ပှၤကူပှၤကညီတဖၣ်‚ အဲၣ်ဘၣ်တၢ်ဒုးကဲထီၣ် ‘လၢ’န့ၣ်လီၤႉ လၢတၢ်လိာ်ခိၣ်လိာ်ကွဲ ဒီးမူးသးဖှံလၢ ဟီၣ်ခိၣ်ဒီတဘ့ၣ်‚ တၢ်အံၤစးထီၣ်သးဖဲ ပှၤစှၤဂၤဆၢထၢၣ်ဒီး ယူာ်ထီၣ် အစုတဖၣ်လီၤႉ တယံာ်‚ ပှၤလၢအဆ့ၣ်နီၤလၢအ၀ဲသ့ၣ်အကပၤတဖၣ်‚ မၤတၢ်ဒ်သိး အ၀ဲသ့ၣ်မၤ၀ဲအသိးလီၤႉ ဖီတၢၣ်တခီ မ့ၢ်တၢ်ကဒုးကဲထီၣ် တၢ်အက့ၢ်အဂီၤလၢ ကယွၤလီၤဆူ ပှၤလၢအဟဲကွၢ်မူး လၢတၢ်သူၣ်ထီၣ်ဒီတဖျၢၣ်အပူၤန့ၣ်လီၤႉ ဖဲတၢ်အံၤ တုၤဆူတၢ်အကတၢၢ်‚ ပှၤလၢအစးထီၣ်တၢ်အံၤအဆိကတၢၢ်တဂၤ နံၤကမှံထီၣ်ဒီး သးခုဒီး ပၢၤဃာ် တၢ်ဟူးတၢ်ဂဲၤအံၤ ဒ်သိးကလဲၤသးဆူညါန့ၣ်လီၤႉ
တၢ်ကွဲးနီၣ်ကွဲးဃါ‚ အဆိကတၢၢ်လၢ တၢ်ဒုးကဲထီၣ် ‘လၢ’ဟဲအိၣ်ထီၣ်လၢ တၢ်လိာ်ကွဲ ဘ့းစ်ဘီလ် လၢအိးကလဲန် ဒီးနယူယီးယၣ်ကံဖိတဖၣ် အဘၢၣ်စၢၤဖဲ ၁၉၈၁ နံၣ်န့ၣ်လီၤႉ ယအဲၣ်ဘၣ် တၢ်ပာ်ဖှိၣ်ထီၣ်ဘၣ်ယသးလၢ တၢ်မၤကဲထီၣ် ‘လၢ’ အံၤ‚ မ့ၢ်လၢ အလီၤသးဖှံအဃိန့ၣ်လီၤႉ တဘျီဃီ‚ တၢ်အံၤ ဒုးအိၣ်ထီၣ် ယတၢ်သးခုဒီး တၢ်တမံၤဃီ လၢ ပလဲၤခီဖျိဘၣ်လၢ တၢ်မၤတၢ်အံၤ‚ ဒုးသ့ၣ်နီၣ်ထီၣ်ယၤလၢ တၢ်သးခုကစီၣ်‚- တၢ်သးခုကစီၣ်လၢ ကစၢ်ယ့ၣ့်ှှူးအတၢ်အုၣ်က့ၤခီၣ်က့ၤလၢ အပာ်ဖှိၣ်ထီၣ် ပှၤစူၢ်က့ၤ နာ်က့ၤတၢ်တဖၣ်လၢ တၢ်လီၢ်ကိးပူၤလၢ တၢ်စံးထီၣ်ပ့တၢၤ ဒီးတၢ်မုၢ်လၢ်အပူၤန့ၣ်လီၤႉ ‘လၢ’အခီၣ်ထံးခီၣ်ဘိအံၤ‚ စးထီၣ်အသးလၢပူၤကွံာ် နံၣ်ကယၤ (၂၀) ဘျဲၣ် လၢယ့ှူၤ့ှှလ့ၣ်န့ၣ်လီၤႉ လၢတၢ်ကွဲးလံာ်ပရၠာစးၢဆူ ကလီးစဲတၢ်အိၣ်ဖှိၣ်ဖိန့ၣ် စီၤပီလူးပာ်ဖျါထီၣ်တၢ်အံၤလၢ ကျဲဒ်အံၤ‚ ‘‘ႉႉႉ တၢ်သးခုကစီၣ်‚ လၢအဟဲဆူသုအိၣ်‚ ဒ်လၢဟီၣ်ခိၣ်ချၢ ခဲလၢာ်စ့ၢ်ကီးအသိးဒီး သၣ်ထီၣ်၀ဲဒီး အါထီၣ်ဒ်လၢသုကျါစ့ၢ်ကီးအသိး‚ လၢမုၢ်နံၤလၢ သုနၢ်ဟူအီၤႉႉႉ’’ (ကလီး ၁း၆) န့ၣ်လီၤႉ နှဆၢၣ်အတၢ်အစၢလၢ အဟဲအိၣ်ထီၣ်လၢ တၢ်သးခုကစီၣ်အံၤ မ့ၢ် ‘တၢ်နာ်ဒီးတၢ်အဲၣ်တၢ်ကွံလၢ တၢ်မုၢ်လၢ်ပာ်ဖှိၣ်လၢႉႉႉ မူခိၣ်’’ (း၅) န့ၣ်လီၤႉ
ဒ်ပမ့ၢ် ပှၤစူၢ်က့ၤနာ်က့ၤ ကစၢ်ယ့ၣ့်ှှူးအသိး‚ ပမ့ၢ်ပှၤလၢအပၣ်ဃုာ်လၢ တၢ်စံၣ်စိၤတဲစိၤ အ ‘လၢ’ ဖးဒိၣ်အပူၤန့ၣ်လီၤႉ ပၢၤဃာ်တၢ်အံၤတက့ၢ်ႉ ဖဲတၢ်အံၤ‚ ဘၣ်တၢ်မၤအီၤတဘျီ၀ံၤ‚ ပကထံၣ်ဘၣ် ပကစၢ်ခရၠာစးံာ်အမဲာ်လၢ အနံၤကမှံထီၣ်‚ လၢအမ့ၢ် ပှၤလၢအစးထီၣ်တၢ်အံၤန့ၣ်လီၤႉ