ဖဲ ၂၀၁၉ နံၣ် လါအ့ြဖ့ၣ်န့ၣ် တၢ်လီၢ်တခါလၢ ဘံးထိၣ်ဘ့လံၣ်အဃၢၤ‚ ခဲၣ်လံဖိနံယၣ် န့ၣ် ပှဲၤလၢ သ့ၣ်တပှိာ်လၢ တလ့ၣ်လီၤသးန့ၣ်လီၤႉ ကလံၤလၢအဆူၣ်အူကွံာ် တၤဆှုၣ်လၢအတလ့ၣ်လီၤသးတဖၣ်‚ လၢအမဲထီၣ် လၢမိၣ်ကၠ့းမဲးမုၢ်ခိၣ်န့ၣ်လီၤႉ ဖဲတပှိာ်အံၤမ့ၢ်ဒိၣ်တုာ်‚ တၢ်အံၤအထီအိၣ် တုၤ ၆ ပ့ၣ်‚ က့ၢ်ဂီၤလၢအဒိၣ်ဒိၣ်မုၢ်မုၢ်တခါ ဖဲတၢ်ဆှုၣ်အံၤ ထီၣ်တဲာ်ကွံာ်လၢအဂံၢ်တဖၣ်ဆူ ‘‘တၢ်တလ့ၣ်လီၤသး’’ ဃုာ်ဒီးအချံတဖၣ်လၢ အယူၤ၀့ၤယူၤ၀ီၤလၢ ကလံၤကျါ‚ မ့ၢ်တၢ်လၢ အမၤတံာ်တာ်တၢ်န့ၣ်လီၤႉ
သ့ၣ်တပှိာ်လၢအမဲထီၣ်လၢ မဲးမုၢ်ခိၣ်အံၤ မ့ၢ်တၢ်အက့ၢ်အဂီၤလၢ ယအဲၣ်ဒိး ပာ်ဖျါထီၣ်‚ ဖဲယဖး၀ံယံးရၠာစးမံယၤအတၢ်ပာ်ဖျါထီၣ် ပှၤတဂၤအက့ၢ်အဂီၤ‚ လၢ ‘‘အသးလဲၤသဒၣ်ယွၤ’’ (ယံးရၠာစးမံယၤ ၁၇း၅) န့ၣ်လီၤႉ ကစၢ်ယွၤစံးလၢ‚ ‘‘ပှၤလၢ အပာ်ဂံၢ်ပာ်ဘါတၢ်လၢ ပှၤကူပှၤကညီ ‘ကမၤသးဒ်ပထိးသ့ၣ် ဧၢ်ရၠာစးၢ်လၢ ပှၤမုၢ်ကနၢ န့ၣ်လီၤႉ ‘‘တုၤတၢ်ဂ့ၤဟဲဒီး‚ တထံၣ်ဘၣ်၀ဲဘၣ်’’ (း၅-၆) ႉ မ့မ့ၢ်ပှၤလၢ အသန့ၤသးလၢယွၤ န့ၣ် တမ့ၢ်ဒ်သိးအံၤန့ၣ်ဘၣ်ႉ ကလီၤဂာ်ဒီးသ့ၣ်ထူၣ်တဖၣ်လၢ အဂံၢ်စဲၤလီၤသးယိာ်ယိာ် လၢ ကစၢ်ယွၤအပူၤ‚ ကဒုးကဲထီၣ်တၢ်ဒိၣ်တုာ် တၢ်အိၣ်မူအလၢအပှဲၤဒီး တုၤဒၣ်လဲာ်လၢ တၢ်ယီၤဃ့မ့ၢ်ဟဲဘၣ်ဆၣ်‚ တၢ်အံၤ ကသၣ်ထီၣ်တၢ်သၣ်လၢ အတတုာ်၀ဲဘၣ်န့ၣ်လီၤႉ
သ့ၣ်တပှိာ်မ့ၢ်ဂ့ၤ‚ သ့ၣ်ထူၣ်မ့ၢ်ဂ့ၤ အိၣ်ဒီးအဂံၢ်တဖၣ်လီၤႉ ဘၣ်ဆၣ်‚ သ့ၣ်တပှိာ်တခီ‚ တဘၣ်ထွဲလိာ်သးဒီး အတၢ်မူအဂံၢ်ထံးအဃိ ဃ့စိၢ်ဃ့ထီကွံာ် ဒီးသံကွံာ်န့ၣ်လီၤႉ မ့မ့ၢ်သ့ၣ်ထူၣ်တဖၣ်တခီ‚ အိၣ်ဆိးဘၣ်ထွဲ တၢ်လၢ အဂံၢ်အစၢၤတဖၣ် အဃိ‚ ဒုးသၣ်ထီၣ်ဖီထီၣ်တၢ်ဒီး အိၣ်ဒီးတၢ်အိၣ်မူဖဲလၢတၢ်အကတီၢ် ကီခဲတဖၣ်န့ၣ်လီၤႉ ဖဲပဟံးဃာ်တၢ်ကျၢၤကျၢၤလၢကစၢ်ယွၤ‚ ဟံးန့ၢ်တၢ်ဂံၢ်တၢ်ဘါလၢ တၢ်ဟ့ၣ်ဂံၢ်ဟ့ၣ်ဘါ တၢ်ဒီးတၢ်ကူၣ်သ့လၢ တၢ်ထံၣ်န့ၢ်အီၤလၢလံာ်စီဆှံ‚ ဒီး ဃ့ထုကဖၣ်ဆူယွၤအအိၣ်န့ၣ် ပ၀ဲစ့ၢ်ကီး ပကလဲၤခီဖျိဘၣ် တၢ်မူ‚ ဒီးတၢ်လၢအဖီထီၣ်သၣ်ထီၣ် ဒ်သ့ၣ်တထံးလၢ အဘၣ်တၢ်မၤပှဲၤအီၤလၢ ကစၢ်ယွၤန့ၣ်လီၤႉ