၀့ၢ်ထဲးစ်စၣ်ကၣ်နၣ် သူၣ်လီၤသးလၢ ထဲးစ်စဲးစ် ဒီးအၣ်ကၣ်စဲးစ် ကီၢ်ဆၣ်အဆၢန့ၣ်လီၤႉပှၤ၀့ၢ်ဖိခဲလၢာ်အိၣ် ၇၀‚၀၀၀ အိၣ်စ့ၢ်ကီးဒီး၀့ၢ်ခိၣ်ခံဂၤ‚ ၀့ၢ်ကီၣ်ကးခံဖု ဒီးပၢၤကီၢ်၀ဲၤလီၢ် ဒီးမ့ၣ်အူ၀ဲၤလီၢ်ခံတီၤစုာ်စုာ်န့ၣ်လီၤႉ တၢ်ြပၢလိာ်သးလၢ တၢ်လိာ်ခိၣ်လိၣ်ကွဲ‚ လၢ၀့ၢ်တခီ ဘၣ်တခီ‚ လၢတီၤထီကၠိတဖၣ် အဘၢၣ်စၢၤထုးန့ၢ်တၢ် ဒ်သိးကဟဲကွၢ်ကီ‚ တၢ်ြပၢဂီၢ်မုၢ်ဂီၢ်ပၤ‚ လီၣ်ဖျါထီၣ် တၢ်ဆီၣ်ထွဲယိာ်ယိာ် ဆူကၠိလၢအအိၣ်လၢ အ၀ဲသ့ၣ်တခီန့ၣ်လီၤႉ တၢ်တၤတဖၣ်လၢ အဖျါဒိၣ်ဖျါသွါ၀ဲ မ့ၢ်တၢ်ဂ့ၢ်လိာ်ဘှီလိာ်လၢ တၢ်နီၤဟ့ၣ်ထံဧိၤနိဧိၤအသနိ‚ တၢ်ပၢတၢ်ြပးတၢ်လၢ ပဒိၣ်ခံဖု တၢ်သိၣ်တၢ်သီတဖၣ်န့ၣ်လီၤႉ ဘၣ်ဆၣ်‚ ဖဲလၢတၢ်နီၤဖးလိာ်သး မ့ၢ်အိၣ်ဒ်သိးအံၤဒၣ်လဲာ်‚ ၀့ၢ်အံၤ ဘၣ်တၢ်သ့ၣ်ညါအီၤလၢ အအိၣ်ဒီး တၢ်ဃူတၢ်ဖိးန့ၣ်လီၤႉ ကိးနံၣ် ဟံၣ်ဖိဃီဖိလၢ တၢ်လီၢ်ခံခီစုာ်စုာ် ပာ်ဖှိၣ်ထီၣ်သး ဒီး အီၣ်သကိး ဟါတၢ်အီၣ်လၢ အဘၣ်တၢ်မၤအီၤလၢ‚ ကျဲလၢအနီၤဖး ၀့ၢ်တခီဘၣ်တခီ အလိၤဒီး မၤသကိးမူးပွဲလၢ အ၀ဲသ့ၣ်မ့ၢ်တၢ်တမံၤဃီ ဒ်ကမျၢၢ်တဖုဃီအသိးန့ၣ်လီၤႉ
ပှၤစူၢ်က့ၤနာ်က့ၤတၢ်ဖိလၢ ကရၠာစးံၣ်သူး၀့ၢ်တခီ မ့ၢ်တအိၣ်ဒီးတၢ်နီၤဖး ၀့ၢ်ခံခီ ဘၣ်ဆၣ်‚ အ၀ဲသ့ၣ်လီၤဖးလိာ်သးန့ၣ်လီၤႉ အ၀ဲသ့ၣ်အိၣ်ဒီးတၢ်အ့ၣ်လိာ်ဆိးက့လိာ်သး ဒီး တၢ်အစၢလၢအဟဲအိၣ်ထီၣ်လၢ အ၀ဲသ့ၣ်ဆီၣ်ထွဲတၢ်ဆူ ပှၤလၢအသိၣ်လိအ၀ဲသ့ၣ် လၢ ယ့ၣ့်ှှူးခရၠာစးံာ်အဂ့ၢ် ဒ်စီၤပီလူး‚ စီၤအပီးလိၤ မ့တမ့ၢ် စီၤက့ၤဖး (စီၤပ့းတ့ှူး) န့ၣ်လီၤႉ စီၤပီလူးကွဲမုာ်အ၀ဲသ့ၣ်ကိးဂၤ ဒ်သိးကကဲထီၣ်တၢ်တမံၤဃီလၢ တၢ် ‘ကူၣ်ထီၣ်ဖးလီၤ တၢ်တမံၤဃီ ဒီး (တၢ်) ဆိကမိၣ်တမံၤဃီ’’ လီၤ (၁ ကရၠာစးံၣ် ၁း၁၀) ႉ ဒုးပလီၢ်အ၀ဲသ့ၣ် လၢ တၢ်အံၤ မ့ၢ်ကစၢ်ခရၠာစးံာ်လၢအတူၢ်သံသး လၢအ၀ဲသ့ၣ်အဂီၢ်‚ လၢအတမ့ၢ်ဘၣ် အနီၢ်သးခိၣ်နၢ်တဖၣ်န့ၣ်ဘၣ်ႉ
တနံၤအံၤ‚ ပမၤဘၣ်တၢ်လၢအလီၤပလိာ် ဒ်သိးအံၤ တမ့ၢ်ဘၣ်ဧါႉ တဘျီဘျီပထီဒါဘၣ်ဒၣ်လဲာ် ပှၤလၢအဒ်သိးဒီး ပတၢ်စူၢ်တၢ်နာ်တမံၤဃီလၢ အမ့ၢ်ကစၢ်ယ့ၣ့်ှှူး လုၢ်ထီၣ်အသးန့ၣ်လီၤႉ ဒီးပဒုးကဲထီၣ် ပှၤသ့ၣ်တဖၣ်အံၤလၢ ကြပၢလိာ်သးလၢ ကဘၣ်ကဲထီၣ်သိၣ်မှံၤအလီၢ်န့ၣ်လီၤႉ ဒ်ခရၠာစးံာ်အနီၢ်ကစၢ်ဒၣ်၀ဲအံၤ တမ့ၢ်တၢ်လၢ အလီၤဖး အသိး‚ ပ၀ဲလၢ အမ့ၢ်အခၢၣ်စးလၢဟီၣ်ခိၣ်တဖၣ် – အ၀ဲအက့ၢ်အဂီၤန့ၣ် တဘၣ်တၢ်ဟ့ၣ်တၢ်ပျဲလၢ တၢ်ကလီၤဖးလၢ တၢ်လၢအခီပညီတအိၣ်တဖၣ် လၢကမၤလီၤဖးပှၤန့ၣ်ဘၣ်ႉ လၢတၢ်အံၤအလီၢ်‚ မ်ပကမၤသကိး မူးသးခုလၢ ပတၢ်တမံၤဃီလၢ အ၀ဲအပူၤန့ၣ်တက့ၢ်ႉ