တၢ်အံၤတမ့ၢ်တၢ်သးကလၢၢ်ဘၣ်လၢ အဖျါဒ်န့ဆၢၣ်အိၣ်၀ဲအသိးနီတမံၤ‚ မ့မ့ၢ် တၢ်အံၤ ဟဲအိၣ်ထီၣ်လၢယသးပူၤ‚ ဖဲယမိၢ်ယပၢ်တဖၣ်သံသဒၣ်ကွံာ်ယၤလၢ သၢလါ အတီၢ်ပူၤဒီး ယပျံၤယဲလၢအ၀ဲသ့ၣ်ကသးပ့ၤနီၣ်ဘၣ်ယၤန့ၣ်လီၤႉ နီၢ်နီၢ်တခီ‚ အ၀ဲသ့ၣ် လဲၤပူၤကွံာ်လံဟီၣ်ခိၣ် ဘၣ်ဆၣ်‚ ယအိၣ်ဒီးတၢ်တလီၤတံၢ်လီၤဆဲးဖးဒိၣ်တခါအံၤ န့ၣ်လီၤႉ မ့ၢ်သးစၢ်ဒိၣ်တုာ်ခိၣ်ပှဲၤလၢ အတဆီဟံၣ်ဆီဃီဒံးတဂၤဒီး ကမၤကမၣ်ယဲလၢမ့ၢ်ယကဘၣ်ပၢဆှၢက့ၤယသးသမူလၢ တအိၣ်ဒီးမိၢ်ပၢ်ဒ်လဲၣ်န့ၣ်လီၤႉ ကလၢၢ်ဘၣ်ယဲ နီၢ်နီၢ်လၢ ယအိၣ်သယုၢ်သညိဘၣ်ယဲ ထဲတဂၤဧိၤန့ၣ်ဒီး ယဃုထံၣ်ယဲကစၢ်ယွၤလီၤႉ
ဘၣ်တဂီၤ‚ ယတဲဘၣ်ကစၢ်ယွၤလၢ ယတၢ်ပျံၤတၢ်ဖုးလၢ အသူၣ်လီၤသးလၢ တၢ်တဆိကမိၣ်တၢ်ဒီး တၢ်သးအုးလၢတၢ်အံၤ ဟဲစိာ်န့ၢ်ယၤ (ဖဲလၢအ၀ဲသ့ၣ်ညါတ့ၢ်လံ ယတၢ်ကွၢ်ဆၢၣ်မဲာ်) န့ၣ်လီၤႉ လံာ်စီဆှံအဆၢလၢ အဟဲတုၤဆူ ယအိၣ်ဖဲ ယဖးယဲလၢ ယ့ှှါယၤ ၄၉‚ ‘‘ပိာ်မုၣ်ကသးပ့ၤနီၣ်အဖိလၢ အအီၣ်နုၢ်တုၤ အတသးကညီၤ ဘၣ် အဒၢလီၢ်အဖိန့ၣ်ဧါႉ အ၀ဲန့ၣ်ဒၣ်လဲာ် ကသးပ့ၤနီၣ်လီၤႉ မ့မ့ၢ်ယဲဒၣ်အံၤ ယတသးပ့ၤနီၣ်ဘၣ် နၤဘၣ်’’ န့ၣ်လီၤ (း၁၅) ႉ ကစၢ်ယွၤမၤလီၤတံၢ်က့ၤ အပှၤဂီၢ်မုၢ်ခီဖျိ ၀ံယ့ှှါယၤ‚ လၢအ၀ဲ တသးပ့ၤနီၣ်အပှၢ်ဂီၢ်မုၢ် ဒီးလၢခံအၢၣ်လီၤတၢ်လၢ ကသူၣ်ထီၣ်က့ၤ အ၀ဲသ့ၣ်ဆူ အကစၢ်ဒၣ်၀ဲ‚ ခီဖျိဆှၢလီၤ အဖိခွါကစၢ်ယ့ၣ့်ှှူးလီၤႉ လံာ်စီဆှံ အဖျၢၣ်တဖၣ်အံၤ မၤစ့ၢ်ကီး တၢ်လၢ ယသူၣ်ယသးအပူၤန့ၣ်လီၤႉ တၢ်အံၤ မ့ၢ်တၢ်လၢအဆံးစှၤဒိၣ်မးလၢ မိၢ်မ့တမ့ၢ် ပၢ်တဂၤ ကသးပ့ၤနီၣ်အဖိတဖၣ်‚ ဖဲလၢ တဘျီဘျီ ကဲထီၣ်အသးသ့၀ဲန့ၣ်လီၤႉ မ့မ့ၢ်ကစၢ်ယွၤတခီ‚ တသးပ့ၤနီၣ်ပှၤနီတဘျီဘၣ်ႉ အ၀ဲစံးလၢ ‘‘ယကွဲးလံနၤလၢ ယစုညါသး အလိၤဒီး နခိၣ်ဒူအိၣ်၀ဲလၢ ယမဲာ်ညါတထံၣ်ဃီလီၤ’’ႉ
ယွၤအတၢ်စံးဆၢ ဟဲစိာ်န့ၢ်ယၤ တၢ်ပျံၤဘၣ်ဖုးဘၣ်တၢ်အါထီၣ်သ့၀ဲလီၤႉ ဘၣ်ဆၣ် တၢ်ဃူတၢ်မုာ်လၢ အ၀ဲဟ့ၣ်ယၤ ခီဖျိအကစၢ်ဒၣ်၀ဲအတၢ်သ့ၣ်နီၣ်ထီၣ်ယၤ အံၤ မ့ၢ်တၢ်လၢအလီၤတံၢ်လီၤဆဲးလၢ အမ့ၢ်တၢ်လၢယလိၣ်ဘၣ်အီၤန့ၣ်လီၤႉ တၢ်အံၤ မ့ၢ်တၢ်စးထီၣ်ဃုထံၣ်န့ၢ်တၢ်လၢ ကစၢ်ယွၤန့ၣ် အိၣ်ဘူးဒီးယၤ‚ အါန့ၢ်ဒံးမိၢ်ပၢ် တဂၤဂၤ‚ မ့တမ့ၢ် ပှၤတဂၤဂၤ‚ ဒီးအ၀ဲသ့ၣ်ညါကျဲလၢ ကဘၣ်မၤစၢၤပှၤ ဃုာ်ဒီးတၢ်ကိးမံၤ တုၤဒၣ်လဲာ်လၢ ပတၢ်ပျံၤတၢ်ဖုးလၢ အတအိၣ်ဒီးတၢ်ဆိကမိၣ်တၢ်တဖၣ်န့ၣ်လီၤႉ