လၢလါတနီၤအပူၤဒီး တုၤအခဲအံၤ‚ ယအိၣ်ဒီးတၢ်ကွဲးလိာ်သးလံာ်ပရၠာစးၢဒီး သးစၢ်ခွါ တဂၤ လၢအဆိကမိၣ်တၢ်ယိာ်ယိာ်လၢ အဘၣ်ထွဲဒီးတၢ်စူၢ်တၢ်နာ်န့ၣ်လီၤႉ လၢတၢ်အိၣ်သး တဘျီ‚ အ၀ဲကွဲးဖျါထီၣ်လၢ‚ ‘‘ပမ့ၢ်ပှၤလၢ အဆံးကဲၣ်ဆိးလၢ တၢ်စံၣ်စိၤတဲစိၤ ဒီတကတီၢ်န့ၣ်လီၤႉ လၢတၢ်အံၤအဃိ‚ မ့ၢ်ပကါဒိၣ်ပ၀ဲစ့ၢ်ဧါ’’ န့ၣ်လီၤႉ
ပှၤအံၣ်စရၠာစး့လးအ၀ံ စီၤမိၤဒီးစ့ၢ်ကီး တူၢ်လိာ်၀ဲဒီး ပာ်ဖျါထီၣ်၀ဲလၢ ‘‘ပနံၣ်တဖၣ်ႉႉႉ ဒံကွံာ်၀ဲဒီး ပယူၤထီၣ်ကွံာ်လီၤ’’ (စံး ၉၀း၁၀) ႉ သးသမူလၢအဖုၣ်အံၤ‚ ဒုးကိၢ်ဒုးဂီၤပှၤ ဒီးဒုးကဲထီၣ်ပှၤ လၢတၢ်ကမၢကမၣ်ဘၣ်လၢ မ့ၢ်ပကါဒိၣ်ပ၀ဲစ့ၢ်ဧါလီၤႉ
ပမ့ၢ်ပှၤလၢအကါဒိၣ်၀ဲလီၤႉ မ့ၢ်လၢပဘၣ်တၢ်အဲၣ်ပှၤဒိၣ်ဒိၣ်ယိာ်ယိာ်‚ လီၤထူလီၤယိာ်လၢ ကစၢ်ယွၤလၢအတ့လီၤပှၤအဃိန့ၣ်လီၤႉ လၢထါအံၤအပူၤ‚ စီၤမိၤဒီးဃ့ထုကဖၣ်လၢ ‘‘ဒုးမံသူၣ်မံသးပှၤလၢ နဘျုးနဖှိၣ်’’ (း၁၄) န့ၣ်တက့ၢ်ႉ ပမ့ၢ်ပှၤလၢ အကါဒိၣ် မ့ၢ်လၢ ပမ့ၢ်ပှၤလၢအကါဒိၣ်လၢယွၤအဂီၢ်အဃိန့ၣ်လီၤႉ
ပမ့ၢ်ပှၤလၢအကါဒိၣ်မ့ၢ်လၢ ပဒုးနဲၣ်ဖျါထီၣ် ကစၢ်ယွၤအတၢ်အဲၣ်တၢ်ကွံ ဆူ ပှၤဂုၤပှှၤဂၤအအိၣ်သ့၀ဲအဃိန့ၣ်လီၤႉ ဖဲလၢပသးသမူ မ့မ့ၢ်တၢ်ဖုၣ်ကိာ်‚ တၢ်အံၤတမ့ၢ် တၢ်လၢအခီပညီတအိၣ် ဖဲလၢပမ့ၢ်ပာ်တ့ၢ်တၢ်ဟူးတၢ်ဂဲၤလၢ ယွၤအတၢ်အဲၣ်တၢ်ကွံ န့ၣ်လီၤႉ ပတၢ်အိၣ်မူလၢဟီၣ်ခိၣ်အံၤ‚ တမ့ၢ်တၢ်ကဘၣ်ဃုကျိၣ်စ့ဒီး အိၣ်ဘှံးအိၣ်သါ ဖဲသးအနံၣ်အလါပှၢ်ထီၣ်လၢ တၢ်တသူၣ်ကိၢ်သးဂီၤဘၣ်တၢ်ဘၣ်‚ မ့မ့ၢ်လၢ ‘‘ ကပာ်ဖျါထီၣ်ကစၢ်ယွၤ’’ ဆူပှၤဂုၤပှၤဂၤ ခီဖျိနီၤဟ့ၣ်လီၤ ကစၢ်ယွၤအတၢ်အဲၣ် ဆူအ၀ဲသ့ၣ်အအိၣ်န့ၣ်လီၤႉ
ဖဲလၢတၢ်မူလၢဟီၣ်ခိၣ် မ့မ့ၢ်တၢ်တစိၢ်တလီၢ်ဘၣ်ဆၣ်‚ ပမ့ၢ်တၢ်ဘၣ်တ့ တဖၣ်လၢ ကမူဘၣ်လီၤထူလီၤယိာ်န့ၣ်လီၤႉ မ့ၢ်လၢကစၢ်ယ့ၣ့်ှှူး ဂဲၤဆၢထၢၣ်လၢ တၢ်သံအဃိ ပကမူဘၣ်လီၤစိၤလီၤထီန့ၣ်လီၤႉ တၢ်အံၤမ့ၢ်တၢ်လၢ စီၤမိၤဒီး အဲၣ်ဒိး ပာ်ဖျါ၀ဲ ဖဲအမၤလီၤတံၢ်ပှၤလၢ‚ ကစၢ်ယွၤ က‘ဒုးမံသူၣ်မံသးပှၤလၢ န (အ) ဘျုးအဖှိၣ် လၢအဆိအခ@ ဒ်သိးပကသူၣ်ဖှံသးညီ‚ သူၣ်ခုသးခုတစိၤဒၣ်ပှၤအံၤ’ န့ၣ်လီၤႉ လၢ ‘ဂီၤအ၀ဲန့ၣ်’ ပကဆၢထၢၣ် ဒ်သိးပကမူလၢတၢ်အဲၣ်တၢ်ကွံ‚ ဒီးဒိးဘၣ်တၢ်အဲၣ်ပှၤလီၤထူ လီၤယိာ်န့ၣ်လီၤႉ ဒီးတၢ်အံၤ မ့တမ့ၢ်တၢ်လၢအဒုးကဲထီၣ်တၢ်လၢ အခီပညီအိၣ် အဃိ‚ ယတသ့ၣ်ညါက့ၤလၢၤလၢ တၢ်အံၤကကဲထီၣ် တၢ်မနုၤန့ၣ်လဲၣ်လီၤႉ