ဖဲအမၤတၢ်လၢပှၤပိာ်ခွါအဃိာ်လၢ အဲြဖံၤကၤကလံၤထံး‚ ဃိာ်လၢအနးကတၢၢ်အခါန့ၣ်‚ ကၠိၣ်အဲနၣ်ဖလဲဒၢၣ်သီမၢးစ် အုၣ်အသးလၢ ကစၢ်ခရၠာစးံာ်အစိကမီၤလၢ ကဆီတလဲ သူၣ်သးတဖၣ်န့ၣ်လီၤႉ လၢ ဖံးလံးယါစံၣ် အလံာ် ရၠညငျ့ငညါ ွမၠခန အပူၤန့ၣ် ပာ်ဖျါထီၣ် အ၀ဲအတၢ်လဲၤခီဖျိန့ၣ်လီၤႉ ‘‘ကၠိၣ်အဲနၣ်စးထီၣ် လဲၤအိၣ်သကိးပှၤဃိာ်ဖိတဖၣ်ကိးနံၤ‚ လဲၤစိာ်န့ၢ် တၢ်သးခုကစီၣ်တၢ်ဂ့ၢ်ယိယိဖိလၢ အမ့ၢ်တၢ်ပျၢ်တၢ်ကမၣ်ဒီး တၢ်ဘၣ်လိာ် ဖိးဒ့လိာ်က့ၤန့ၣ်လီၤႉ အ၀ဲဒိးန့ၢ်ပှၤဃိာ်ဖိတဖၣ် အတၢ်နာ်န့ၢ်အီၤဒီး အ၀ဲသ့ၣ်တဲဖျါထီၣ် တၢ်တူၢ်ဘၣ် တၢ်မၤနၢၤမၤပ့ၤလၢ အ၀ဲသ့ၣ်လၢဖိသၣ်ကတီၢ်ဒီး တဲဖျါထီၣ်ဘၣ်က့ၤ အ၀ဲသ့ၣ်လၢ တၢ်ကဆၢတဲာ်တၢ်သဘံၣ်ဘုၣ်ဒ်လဲၣ်န့ၣ်လီၤႉ တချုးနံၣ်လၢအ၀ဲစးထီၣ် တၢ်လဲၤအိၣ်သကိးဃိာ်အံၤ အိၣ်ဒီးတၢ်ကွဲးနီၣ်ကွဲးဃါလၢ တၢ်စုဆူၣ်ခီၣ်တကးအိၣ်၀ဲ ၂၇၉ ခါ လၢ ပှၤဃိာ်ဖိကဒဲကဒဲဒီး ပှၤခိးတၢ်ဖိတဖၣ်လီၤႉ ဖဲအ၀ဲလဲၤအိၣ်သကိး၀ံၤ ဒီး ခံတနံၣ်‚ တၢ်ဂ့ၢ်ဒ်သိးအံၤ အိၣ်ထီၣ်ထဲဒၣ် ၂ ဘျီဧိၤန့ၣ်လီၤ’’
ပှၤတၢ်မၢဖိစီၤပီလူးကွဲးဖျါထီၣ်လၢ‚ ‘‘ပှၤတဂၤဂၤ မ့ၢ်အိၣ်လၢခရၠာစးံာ်အပူၤဒီးမ့ၢ်အမ့ၢ် တၢ်တ့အသီလီၤႉ တၢ်လီၢ်လံၤတဖၣ် လဲၤပူၤကွံာ်၀ဲ‚ ကွၢ်ကွၢ် တၢ်ခဲလၢာ်ကဲလၢအသီလံ’’ (၂ ကရၠာစးံၣ် ၅း၁၇) ႉ ဖဲလၢ ပ၀ဲကိးဂၤထီဘိပမ့ၢ်တထံၣ်ဘၣ် တၢ်အသီဟဲဖျါထီၣ်ခ@ခ@‚ ဒ်ဖလဲဒၢၣ်သီမၢးစ် မၤတ့ၢ်၀ဲအသိးဘၣ်ဆၣ်‚ တၢ်သးခုကစီၣ်အစိကမီၤလၢ ကဆီတလဲတၢ်အံၤန့ၣ် မ့ၢ်တၢ်မုၢ်လၢ်အဒိၣ်ကတၢၢ်လၢ အမၤပှဲၤတၢ်သဟီၣ်လၢ စးက၀ၣ်အံၤအပူၤ န့ၣ်လီၤႉ တၢ်ကဲထီၣ် တၢ်တ့အသီအံၤ မ့ၢ်တၢ်လီၤလးတမံၤန့ၣ်လီၤႉ ကစၢ်ယ့ၣ့်ှှူး အတၢ် ဒိးသံအသးအံၤ မ့ၢ်တၢ်စးထီၣ်ကျဲတဘိလၢ ဒုးလီၤဂာ်ပှၤဒီးအီၤ‚ ဒီးအထီၣ်ဘးထီတုာ်၀ဲ ဖဲပထံၣ်ဘၣ်အီၤလၢ မဲာ်သကိးမဲာ် (ကွၢ် ၁ ယိၤ ၂း၁-၃) န့ၣ်လီၤႉ
ဒ်ပမ့ၢ်ပှၤတဖၣ်လၢ စူၢ်က့ၤနာ်က့ၤကစၢ်ယ့ၣ့်ှှူးအသိး‚ ပကဲထီၣ်ဘၣ် တၢ်တ့အသီ လၢအ၀ဲအပူၤ‚ လၢပတၢ်မူန့ၣ်လီၤႉ ဘၣ်ဆၣ်‚ ထီဘိ ပတဘၣ်ကွၢ်လၢာ် ကပာ် ကွံာ်တၢ်လၢ ကစၢ်ခရၠာစးံာ်မၤတ့ၢ်၀ဲလၢပဂီၢ်လၢ အအိၣ်ဒီးအပရၤလၢ အအါမးန့ၣ် ဘၣ်ႉ အ၀ဲအတၢ်သံ ဟဲစိာ်တၢ်မူဆူ ပအိၣ်လီၤႉ ‘‘အဂ့ၢ်ဒ်အံၤ‚ ပှၤလၢအတသ့ၣ်ညါဘၣ် တၢ်ဒဲးဘးန့ၣ်‚ တၢ်ပာ်က့ၤအီၤလၢတၢ်ဒဲးဘးလၢပဂီၢ်‚ ဒ်သိးပကကဲလၢ ယွၤအတၢ်တီ တၢ်လိၤလၢအပူၤလီၤ’’ (၂ ကရၠာစးံၣ် ၅း၂၁) ႉ