ဖဲယကတိၤတၢ်လၢ ကရၠာစး့းဒံၢ် ၀ံၤဒီး ယဆိကမိၣ်လၢ ဘၣ်မနုၤ အ၀ဲအဲၣ်ဘၣ်တၢ်ဟဲထိး (ထိ) ယၤလၢ အစုခိၣ်‚ လၢအတမ့ၢ်ဘၣ်တၢ်ဟံးစုကွၢ်မဲာ်တမံၤန့ၣ်ဘၣ်လီၤႉ တုၤတၢ်မ့ၢ် ဟံးစုကွၢ်မဲာ်အဃိ‚ တၢ်အံၤကမၤဖျါထီၣ် အ၀ဲအပူၤလီၢ်ပူၤကျဲလၢ အအိၣ်လၢအစုဒ့‚ တၢ်အစၢလၢ အတၢ်ဂုာ်ကျဲးစၢးမၤဆါလီၤက့ၤအသးန့ၣ်လီၤႉ တၢ်အံၤပမၤညီနုၢ် ဒ်သိး ကပာ်ခူသူၣ် ပပူၤလီၢ်ပူၤကျဲတဖၣ်လၢ အဖျါလၢခိဂ့ၤ‚ လၢအတဖျါဂ့ၤလၢအဘၣ် တၢ်မၤဘၣ်ဒိလၢ ပှၤဂုၤပှၤဂၤမ့ၢ်ဂ့ၤ‚ လၢပကစၢ်ဒၣ်၀ဲမ့ၢ်ဂ့ၤန့ၣ်လီၤႉ
လၢတၢ်ဖုသံနီၣ်လၢ ယတၢ်ဘၣ်ထွဲကဒဲကဒဲလၢ ကရၠာစး့းဒံၢ်‚ ယဆိကမိၣ် ထီၣ်ယဲတၢ်ဂ့ၢ်လၢ အဘၣ်ထွဲဒီးကစၢ်ယ့ၣ့်ှှူးအနီၢ်ခိ အပူၤလီၢ်ပူၤကျဲတဖၣ်‚ တၢ်ပူၤလီၢ် လၢအဟဲကဲထီၣ်သးလၢ အစုခံခီဒီး အခီၣ်လၢအဘၣ် တၢ်ဒိအီၤလၢထးဒီး အကပၤ လၢအဘၣ်တၢ်ဆဲးဖျိအီၤလၢဘီန့ၣ်လီၤႉ လၢတၢ်ကပာ်ခူသူၣ် အပူၤလီၢ်ပူၤကျဲ အလီၢ်‚ ကစၢ်ခရၠာစးံာ် လီၣ်ဖျါထီၣ်တၢ်အံၤဒီး ကိးန့ၢ်မိၤန့ၢ်အ၀ဲသ့ၣ် ဆူအအိၣ်တခီ န့ၣ်လီၤႉ
လၢအဆိ ဖဲစီၤသိၤမါ အသးဒ့ဒီတၢ်လၢ ကစၢ်ယ့ၣ့်ှှူး ဂဲၤဆၢထၢၣ် သမူထီၣ် လၢ တၢ်သံ၀ံၤအလီၢ်ခံ‚ ကစၢ်ခရၠာစးံာ်ကတိၤတၢ်ဆူအအိၣ် ဒီး ‘‘ယူာ်ထီၣ်နစုနၢဖဲအံၤ‚ ဒီးကွၢ်ယစုလၣ်ဒီး ယူာ်ထီၣ်နစုဒီး ဘုးကွၢ်ယကပၤအပူၤလီၢ်တက့ၢ်ႉ ဒီးနသု တသးဒ့ဒီ တဂ့ၤ‚ မ့မ့ၢ် နာ်တၢ်တက့ၢ်’’ (ယိၤ ၂၀း၂၇) ႉ ဖဲစီၤသိၤမါထံၣ်ဘၣ် တၢ်ပူၤလီၢ်တဖၣ်လၢ အကစၢ်ဒၣ်၀ဲ‚ ဃုာ်ဒီးကစၢ်ခရၠာစးံာ်အတၢ်ကတိၤလၢ အလီၤကမၢကမၣ်‚ အ၀ဲနာ်က့ၤ၀ဲ လၢ တၢ်အံၤမ့ၢ်ကစၢ်ယ့ၣ့်ှှူးန့ၣ်လီၤႉ လၢတၢ်နာ်အပူၤ အ၀ဲတဲထီၣ်လၢ ‘ယကစၢ်ဒီး ယယွၤန့ၣ်လီၤ’ (း၂၈) ႉ ၀ံၤ‚ ကစၢ်ယ့ၣ့်ှှူး စံးတၢ်ဆိၣ်ဂ့ၤ လီၤဆီတမံၤလၢ ပှၤလၢ အတထံၣ်ဘၣ်အီၤလၢ အနီၢ်ခိနီၢ်ခီ မ့တမ့ၢ် အပူၤလီၢ်ပူၤကျဲတဖၣ် ဘၣ်ဆၣ် စူၢ်နာ်ဒံး တၢ်လၢအပူၤ မ့ၢ်ပှၤတဖၣ်လၢ ‘အဘၣ်ဆိၣ်ဂ့ၤ၀ဲလီၤ’ (း၂၉) ႉ
တၢ်ကစီၣ်အမုာ်ကတၢၢ်လၢ အကဲထီၣ်တ့ၢ်၀ဲအံၤ မ့ၢ်အ၀ဲအပူၤလီၢ်ပူၤကျဲ တဖၣ်လၢ အဘၣ်တူၢ်တၢ်လၢ ပတၢ်ဒဲးဘးအဂီၢ်‚ ပတၢ်ဒဲးဘးတဖၣ်လၢ အထီဒါ ပှၤဂုၤပှၤဂၤ မ့တမ့ၢ် ပနီၢ်ကစၢ်ဒၣ်၀ဲန့ၣ်လီၤႉ ကစၢ်ယ့ၣ့်ှှူးအတၢ်သံအံၤ မ့ၢ်လၢတၢ် ကပျၢ်ကွံာ် တၢ်ဒဲးဘးတဖၣ်လၢ ပှၤလၢအစူၢ်က့ၤနာ်က့ၤအီၤကိးဂၤဒီး အၢၣ်လီၤသကိး ဃုာ်ဒီး စီၤသိၤမါ လၢ‚ တၢ်အံၤမ့ၢ် ‘ယကစၢ်ဒီးယယွၤ’ အဂီၢ်လီၤႉ