သရၠာစးၣ်မုၣ်ကွၢ်ပှၤဆါစံးဘၣ်ယၤလၢ ‘‘နပၢ် အိၣ်ဒီးလၢတၢ်သံ’’ န့ၣ်လီၤႉ ‘ဟူးဂဲၤလၢတၢ်ကသံ’ မ့ၢ်တၢ်ကတိၤက့ှူၢ်ဖိလၢအနဲၣ်ဖျါထီၣ်တၢ်လၢ တၢ်အိၣ်သး တဆီဘၣ်တဆီဆူ တၢ်ကသံဒီး မ့ၢ်တၢ်ကတိၤအဖျၢၣ်အသီဆူ ယအိၣ်‚ တၢ်တမံၤလၢအဒုးကလၢၢ်ဘၣ် တၢ်လီၤလီၤဆီဆီ ဒ်တၢ်လဲၤလၢကျဲတဘိလၢ အလီၤသယုၢ်သညိ တဘိအသိးန့ၣ်လီၤႉ လၢယပၢ်အမုၢ်နံၤလၢခံကတၢၢ်‚ လၢတၢ်တသ့ၣ်ညါလၢ မ့ၢ်လၢအနၢ်ဟူဒံးတၢ်လၢ ပတဲအီၤ‚ ယပုၢ်ဒ့မုၣ်ဒီးယၤ ပဆ့ၣ်နီၤ လၢအလီၢ်မံခိၣ်ကပၤန့ၣ်လီၤႉ ပနၢမူအ၀ဲအခိၣ်တိသၣ်လၢ အဃံလၤ န့ၣ်လီၤႉ ပတဲဖျါထီၣ်ယွၤအတၢ်အၢၣ်လီၤတဖၣ်ဆူ အအိၣ်ကသွံဒံ ဖိလီၤႉ ပသး၀ံၣ်သကိး ‘ယွၤလၢအကလုၢ်တီ’ ထါသး၀ံၣ်ဒီး ့ှူးထါစံးထီၣ်ပ့တၢၤ ၂၃ လီၤႉပတဲအီၤလၢပအဲၣ်ဘၣ်အီၤ ဒီးစံးဘျုးအီၤလၢအမ့ၢ်ဘၣ် ပပၢ်အဃိန့ၣ်လီၤႉ ပသ့ၣ်ညါလၢ အ၀ဲအသးဖိအံၤ ဆၢမုၢ်လၢ်လၢ တၢ်ကအိၣ်ဘၣ်ဃုာ်ဒီး ကစၢ်ယ့ၣ့်ှှူးဒီး ပတဲ ဘၣ်အီၤ လၢအ၀ဲလဲၤဆူ ကစၢ်ယ့ၣ့်ှှူးအအိၣ်သ့လံန့ၣ်လီၤႉ တၢ်တဲထီၣ်ဖျဲးတၢ် ကတိၤအဖျၢၣ်တဖၣ်အံၤ မ့ၢ်ခီၣ်ကါအဆိကတၢၢ်လၢ အပှဲၤဒီးတၢ်တမုာ်တလၤလၢ တၢ်ပျဲ ပျၢ်ကွံာ်အီၤ န့ၣ်လီၤႉ စှၤမံးနံး အလီၢ်ခံ‚ ပပၢ်လၢ ပအဲၣ်ဘၣ်အီၤအံၤ‚ လၢတၢ်သးခု အ၀ဲဘၣ်တၢ်တူၢ်လိာ်အီၤလၢ အဟံၣ်အထူအယိာ်ပူၤန့ၣ်လီၤႉ
တၢ်ပျဲလဲၤပူၤကွံာ်ပှၤလၢ ပအဲၣ်ဘၣ်အီၤတဂၤအံၤ မ့ၢ်တၢ်တူၢ်ဘၣ်လၢ အတမုာ်တလၤန့ၣ်လီၤႉ တုၤဒၣ်လဲာ်လၢ ပကစၢ်ယ့ၣ့်ှှူးအမဲာ်ထံ ဘၣ်ယွၤလီၤ၀ဲ ဖဲအတံၤသကိး လၢအဂ့ၤ စီၤလါစ့ှူးသံကွံာ် (ယိၤ ၁၁း၃၅) န့ၣ်လီၤႉ ဘၣ်ဆၣ်‚ ခီဖျိလၢကစၢ်ယွၤအတၢ်အၢၣ်လီၤအီလီၤ‚ ပအိၣ်ဒီးတၢ်မုၢ်လၢ်လၢ အလဲၤတလၢကွံာ် ပနီၢ်ခိအတၢ်သံန့ၣ်လီၤႉ ထါစံးထီၣ်ပ့တၢၤ ၁၁၆း၁၅ စံးဘၣ်ပှၤ လၢကစၢ်ယွၤ အခ့အပှၤ လၢ‘အကလုၢ်တီတဖၣ်’ လၢအမ့ၢ်ပှၤလၢအဘၣ်ထွဲဒီးအီၤ မ့ၢ်ပှၤလၢ‘အလုၢ်ဒိၣ်ပရၤဒိၣ်’ ဆူ အ၀ဲအအိၣ်န့ၣ်လီၤႉ ဖဲလၢမ့ၢ်သံကွံာ်လၢနီၢ်ခိ ဘၣ်ဆၣ်‚ အ၀ဲသ့ၣ်ကမူထီၣ်ကဒီးက့ၤ န့ၣ်လီၤႉ
ကစၢ်ယ့ၣ့်ှှူးအၢၣ်လီၤတ့ၢ်လၢ ‘‘ယဲဒၣ်အံၤ ယမ့ၢ်တၢ်ဂဲၤဆၢထၢၣ်က့ၤဒီး တၢ်မူလီၤႉ ပှၤလၢအစူၢ်က့ၤနာ်က့ၤယၤန့ၣ်‚ မ့ၢ်သံဘၣ်ဆၣ်ဒီး‚ ကမူထီၣ်၀ဲလီၤ’’ႉ (ယိၤ ၁၁း၂၅-၂၆) ႉ တၢ်အံၤမ့ၢ်တၢ်မၤမုာ်ထီၣ်ဖးဒိၣ်လၢအဟဲစိာ်တၢ်ဆူ ပအိၣ်လၢပသ့ၣ်ညါလၢပကအိၣ်ဘၣ်ဒီး ပကစၢ်ယွၤလီၤစိၤလီၤထီန့ၣ်လီၤႉ