ဒ်ဒူၣ်ဖိထၢဖိအတၢ်စံၣ်ဃဲၤတဲဃဲၤ ပာ်ဖျါ၀ဲအသိး‚ ပှၤဒီပုၢ်၀ဲၢ်ခွါခံဂၤ‚ တဂၤအမံၤ မ့ၢ်ဘ့လ့ၣ်ဒီးအဂၤတဂၤ မ့ၢ်မဲ (လ) ဘ့‚ ဆၢထၢၣ်လၢဒူၣ်ဖိထၢဖိ တၢ်ဘုၣ်ကျီၢ်ပနၢ်အစံၣ်ပျီ န့ၣ်လီၤႉ တနံၤဖဲထံၣ်ကဘီယူၤတဘ့ၣ်ဒီး ကွဲးလီၤတၢ်လၢမူခိၣ်လၢ လံာ်မဲာ်ဖျၢၣ်န့ၣ်လီၤႉ ဖိၣ်သၣ်ခွါဖိခံဂၤ ထံၣ်လံာ်မဲာ်ဖျၢၣ်လၢအဘၣ်တၢ်ကွဲး အဟဲဖျါထီၣ် “ွာ်” န့ၣ်လီၤႉ
ပှၤဒီပုၢ်၀ဲၢ်ခွါခံဂၤလိာ် ဆၢတဲာ်လၢ အ၀ဲသ့ၣ်ထံၣ်ဘၣ်၀ဲ‚ ဒ်တၢ်အခီပညီထီၣ် လၢအဂီၢ်ဒၣ်၀ဲအသိးန့ၣ်လီၤႉ တဂၤ‚ ဆိကမိၣ်ထီၣ်အခီပညီ ဒ် ‘‘လဲၤစံၣ်တဲၤတဲလီၤတၢ်’’ (ွသ ာ်မနၠခ့) ဒီး အဂၤတဂၤ‚ ဖးတၢ်အံၤ ဒ် ‘‘လဲၤဒီးထူစံၣ်ထူပှဲၤတက့ၢ်’’ (ွသ ာ်ူသတ) န့ၣ်လီၤႉ လၢခံ‚ ဖိၣ်သၣ်ခွါအကျါတဂၤ မ့ၢ်ဘ့လ့ၣ်ကရၠာစး့ဟဲ (မ) ‚ လုၢ်ထီၣ်အသးလၢ ကစံၣ်တဲၤတဲလီၤ တၢ်သးခုကစီၣ်ဒီး ကဲထီၣ်ပှၤမံၤဟူသၣ်ဖျါလၢတၢ်သးခုကစီၣ်တၢ်မၤ ဒီး အပုၢ် မဲ (လ) ဘ့ န့ၣ် လၢတၢ်သးတီအပူၤ‚မၤတၢ်လၢစံၣ်ပျီ လၢအါနံၣ်အါလါန့ၣ်လီၤႉ
ပာ်တၢ်ပနီၣ်လၢအဘၣ်တၢ်ကွဲးလီၤလၢမူခိၣ်လၢအတကပၤ‚ ဖဲလၢယွၤမ့ၢ်ကိး ဘ့လ့ၣ် ဒ်သိးကစံၣ်တဲၤတဲလီၤတၢ်ဒီး မဲ (လ) ဘ့ လၢ ကထူစံၣ်ထူပှဲၤ‚ ဒ်အဖျါ၀ဲအသိး‚ အ၀ဲသ့ၣ်ခံဂၤလိာ်မၤလၤကပီၤယွၤ ခီဖျိတၢ်ဖံးတၢ်မၤလၢ အ၀ဲသ့ၣ်မၤ၀ဲတဖၣ်န့ၣ်လီၤႉ ဖဲဘ့လ့ၣ်ကရၠာစး့ဟဲ (မ) မၤ တၢ်စံၣ်တဲၤတဲလီၤတၢ်လၢ တၢ်ဆၢကတီၢ်ဖးယံာ်‚ အ၀ဲအတၢ်မၤနၢၤတမ့ၢ်တၢ်လၢအခီပညီထီၣ်လၢ အပုၢ်ဒ့ခွါအတၢ်စူၢ်တၢ်လၢကထူစံာ်ထူပှဲၤအံၤ‚ မ့ၢ်တၢ်လၢအကါဒိၣ်ဆံးစှၤန့ၢ်အ၀ဲအတၢ်မၤန့ၣ်ဘၣ်လီၤႉ
ဖဲယွၤပာ်လီၤပှၤတနီၤနီၤ ဒ်သိးကမၤတၢ်လၢ တၢ်မၤတၢ်သးခုကစီၣ် လၢာ်ဆၢ လၢာ်ကတီၢ်န့ၣ် (အ့း ၄း၁၁-၁၂) ‚ တၢ်မၤအံၤ တမ့ၢ်တၢ်မၤလၢ အကါဒိၣ်၀ဲလၢ ပှၤလၢအမၤတၢ်ဖံးတၢ်မၤအဂုၤအဂၤန့ၣ်ဘၣ်ႉ လၢတၢ်မၤခံမံၤလိာ်အပူၤ‚ စီၤပီလူးပာ်ဖျါ၀ဲလၢ ‘‘အမၤစၢၤတၢ်ဒ်အဂီၤတမံၤဒီးတမံၤ မၤ၀ဲအသိး’’ (း၁၆) န့ၣ်လီၤႉ တၢ်အံၤအခီပညီန့ၣ် မ့ၢ်တၢ်မၤလၤကပီၤယ့ၣ့်ှှူးလၢ တၢ်သးတီ ခီဖျိစူးကါတၢ်ဟ့ၣ် တဖၣ်လၢ ကစၢ်ယွၤ ဟ့ၣ်လီၤပှၤန့ၣ်လီၤႉ ဖဲလၢပမ့ၢ် ‘လဲၤစံၣ်တဲၤတဲလီၤတၢ်’ မ့တမ့ၢ် ‘ပထူစံၣ်ထူပှဲၤ’ ဂ့ၤ‚ ပမၤတၢ်မၤလၢအလီၤဆီလိာ်သး လၢကစၢ်ယ့ၣ့်ှှူးအဂီၢ် သ့၀ဲ‚ ဖဲပဟ့ၣ်လီၤပသး မ့တမ့ၢ် ပဖံးတၢ်မၤတၢ်န့ၣ်လီၤႉ