လၢဖံၣ်လဒဲဖ့ယါ၀့ၢ်ပူၤ ဖဲတၢ်ချံတဖၣ် ဖီထီၣ်ဖီဃံလၤဒီးသ့ၣ်ထူၣ်န့ၣ် ပှၤလၢအအိၣ်ဘူး အိၣ်တံၢ်တဖၣ်စ့ၢ်ကီး အသူၣ်အသးကပီၤထီၣ်၀ဲန့ၣ်လီၤႉ တၢ်အံၤလီၤလီၤဆီဆီ ဂ့ၤ၀ဲလၢ ပှၤလၢဘၣ်ဟူးဘၣ်ဂဲၤလၢ ကျိၣ်စ့ကဟဲနုာ်လၢတၢ်အီၣ်ဘၣ်အီဘၣ်အဂီၢ်န့ၣ်လီၤႉ
ဒီးကထၢၣ်ယူၢ်ကၠ့နံယါစီး စံး၀ဲလၢ‚ ‘‘တၢ်အုၣ်သးသ့ၣ်တဖၣ်အိၣ်ထီၣ်၀ဲလၢ ခိၣ်ဃၢၤလါဟ့န့ၣ် ဒုးအိၣ်ထီၣ် တၢ်အိၣ်ဆူၣ်အိၣ်ခ@လၢ နီၣ်သးတကပၤ‚ ဒီးတၢ်အံၤအကါဒိၣ်စ့ၢ်ကီးလၢ ပှၤလၢအဖှီၣ်အယာ်တဖၣ်အဂီၢ်န့ၣ်လီၤႉ’’ စီး‚ ဒ်အမ့ၢ် ပှၤဘၣ်မူ ဘၣ်ဒါလၢ ပဲၣ်စဲၣ်ဘ့နံယါ ကသံၣ်ကသီကၠိအသိး‚ အ၀ဲမ့ၢ် စ့ၢ်ကီး ပှၤကွဲးသကိးလံာ်လၢ တၢ်မၤလိလံာ်တဘ့ၣ်အံၤန့ၣ်လီၤႉ
ပှၤအံၣ်စရၠာစး့လးဒီး ပှၤယူဒၤဖိတဖၣ်လၢ အဘၣ်တၢ်ဆီၣ်ဘံၣ်ဆီၣ်ဘၢတဖၣ် ထံၣ်န့ၢ် တၢ်မုၢ်လၢ်သီသံၣ်ဘှဲလၢ ၀ံယ့ှှါယၤအတၢ်ထံၣ်လၢ အ၀ဲသ့ၣ်အတၢ်ဃံတၢ်လၤ ဘၣ်တၢ်သူၣ်ထီၣ်က့ၤအီၤလၢကစၢ်ယွၤန့ၣ်လီၤႉ လၢတၢ်လီၤပှီၢ်ဒီး တၢ်စံၣ်ညီၣ်လၢ ၀ံယ့ှှါယၤ တဲဆိပာ်အကံၢ်သးအပူၤ တၢ်အၢၣ်လီၤလၢအကပီၤဆှံအံၤ‚ အဂံၢ်စဲၤလီၤ အသးန့ၣ်လီၤႉ ‘‘ပှၢ်မုၢ်ကနၢဒီး ဃဲၣ်ခိၣ်ဃဲၣ်လာ်န့ၣ် ကသးခု‚ ဒီးမံၤခိၣ်သိၣ်လာ် ကသူၣ်ဖှံသးညီဒီး ကဖီထီၣ် ဒ်ဖီ၀ံဒံၣ်အသိးန့ၣ်လီၤႉ ဖီထီၣ်ဒီးကဖီထီၣ်‚ ဒီးသူၣ်ဖှံသးညီလီၤႉ ဒီးတၢ်သူၣ်ခုသးခု ဒီးတၢ်ကိးပသူထီၣ် ကအိၣ်၀ဲလီၤ’’ (ယ့ှှါ ၃၅း၁-၂) ႉ
တနံၤအံၤ ပတၢ်အိၣ်သးတဖၣ် ကအိၣ်ဒ်လဲၣ်အတွးတအိၣ်ဘၣ်ႉ ပ၀ဲစ့ၢ်ကီး ပသးခုလၢ တၢ်လၢအဃံအလၤတဖၣ်လၢ ပပၢ်လၢမူခိၣ် ကတီၤ၀ဲလၢပဂီၢ် ဃုာ်ဒီး တၢ်မုၢ်လၢ်လၢ အသီသံၣ်ဘှဲလၢ အပၣ်ဃုာ်ဒီး အစုတၢ်ဘၣ်တ့န့ၣ်သ့၀ဲလီၤႉ ဖဲပကလၢၢ်ဘၣ်တၢ်သးဟးဂီၤ အခါန့ၣ် ဆိကမိၣ်ထီၣ်က့ၤ ကစၢ်ယွၤအလၤကပီၤဒီး အတၢ်ကဟုကညီၢ်တက့ၢ်ႉ တၢ်အံၤ‚ ကဟ့ၣ်ဂံၢ်ဟ့ၣ်ဘါပှၤန့ၣ်လီၤႉ ၀ံယ့ှှါယၤ ဟ့ၣ်ဂံၢ်ဟ့ၣ်ဘါစ့ၢ်ကီးပှၤလၢ ‘ဒုးဆူၣ်ထီၣ် စုလၢအလီၤစၢ်ဒီး ဒုးကျၢၤထီၣ် ခီၣ်လ့ၢ်ခိၣ်လၢ အကနိး၀ဲန့ၣ်တက့ၢ်’ (း၃) ႉ မ့ၢ်ဖီဖိစှၤဖိးတဖၣ် ထိၣ်ဟူးထိၣ်ဂဲၤကဒီးက့ၤ ပတၢ်မုၢ်လၢ် သ့၀ဲဧါႉ ၀ံတဂၤစံးဘၣ်ပှၤလၢ သ့၀ဲန့ၣ်လီၤႉ မ့ၢ်လၢပတၢ်မုၢ်လၢ်အံၤ ဟဲလၢ ကစၢ်ယွၤအအိၣ် အဃိ န့ၣ်လီၤႉ