ဖိသၣ်အဂၤ ၃၀၀ ကူသိးထီၣ်၀ံၤ ဆ့ၣ်နီၤသကိးလၢ ကအီၣ်ဂီၤတၢ်အီၣ်အဂီၢ်‚ ဒီးစံးဘျုးတၢ်ထုကဖၣ် ဘၣ်တၢ်လုၢ်ထီၣ်အီၤလၢ တၢ်အီၣ်အဂီၢ်လီၤႉ ဘၣ်ဆၣ်‚ တၢ်အီၣ် တအိၣ်နီတမံၤလၢ စီၢ်နီၤခိၣ်ဘၣ်ႉ တၢ်အိၣ်သးဒ်သိးအံၤတဖၣ် မ့ၢ်တၢ်လၢအမၤညီနုၢ် အသးလၢ ပှၤနဲၣ်တၢ်ဒီးမံး့ှှၢၣ်နရၠာစးံၣ် ကၠီးမူလၢၢ် (၁၈၀၅-၁၈၉၈) အဖိၣ်ဃဲကၠိအဂီၢ် န့ၣ်လီၤႉ အခဲအံၤ‚ တၢ်ခွဲးတၢ်ယာ်အသီတမံၤ ဒ်သိးကထံၣ်ဘၣ်တၢ်လၢ မ့ၢ်ကစၢ်ယွၤကမၤပှဲၤတၢ်အံၤဒ်လဲၣ်န့ၣ်လီၤႉ လၢစှၤမံးနံးလၢ မူလၢၢ်အတၢ်ထုကဖၣ်၀ံၤ‚ ပှၤဘှီကိၣ်လၢ အမံတန့ၢ်ဒီတနၤတဂၤ‚ ဟဲဖျါထီၣ်လၢBတဲၤအခီၣ်ထံးန့ၣ်လီၤႉ လၢတၢ်ကလၢၢ်ဘၣ်လၢပှၤဖိၣ်ဃဲဖိတဖၣ် ကစူးကါ ဂီၤတၢ်အီၣ်အကိၣ်‚ အ၀ဲဘှီကိၣ်အါဖျၢၣ်န့ၣ်လီၤႉ တယံာ်‚ ပှၤတဂၤလၢ အဟးဆှၢတၢ်နုၢ်ထံလၢလ့ၣ် ဟဲဖျါထီၣ်ကဒီးလီၤႉ အ၀ဲအလ့ၣ်လၢအဆှၢတၢ်နုၢ်ထံ ကၢ်ကွံာ်လၢ ဖိၣ်ဃဲအိၣ်ဆိးလီၢ်အမဲာ်ညါန့ၣ်လီၤႉ လၢတၢ်တအဲၣ်ဒိးတၢ်နုၢ်ထံကယွၤလီၤကွံာ်ကလီကလီ‚ အ၀ဲဟဲဟ့ၣ်တၢ်နုၢ်ထံအံၤဆူ မူလၢၢ်အအိၣ်လီၤႉ
တၢ်အံၤမ့ၢ်တၢ်လၢအမၤညီနုၢ်အသး လၢတၢ်ဘၣ်ယိာ်ဘၣ်ဘီ‚ တၢ်သူၣ်ကိၢ် သးဂီၤတၢ် ဒီး တၢ်သးကညီၤလီၤသးလၢ တၢ်ဆၢကတီၢ်ဖုၣ်ကိာ်‚ ဖဲပမ့ၢ် တအိၣ်ဒီး တၢ်ဂံၢ်ထံး တဖၣ်န့ၣ်လီၤႉ လံာ် ၁ စီၤပၤ ၁၇း၈-၁၆ ဒုးသ့ၣ်နီၣ်ထီၣ်ပှၤလၢ ယွၤအတၢ် မၤစၢၤ ဟဲ၀ဲသ့ ခီဖျိတၢ်ဂံၢ်ထံးတဖၣ်လၢ ပတမုၢ်လၢ်ဘၣ် ဒ်မုၣ်ကမဲတဂၤလၢ အလိၣ် ဘၣ် တၢ်အီၣ်အသိးန့ၣ်လီၤႉ ယကိၣ်ဘ့ၣ်ဘၣ်တအိၣ်ဘၣ်ႉ အိၣ်ထဲကိၣ်ကမူၣ်တတၢၤဒုၣ်လၢထံဒၢသ့ၣ်အပူၤ ဒီးသိတစဲးလၢ ပလီပူၤလီၤ’’ (း၁၂) ႉ လၢအတိခိၣ်‚ ၀ံအ့ၤလံယၤဘၣ်တၢ်လုၢ်အီၣ်အီၤလၢစိး၀ၣ်ဃး (း၄-၆) လီၤႉ လၢအဘၣ်ထွဲဒီး ပတၢ်လိၣ်တဖၣ်လၢပကဒိးန့ၢ်အဂီၢ် ပဂုာ်ကျဲၤစၢးလၢ ကျဲအါဘိန့ၣ်လီၤႉ ဖဲပထံၣ်ကစၢ်ယွၤဆှံဆှံ ဒ်ပှၤလၢ အမၤပှဲၤပတၢ်လိၣ်လၢ အအိၣ်ဒီးတၢ်အၢၣ်လီၤလၢ ကမၤပှဲၤတၢ်လၢပလိၣ်၀ဲတဖၣ်န့ၣ် မၤထူၣ်ဖျဲးထီၣ်ပှၤသ့၀ဲန့ၣ်လီၤႉ တချုးလၢပဃုထံၣ်ကျဲတဘိလၢ တၢ်ကဆၢတဲာ် တၢ်ဂ့ၢ်ကီကန့ၢ်‚ မ်ပကဃုထံၣ်အီၤလၢ အဆိကတၢၢ်တက့ၢ်ႉ ခီဖျိလၢ ပမ့ၢ်မၤဒ်အံၤအဃိ‚ တၢ်အံၤကပၢၤပှၤလၢ တၢ်လၢာ်ဆၢလၢာ်ကတီၢ်‚ လၢာ်ဂံၢ်လၢာ်ဘါဒီး တၢ်သဘံၣ်ဘုၣ် ကစှၤလီၤကွံာ်န့ၣ်လီၤႉ