ပိာ်မုၣ်လၢယသ့ၣ်ညါတဂၤ ရၠာစးဲၣ်လီၤတိာ်လီၤတၢ်မၤတခါလၢ ကမၤ၀ဲတၢ်ရၠာစးဲၣ်တၢ်ကျဲၤ တခါလၢ ဖီကရၠာစးၢၢ်လီၢ်က၀ီၤပူၤဒီး ကွဲမုာ်ဖိသၣ်လၢအဟံၣ်ကပိာ်ကပၤခဲလၢာ် ကဟဲလၢ တၢ်ရၠာစးဲၣ်တၢ်ကျဲၤအံၤန့ၣ်လီၤႉ အ၀ဲအသူၣ်ဟူးသးဂဲၤလၢ တၢ်ခွဲးတၢ်ယာ် ဒ်သိး ကနီၤဟ့ၣ် အတၢ်စူၢ်တၢ်နာ်လၢ ပှၤလၢအအိၣ်ဘူးအိၣ်တံၢ်ဒီးအီၤတဖၣ်န့ၣ်လီၤႉ
အ၀ဲကိးဖှိၣ်အလံၤသၢဂၤဒီး ပှၤတီၤထီကၠိဖိခံဂၤလၢ ကမၤစၢၤအီၤဒ်သိး ကရၠာစးဲၣ်လီၤလံာ်က့တဖၣ်ဒီး တၢ်လိာ်ကွဲအါမးဒီး တၢ်ဟူးတၢ်ဂဲၤအဂုၤအဂၤတဖၣ်‚ ဒီး ကကတဲာ်ကတီၤတၢ်အီၣ်တဖၣ်အဂီၢ်လီၤႉ ဒီးအ၀ဲကတဲာ်ကတီၤစ့ၢ်ကီး ပူတယုၢ်လၢ ကစၢ်ယ့ၣ့်ှှူးအဂ့ၢ် ဒ်သိးကဟ့ၣ်ထီၣ် ဖိဒံဖိသၣ်တဖၣ် ဒီးခိးကွၢ်လၢ်အ၀ဲသ့ၣ်လၢကဟဲပာ်ဖှိၣ်ထီၣ်အသးန့ၣ်လီၤႉ
လၢခီနံၤနံၤ‚ ဖိသၣ်တဟဲဖျါထီၣ်နီတဂၤဘၣ်ႉ လၢခံသီတသီ မ့တမ့ၢ် သၢသီ တသီ‚ မ့ၢ်တၢ်ဒ်လီၢ်လီၢ်လီၤႉ ဘၣ်ဆၣ်‚ တနံၤစုာ်စုာ်‚ ယတံၤသကိးအံၤ‚ လဲၤ၀ဲဒ်အတၢ်ရၠာစးဲၣ်တၢ်ကျဲၤအိၣ်၀ဲအသိး‚ ဆူဖီကရၠာစးၢၢ်ဃုာ်ဒီးအလံၤဖိဒီး ပှၤလၢကမၤစၢၤအီၤတဖၣ်န့ၣ်လီၤႉ
လၢလွံၢ်သီတသီ‚ အ၀ဲပာ်သူၣ်ပာ်သးလၢ ဒူၣ်ထၢတထၢ ဟဲလၢဖီကရၠာစးၢၢ်ဖဲ အ၀ဲသ့ၣ်အကပိာ်ကပၤဒီး အ၀ဲကွဲမုာ်ဖိသၣ်ဖိတဖၣ်လၢ ကဟဲပာ်ဖှိၣ်ထီၣ်သးဒီး လိာ်ကွဲ တၢ်လိာ်ကွဲတဖၣ်န့ၣ်လီၤႉ ဖိသၣ်မုၣ်ဆံးဆံးဖိတဂၤ ဟဲ၀ဲ‚ နုာ်လီၤဆူ တၢ်မၤသးဖှံတၢ်‚ အီၣ်သကိးတၢ်ဒီး အ၀ဲသ့ၣ်ဒိကနၣ် ပူလၢအဘၣ်ထွဲဒီးကစၢ်ယ့ၣ့်ှှူးလီၤႉ ကမ့ၢ်သ့ၣ်သ့ၣ်‚ တၢ်သ့ၣ်နီၣ်ထီၣ်အံၤ ကဘၣ်တၢ်သ့ၣ်နီၣ်ထီၣ်ဆူအါနံၣ်အါလါန့ၣ်လီၤႉ မ့ၢ်မတၤ တဂၤသ့ၣ်ညါတၢ်အစၢလၢ အကဟဲအိၣ်ထီၣ်န့ၣ်လဲၣ်ႉ ကစၢ်ယွၤ ဟ့ၣ်ဂံၢ်ဟ့ၣ်ဘါပှၤလၢ လံာ်ကလၤတံအပူၤ‚ ‘‘ပမၤတၢ်ဂ့ၤန့ၣ်‚ မ်ပသုတလီၤဘှံးလီၤတီၤတဂ့ၤႉ အဂ့ၢ်ဒ်အံၤ‚ ပမ့ၢ်တလီၤဘှံးဘၣ်ဒီး‚ တုၤအမုၢ်အလါဘၣ်ဒီး ပကကူးတၢ်န့ၣ်လီၤႉ မၤသးဒ်န့ၣ်ဒီး‚ ဖဲပအိၣ် ဒီး အဆၢကတီၢ်န့ၣ်‚ မ်ပမၤဂ့ၤတၢ်လၢပှၤကညီကိးဂၤဒဲးတက့ၢ်’’ (၆း၉-၁၀) န့ၣ်လီၤႉ
တဘၣ်သူၣ်ကိၢ်သးဂီၤလၢ တၢ်လၢအဘၣ်ထွဲဒီးပှၤကညီအနီၣ်ဂံၢ် မ့တမ့ၢ် တၢ်လၢပှၤထိၣ်ပှၤတဲာ်အီၤလၢ အမ့ၢ်တၢ်မၤနၢၤလၢ တၢ်ထံၣ်အီၤလၢမဲာ်ချံသ့တဖၣ် တဂ့ၤႉ ပတၢ်မၤတခီ‚ ကဘၣ်မ့ၢ်တၢ်မၤတၢ်လၢ တၢ်သးတီလၢ ကစၢ်ယွၤအဲၣ်ဒိးလၢပကမၤ‚ ၀ံၤပာ်တ့ၢ်တၢ်ကကူးဘၣ်က့ၤတၢ်လၢ အ၀ဲအစုပူၤန့ၣ်လီၤႉ ကစၢ်ယွၤပာ်လီၤ အသးကျၢၤမုဆှုလၢ တၢ်အစၢလၢကဟဲအိၣ်ထီၣ်န့ၣ်လီၤႉ