၢပအိၣ်တပူၤလၢ်လၢ်‚ တုၤဒၣ်လဲာ်လၢပမ့ၢ်အိၣ်လၢ ပီၣ်လဲၣ်ကၢၢ်နံၤ အဖီခိၣ်န့ၣ်လီၤႉ