အဲကလံးသုးထံအလီၢ်လံၤ ကၠ့မ်မဲးခီ၀ဲလ် အသးအိၣ် ၇၀‚ စူးကွံာ်အသး ဖဲ ၂၀၁၃ နံၣ်လီၤႉ အ၀ဲတအိၣ်ဒီးအဟံၣ်ဖိဃီဖိအဃိ ပှၤမၤတၢ်ဖိလၢအကွၢ်ထွဲအီၤလၢ တၢ်ကဟုကယာ် ပှၤသူၣ်က့သးပှၢ်အိၣ်ဆိးလီၢ်န့ၣ် ဘၣ်ယိၣ်လၢ ပှၤတဟဲနီတဂၤလၢ တၢ်ကခူၣ် လီၤအီၤန့ၣ်လီၤႉ ပှၤအိၣ်၀ဲတဂၤ‚ ကွဲးလီၤတၢ်ဂ့ၢ်လၢ တၢ်ကခူၣ်လီၤအီၤ အနံၤအသီလၢ ဖ့းဘူးခ် လၢ ‘‘ခ့ခါဆၢကတီၢ်အံၤ‚ ကမ့ၢ်တၢ်သးအုးလၢ ပှၤမ့ၢ်တဟဲနီတဂၤလၢ ကသူၣ်အုးသးအုးလၢ အ၀ဲသ့ၣ်အတၢ်လဲၤပူၤကွံာ်ဟီၣ်ခိၣ်န့ၣ်လီၤႉ ဘၣ်ဆၣ် ပှၤအံၤကအိၣ်ဒီး အဟံၣ်ဖိဃီဖိ‚ ဖဲလၢနမ့ၢ်ဟဲလၢ တၢ်ပာ်လီၤအဒဲဟီၣ်ခိၣ်ႉႉႉ ဒ်သိးကဟ့ၣ် တၢ်ယူးယီၣ်လၢ ဒီပုၢ်၀ဲၢ်ခွါလၢ အမၤသကိးတ့ၢ်တၢ်ဒီး သုလၢသုးအဃိ‚ ၀ံသးစူၤ ဂုာ်ကျဲးစၢးလၢ သုကဟဲတုၤလၢ တၢ်လီၢ်အ၀ဲန့ၣ်တက့ၢ်’’ န့ၣ်လီၤႉ ပှၤအဂၤ ခံကယၤ လၢသုးထံ ဟဲမၤပှဲၤ လီၢ်ဆ့ၣ်နီၤတဖၣ်န့ၣ်လီၤႉ
ပှၤအဲကလံးဖိလၢ အအိၣ်ဆိးသကိးထံကီၢ်တဘ့ၣ်ဃီအံၤ မၤလၢပှဲၤလံာ်စီဆှံ အတၢ်မ့ၢ်တၢ်တီလၢ‚ ပဂုာ်ကျဲးစၢးကဲထီၣ် တၢ်တမံၤဃီန့ၣ်လီၤႉ ‘‘အဂ့ၢ်ဒ်အံၤ‚ နီၢ်မ့ၢ် အက့ၢ်အဂီၤတမံၤဧိၤ တမ့ၢ်စ့ၢ်ကီးဘၣ်ႉ မ့ၢ်အါမံၤလီၤ’’ တၢ်အံၤမ့ၢ် စီၤပီလူး အတၢ်ကွဲး လၢ အဖျါဖဲ ၁ ကရၠာစးံၣ်သူး ၁၂း၁၄ န့ၣ်လီၤႉ ပတမ့ၢ်ပှၤလၢ အအိၣ်ဘၣ်ထဲတဂၤဧိၤန့ၣ်ဘၣ်ႉ လၢကျဲအဂၤတဘိ ပမ့ၢ်က့ၢ်ဂီၤတဖၣ်လၢ ယ့ၣ့်ှှူးအပူၤန့ၣ်လီၤႉ လံာ်စီဆှံ ပာ်ဖျါထီၣ်လၢပမ့ၢ်က့ၢ်ဂီၤတဖၣ်လၢ အဘၣ်ထွဲလိာ်သး ကဒဲကဒဲ‚ ‘‘ဒီးအက့ၢ်အဂီၤ မ့ၢ်ဘၣ်တၢ်နးတၢ်ဖှီၣ်ဒီး တၢ်အက့ၢ်အဂီၤ ဘၣ်ဃုာ်ခဲလၢာ်စ့ၢ်ကီးလီၤ’’ (း၂၆) ႉ ဒ်ပမ့ၢ် ပှၤစူၢ်က့ၤနာ်က့ၤ ကစၢ်ယ့ၣ့်ှှူးဒီး ပမ့ၢ်ဒူၣ်ဖိထၢဖိလၢ ကစၢ်ယွၤအဒူၣ်အထၢအသီအပူၤ‚ ပတူၢ်သကိးတၢ်‚ လၢတၢ်သူၣ်အုးသးအုးအပူၤလၢ တၢ်လီၢ်လၢအခံး၀ဲနၤ၀ဲတဖၣ်‚ ဖဲပပျံၤဘၣ်ပ၀ဲလၢ ပကလဲၤဘၣ်တၢ် ထဲတဂၤဧိၤန့ၣ်လီၤႉ ဘၣ်ဆၣ်‚ တၢ်ဘျုးဖးဒိၣ်လၢ ပတလဲၤဘၣ်ပ၀ဲ ထဲတဂၤဧိၤန့ၣ်ဘၣ်ႉ
ကမ့ၢ်သ့ၣ်သ့ၣ်‚ တၢ်တူၢ်ဘၣ်တၢ်အနးကတၢၢ် ဖဲပဘၣ်တၢ်ဆီၣ်လီၤဘျၢ ပှၤလၢ တၢ်ခံးတၢ်နၤလၢ ပကစၢ်ဒၣ်ပ၀ဲန့ၣ်လီၤႉ ဘၣ်ဆၣ်‚ ကစၢ်ယွၤဒုးအိၣ်ထီၣ် က့ှူၢ်ဖိအသီတဖုလၢ ကတူၢ်သကိးတၢ်န့ၣ်လီၤႉ က့ှူၢ်အသီတဖုလၢ‚ ပှၤတအိၣ် နီတဂၤလၢ ကဘၣ်တၢ်ပာ်တ့ၢ်အီၤလၢ တၢ်ခံးတၢ်နၤအပူၤန့ၣ်ဘၣ်လီၤႉ