ပှၤခိးတၢ်ဖိ ထံၣ်န့ၢ် လီလုၤကွီၤတကူာ်ဒီး ထုးကွံာ်တၢ်အံၤလၢ အဘၣ်တၢ်ပာ်အီၤလၢ Bတဲၤတဘ့ၣ်လၢ တၢ်ကကးတံာ်ဃာ်အကဆူးန့ၣ်လီၤႉ ၀ံၤ‚ ဖဲအ၀ဲသမံသမိးက့ၤBတဲၤ‚ အ၀ဲထံၣ်ကဒီး လီၤလုၤကွီၤအံၤအဃိ‚ အ၀ဲကိးပၢၤကီၢ်ဒီး ဖဲအ၀ဲသ့ၣ်ဟဲတုၤ‚ က့ၤဖီၣ် ပှၤဘၢၣ်ဖျိတၢ်ဖိယဲၢ်ဂၤန့ၣ်လီၤႉ
ပှၤခိးတၢ်သးစၢ်ဖိလၢ အမၤတၢ်လၢ ၀ီထၢၣ်က့း တၢ်သူၣ်ထီၣ်လၢ ၀ၣ်ဒီးၣ်တၣ် ဒံၢ်စံၣ် လၢအမ့ၢ်၀ဲၤလီၢ်ခိၣ်သ့ၣ်အကါဒိၣ်လၢ ထံဂ့ၢ်ကီၢ်ဂ့ၢ်၀ဲၤလီၤလၢ ကီၢ်အမဲရၠာစးကၤအံၤန့ၣ် မၤဖျါထီၣ် တၢ်သဘံၣ်ဘုၣ်အဒိၣ်ကတၢၢ်လၢ ထံဂ့ၢ်ကီၢ်ဂ့ၢ်လၢ အသးသမူအကတီၢ် ခီဖျိတၢ်မၤတၢ်ယိယိဖိလၢ တၢ်မၤပှဲၤအမူဒါ လီၤတံၢ်လီၤဆဲးဒီး မၤအတၢ်မၤ ဂ့ၤဂ့ၤ ကလဲာ် န့ၣ်လီၤႉ
စီၤနဃ့မယၤ သူၣ်ထီၣ်က့ၤ၀့ၢ်ခိၣ်ဒူလၢ ၀့ၢ်ယ့ှူၤ့ှှလ့ၣ်လၢ တၢ်မၤလၢ အ၀ဲပာ်အီၤ ဒ်တၢ်လၢအကါဒိၣ်နီၢ်မးလၢအဂီၢ်န့ၣ်လီၤႉ ဖဲတၢ်အကတီၢ်တုၤဃီၤဆူ တၢ်တိာ်ကျဲၤအံၤ ဘူးက၀ံၤန့ၣ် ပှၤလၢအထီဒါအီၤတဖၣ် ဃ့အီၤလၢ ကဟဲထံၣ်လိာ်သးဒီး အ၀ဲသ့ၣ်လၢ သ၀ီလၢအအိၣ်ဘူးတဖျၢၣ်န့ၣ်လီၤႉ လၢတၢ်ပာ်မၤသး ဒ်တံၤသကိးအတၢ်ကွဲမုာ်‚ ဘၣ်ဆၣ်နီၢ်နီၢ်တခီ မ့ၢ်တၢ်ကပာ်လီၤပျံၤသကွီၤ (နဃ့ ၆း၁-၂) န့ၣ်လီၤႉ ဘၣ်ဆၣ်‚ စီၤနဃ့မယၤအတၢ်စံးဆၢက့ၤ ပာ်ဖျါထီၣ်တၢ်လၢအနာ်၀ဲယိာ်ယိာ်‚ ‘‘ယမၤတၢ်မၤဖးဒိၣ် ဒီးယဟဲလီၤတသ့ဘၣ်ႉ ယလဲၤသဒၣ်တၢ်မၤဒီး ဟဲလီၤဆူသုအိၣ်အဖၢမုၢ်ဒီး တၢ်မၤ ကအိၣ်ကတီၢ်မ့ၢ်အဘၣ်မနုၤလဲၣ်’’ (း၃) ႉ
အ၀ဲ မ့ၢ်အိၣ်ဒီးတၢ်စိကမီၤတနီၤဒၣ်လဲာ်‚ စီၤနဃ့မယၤ‚ တမၤအသး ဒ်ပှၤဒူပှၤဃိၤလၢ အအိၣ်ဒီး တၢ်သူၣ်ဒူသးဒူလၢအပတီၢ်ထီအသိးန့ၣ်ဘၣ်ႉ အ၀ဲတမ့ၢ် သုးဖိလၢအမံၤဟူသၣ်ဖျါဘၣ်ႉ တမ့ၢ်ပှၤကွဲးထါ‚ တမ့ၢ် ၀ံတဂၤ‚ တမ့ၢ် စီၤပၤ‚ တမ့ၢ် ပှၤကူၣ်သ့တဂၤဘၣ်ႉ အ၀ဲမ့ၢ်ဒၣ် ပှၤစိာ်စီၤပၤတဂၤအလီခီန့ၣ်လီၤႉ ဘၣ်ဆၣ်‚ အ၀ဲနာ်လၢ အ၀ဲမ့ၢ်ပှၤလၢ အမၤတၢ်လၢ ကစၢ်ယွၤအဂီၢ်တမံၤမံၤန့ၣ်လီၤႉ မ်ပကဟံးန့ၢ်တၢ်လၢ နဃ့မယၤဟ့ၣ်ထီၣ်ပှၤ ဒ်သိးပကမၤတၢ်ဒီး မၤတၢ်ဂ့ၤဂ့ၤကလဲာ်လၢ ကစၢ်ယွၤအစိကမီၤဒီး အတၢ်ဆီၣ်ထွဲအပူၤန့ၣ်တက့ၢ်ႉ