ခီရၠာစးံၣ်ထံဘူမ် လၢအမူတ့ၢ်လၢ ပှၤဘၣ်တၢ်မၤသံဂီၢ်မုၢ်ဂီၢ်ပၤအကျါတဂၤ‚ သ့ၣ်ညါတၢ် အကါဒိၣ်လၢ တၢ်ကပျၢ်တၢ်ကမၣ်န့ၣ်လီၤႉ လၢအ၀ဲအလံာ် “Tမၠာစ ်သမ အ့န ူသမိ”‚ န့ၣ် စံး၀ဲလၢ တၢ်လၢအဘၣ်သူၣ်ဘၣ်သးအီၤကတၢၢ်န့ၣ် မ့ၢ်တၢ်ပျၢ်ကွံာ်တၢ်ဒဲးဘးဒီး တၢ် တ့ၢ်လီၤကွံာ်အီၤဆူ ပီၣ်လဲၣ်ယိာ်အပူၤန့ၣ်လီၤႉ ‘‘ဖဲပအၢၣ်လီၤပတၢ်ဒဲးဘးတဖၣ်န့ၣ် ကစၢ်ယွၤ ကွံာ်ဖျိးကွံာ်ပတၢ်ဒဲးဘးတဖၣ် ဆူပီၣ်လဲၣ်အခံဒးလီၤစိၤလီၤထီလီၤႉ ယနာ်ယဲ လၢကစၢ်ယွၤပာ်လီၤတၢ်ပနီၣ်တခါလၢ ‘တၢ်တဟ့ၣ်တၢ်ပျဲလၢ တၢ်ကဖီၣ်ညၣ် ဘၣ်’’လီၤႉ
အ၀ဲနဲၣ်ဖျါထီၣ်တၢ်မ့ၢ်တၢ်တီလၢ အကါဒိၣ်တမံၤလၢ ပှၤစူၢ်က့ၤနာ်က့ၤ ကစၢ် ယ့ၣ့်ှှူးတဖၣ်န့ၣ် တဘျီဘျီ လီၤတူာ်လီၤကာ် တၢ်နာ်န့ၢ်လၢ ကစၢ်ယွၤပျၢ်ကွံာ်တၢ်လၢ ပမၤကမၣ်ဘၣ်၀ဲတဖၣ်‚ ပဘၣ်တၢ်ပျၢ်ကွံာ်ပှၤ အလၢအပှဲၤန့ၣ်လီၤႉ အလီၢ်တအိၣ်လၢ ပကဘၣ်ခူၣ်ထုးထီၣ်က့ၤတၢ်မၤလၢ အမၤမဲာ်ဆှးပှၤတဖၣ် ဒီးကလိာ်လူက့ၤတၢ် တမံၤမံၤလၢ ပတၢ်ကလၢၢ်ဘၣ်တၢ်အပူၤန့ၣ်ဘၣ်ႉ အါန့ၢ်အန့ၣ်‚ ပကဘၣ်တူၢ်လိာ် အ၀ဲအဘျုးအဖှိၣ်ဒီး တၢ်ပျၢ်တၢ်ကမၣ်‚ ပိာ်ထီၣ်အခံလၢတၢ်သဘ@အပူၤန့ၣ်လီၤႉ
ပကထံၣ်ဘၣ်တၢ်ဆိကမိၣ်လၢ ‘တၢ်တဟ့ၣ်တၢ်ပျဲ လၢတၢ်ကဖီၣ်ညၣ်ဘၣ်’ အံၤ လၢထါစံးထီၣ်ပ့တၢၤ ၁၃၀ အပူၤန့ၣ်လီၤႉ ပှၤကွဲးထါစံးထီၣ်ပ့တၢၤ ပာ်ဖျါထီၣ်လၢယွၤမ့ၢ်၀ဲကစၢ်လၢအတီ၀ဲတဂၤလီၤႉ အ၀ဲပျၢ်ကွံာ်တၢ်ဒဲးဘးလၢ ပှၤလၢအသ့ၣ်နီၣ် ပီၢ်ယၢ်လီၤအသးလီၤႉ ကစၢ် အမၤပူၤမၤဖျဲးတၢ်လီၤ (း၄) ႉ ပှၤကွဲးထါစံးထီၣ်ပ့တၢၤ အိၣ်ခိးကွၢ်လၢ်ယွၤ‚ ဒီးအ၀ဲပာ်ထီၣ်စ့ၢ်ကီး အတၢ်စူၢ်တၢ်နာ်လၢယွၤအပူၤလီၤ (း၅) ႉ အ၀ဲပာ်ဖျါထီၣ်၀ဲလၢ တၢ်နာ်အပူၤ ယွၤ‚ ‘ကပရၤက့ၤအံၣ်စရၠာစး့လး အတၢ်အၢခဲလၢာ်’ (း၈) န့ၣ်လီၤႉ ပှၤလၢအနာ်ကစၢ်ကိးဂၤ‚ ကထံၣ်န့ၢ် ‘တၢ်အုၣ်က့ၤခီၣ်က့ၤအလၢအပှဲၤ’ (း၇) န့ၣ်လီၤႉ
ဖဲပလီၤဘၣ်လၢ ပျံၤသကွီၤလၢ တၢ်ကလၢၢ်ဘၣ်တၢ်မဲာ်ဆှးဒီး တၢ်တ့ကၢး တဘၣ်အကတီၢ်န့ၣ် ပမၤယွၤအတၢ်ခ့တၢ်ပှၤအတၢ်မၤ လၢသးဒီဖျၢၣ်တသ့၀ဲဘၣ်လီၤႉလၢတၢ်အံၤအလီၢ်‚ ပဘၣ်တၢ်Bတီဃာ်ပှၤလၢ ပတၢ်လဲၤခီဖျိ လၢအပူၤကွံာ်တဖၣ်န့ၣ်လီၤႉဖဲလၢနမ့ၢ်ကလၢၢ်ဘၣ် တၢ်Bတီဃာ်နၤလၢ နကမၤတၢ် ခီဖျိတၢ်ကမၣ်လၢ နမၤတ့ၢ်အီၤ အဃိ‚ ဃ့ထုကဖၣ်လၢ ကစၢ်ယွၤ ကမၤစၢၤနၤလၢ တၢ်ကနာ်န့ၢ်တၢ် လၢလၢပှဲၤပှဲၤလၢ အ၀ဲအတၢ်ဟ့ၣ်လၢ တၢ်ပျၢ်တၢ်ကမၣ်ဒီး တၢ်မူအသီအဂီၢ်န့ၣ်တက့ၢ်ႉ အ၀ဲကွံာ်တ့ၢ်ကွံာ်နတၢ်ဒဲးဘးတဖၣ် ဆူပီၣ်လဲၣ်ယိာ်ပူၤလံႉ