ဒိလဲန် မ့ၢ်သရၠာစးၣ်တဂၤဒီး ထီဘိမ့ၢ်စ့ၢ်ကီး ပှၤဖးလံာ်ဖိတဂၤဒီး အ၀ဲဒိးန့ၣ်ဘၣ်တၢ်အဘူး အလဲလၢ မုၢ်တနံၤန့ၣ်လီၤႉ အ၀ဲကတဲာ်ကတီၤအသးလၢ တၢ်လဲၤတခါဒီး အ၀ဲဖးကွၢ် အတၢ်အုၣ်ကီၤတၢ်သိၣ်တၢ်သီလၢ အအိၣ်လၢဘျံးကပၤ-၇ ဒီးအ၀ဲထံၣ်န့ၢ်၀ဲ ခိၣ်ဖး တခါလၢ အလီၤလိၢ်လီၤလးန့ၣ်လီၤႉ လၢတၢ်အံၤအပူၤတနီၤ‚ ‘တၢ်ဟ့ၣ်တၢ်အပရၤဆူ တၢ်ကဖးတၢ်’ အတၢ်သBတီၤဒီး ခီပနံၣ်အံၤ ဟ့ၣ်ခိၣ်ဖးလၢ စ့ဒီလၣ် ၁၀‚၀၀၀ ဆူ ပှၤအဆိကတၢၢ်တဂၤလၢ ကဖးတၢ်အံၤလၢ တၢ်လဲၤကျဲအဒ့ၣ်စၢၤဆူ လံာ်ဃံၤဃာ် အပူၤန့ၣ်လီၤႉ
အ၀ဲသ့ၣ်ဟ့ၣ်မၤဘူၣ်စ့ၢ်ကီး စ့ဒီလၣ်လၢအကထိတဖၣ် အကထိဆူ ကၠိတဖၣ် လၢအအိၣ်လၢ ဒိလဲန်လီၢ်က၀ီၤ‚ ဖိသၣ်တဖၣ်အလံာ်အလဲၢ်အဂီၢ်န့ၣ်လီၤႉ အ၀ဲစံးလၢ‚ ‘ထီဘိယမ့ၢ်ပှၤလၢ အသးစဲလၢတၢ်ကဖးလံာ်ဃံၤဃာ်တဖၣ်န့ၣ်လီၤႉ ယမ့ၢ်ပှၤလၢအဒုး ကမၢကမၣ် တၢ်ကတၢၢ်လၢ ပှၤတဂၤဂ့ၤ တဂၤဂ့ၤန့ၣ်လီၤ’ႉ
ပှၤကွဲးထါစံးထီၣ်ပ့တၢၤ အဲၣ်ဒိး၀ဲလၢအမဲာ်ချံတဖၣ် ကအိးထီၣ်သးလၢ ‘ကထံၣ်ဘၣ်တၢ်လီၤလးတဖၣ်လၢယွၤ’ လီၤ (စံး ၁၁၉း၁၈) ႉ အ၀ဲကနၢ်ပၢၢ်တ့ၢ်လၢကစၢ်ယွၤ သးအိၣ်လၢ ပှၤကညီတဖၣ် ကသ့ၣ်ညါအီၤ‚ ဒီးလၢတၢ်အံၤအဃိ အ၀ဲမုၢ်လၢ်ဘၣ်တၢ်အိၣ်ဘူးဆူ ကစၢ်ယွၤအိၣ်ယိာ်ယိာ်န့ၣ်လီၤႉ အ၀ဲအတၢ်ဆၢမိၣ်န့ၢ်သးလီ မ့ၢ်ဆူတၢ်ကထံၣ်ဘၣ်အါထီၣ်လၢ ကစၢ်ယွၤ မ့ၢ်မတၤ‚ မ့ၢ်ဟ့ၣ်လီၤတ့ၢ်လံ တၢ်မနုၤဒီး တၢ်ကပိာ်အခံဘူးဘူးတံၢ်တံၢ်ဒ်လဲၣ် (း၂၄‚၉၈) န့ၣ်လီၤႉ အ၀ဲကွဲးဖျါထီၣ်လၢ ‘‘ယအဲၣ်ဒိး နတၢ်သိၣ်တၢ်သီန့ၣ်ဆံးဒိၣ်လဲၣ်ႉ ယဆိကမိၣ်တၢ်လၢ အဂ့ၢ်သ့သ့ တနံၤလီၤ’’ (း၉၇) ႉ
ပ၀ဲစ့ၢ်ကီး‚ ပအိၣ်ဒီးတၢ်ခွဲးတၢ်ယာ်လၢ တၢ်ကဟံးန့ၢ်တၢ်ဆၢကတီၢ် ဒ်သိးကဂၢ်လီၤတၢ်ဆိကမိၣ်ဆူ ကစၢ်ယွၤ‚ အ၀ဲအသကဲာ်ပ၀းဒီး အ၀ဲအတၢ် မၤပှဲၤတၢ် တဖၣ် ဆူတၢ်ကမၤလိတၢ်အံၤ ဒီးဒိၣ်ထီၣ်ဘူးဘူးတံၢ်တံၢ်ဆူ အ၀ဲအပူၤန့ၣ်လီၤႉ ကစၢ်ယွၤဆၢမုၢ်လၢ်တၢ်ဆူ ကသိၣ်လိနဲၣ်ယုၤပှၤဒီး အိးထီၣ်ပသးဆူ အ၀ဲမ့ၢ် မတၤန့ၣ်လဲၣ်လီၤႉ ဖဲပမ့ၢ်ဃုထံၣ်တၢ်လၢအ၀ဲအဂီၢ်‚ အ၀ဲဟ့ၣ်ပှၤခိၣ်ဖး ဃုာ်ဒီး တၢ်လီၤလးဖးဒိၣ်လၢ အ၀ဲမ့ၢ် မတၤဒီး တၢ်သးခုလၢအ၀ဲအတၢ်အိၣ်ဒီးပှၤန့ၣ်လီၤႉ