ဖဲယ၀ၤဒီးယၤ ပဃုသ့ၣ်ညါလီၢ်က၀ီၤဆံးဆံးလၢ အအိၣ်လၢ ယိၣ်မ့ကီၢ်စဲၣ်အသနၢၣ်န့ၣ် ယထံၣ်ဘၣ်ယဲ ဖီကွၢ်မုၢ်လၢ အဖီထီၣ်လၢလ့ကျါတဖိး‚ လၢအကပိာ်ကပၤ အိၣ်ဒီးတပှိာ်‚ တၤဆှုၣ်‚ တၤဆှုၣ်လၢအစူလၢအဆဲးတၢ်ဒီး တၢ်မုၢ်တၢ်ဘိလၢ အဃ့ထီတဖၣ် အကျါန့ၣ်လီၤႉ ဖီအံၤ အဘိတထီထဲ ဖီကွၢ်မုၢ်လၢ အဘၣ်တၢ်သူၣ်န့ၢ်အီၤ ဘၣ်ဆၣ်‚ ဖီအံၤဖျါဃံလၤ၀ဲဒီး ဒုးကလၢၢ်ဘၣ်ယၤလၢ တၢ်သးခုန့ၣ်လီၤႉ
လၢတၢ်တမုၢ်လၢ်အပူၤ‚ ဖီဖိလၢ အဖီထီၣ်လၢ တၢ်လီၢ်ကီခဲအံၤ ဒုးသ့ၣ်နီၣ်ထီၣ်ယၤလၢ သးသမူလၢ ပှၤစူၢ်က့ၤနာ်က့ၤ ကစၢ်ယ့ၣ့်ှှူးဒၣ်လဲာ်န့ၣ်‚ ဖျါထီၣ်သ့ ဒ်အဃ့ထီ ဒီးတၢ်သးခုတအိၣ်န့ၣ်လီၤႉ တၢ်ကီတၢ်ခဲကဖျါထီၣ်၀ဲ ဒ်ပှၤကွဲးထါစံးထီၣ်ပ့တၢၤ စီၤဒၤ၀ံး ကိးသBတီထီၣ်အသိး‚ တဘျီဘျီ ပတၢ်ထုကဖၣ်ဖျါလၢ အတဘၣ်တၢ်ပာ်သူၣ်ပာ်သးလၢ ကစၢ်ယွၤ‚ ‘‘ဒိးနနၢ်ယွၤဧၢ‚ ကနၣ်ယကလုၢ်တက့ၢ်ႉ အဂ့ၢ်ဒ်အံၤ‚ ယဘၣ်နးဘၣ်ဖှီၣ်‚ ယဖှီၣ်န့ၢ်ယာ်ကဲလီၤ’’ (စံး ၈၆း၁) ႉ ဒ်အ၀ဲအသိး‚ ပ၀ဲစ့ၢ်ကီး ပဆၢမုၢ်လၢ်ဘၣ် တၢ်သးခု (း၇) လီၤႉ
ဘၣ်ဆၣ် စီၤဒၤ၀ံး ကိးသBတီထီၣ်ဆူညါလၢ ပမၤတၢ်လၢ ကစၢ်ယွၤလၢ အသးတီ (း၁၁) ‚ ကစၢ်လၢ ‘‘အသးအိၣ်တၢ်ဒီး သးကညီၤတၢ် (း၁၅) ‚ ကစၢ်လၢ ‘အပျၢ်ကွံာ်တၢ်ညီ ဒီးအဘျုးဖှိၣ်အါ၀ဲလၢ ကယဲၢ်ပှၤလၢအကိးထီၣ်အီၤခဲလၢာ်’ (း၅) န့ၣ်လီၤႉ ကစၢ်ယွၤ စံးဆၢ ပတၢ်ထုကဖၣ်လီၤ (း၇) ႉ
တဘျီဘျီ လၢတၢ်လီၢ်အဃ့ထီန့ၣ် ကစၢ်ယွၤဆှၢလီၤန့ၢ်ပှၤ ဖီကွၢ်မုၢ်တဖိးလၢတၢ်ဟ့ၣ်ဆူၣ်ထီၣ်သး‚ တၢ်ကတိၤအဖျၢၣ်တဖျၢၣ် မ့တမ့ၢ် တၢ်ကွဲးဖိတခါ လၢတံၤသကိးတဂၤ အတၢ်ကွဲးမၤမုာ်ထီၣ်က့ၤပသးလၢ လံာ်စီဆှံအဆၢဖိတဆၢ‚ မုၢ်ကပီၤထီၣ် အတၢ်ဃံတၢ်လၤတခါလၢ အမၤစၢၤပှၤ ဒ်သိးကလဲၤကဒီးဆူညါလၢ ခီၣ်ကါလၢအဖှံအညီလၢတၢ်မုၢ်လၢ်န့ၣ်လီၤႉ ဖဲလၢပအိၣ်ခိးပ၀ဲ မုၢ်နံၤလၢပကလဲၤခီဖျိဘၣ် ကစၢ်ယွၤ အတၢ်ဒုးထူၣ်ဖျဲးထီၣ်ပှၤလၢ ပတၢ်ကီတၢ်ခဲ အကတီၢ်ဒၣ်လဲာ်‚ မ်ပကမ့ၢ်ပှၤလၢအပာ်ဖှိၣ်ထီၣ်သးဒီး ပှၤကွဲးထါစံးထီၣ်ပ့တၢၤဒီး ကိးသBတီထီၣ်လၢ‚ ‘‘န (ယွၤ) မ့ၢ်တၢ်အဒိၣ်ဒီး မၤတၢ်လီၤလးလီၤႉ နမ့ၢ်ယွၤတဂၤဃီလီၤ’’ (း၁၀) ႉ