ဘၣ်တဟါ‚ ပှၤကွဲးလံာ် မဲလ်ခီလ်မူၣ်ကၠၢၣ်ရၠာစးံး လၢအဖျါသးအုးလီၤလီၤဆီဆီတဂၤ‚ ဖဲအမၤတၢ်လၢ ဟီၣ်ခိၣ်ဒီဘ့ၣ်တၢ်ဒုးခံဘျီတဘျီ ပှၤကွၢ်ဟုၣ်တၢ်စံး၀ဲလၢ ‘‘ယမံနီၤလၢ လီၢ်မံခိၣ်လၢ အနၢတမုာ်ထီၣ်အုၣ်ထီၣ်ဃးဒီး ယသးပှဲၤဒီးတၢ်သးဟးဂီၤလီၤႉ ထဲတဂၤဧိၤ လၢစးက၀း‚ လၢတၢ်မူထူယိာ်အဂီၢ်တခီ တၢ်မုၢ်လၢ်အတၢ်ကပီၤတအိၣ်နီတမံၤ’’ န့ၣ်လီၤႉ
လၢတၢ်အိၣ်သးဒ်သိးအံၤန့ၣ် အ၀ဲမၤတၢ်လၢအဆိကမိၣ်၀ဲလၢ အခီပညီ အိၣ်ဘၣ်အီၤလၢ ဂုာ်ကျဲးစၢးလဲၤစုၣ်သံလီၤသးလၢထံကျါန့ၣ်လီၤႉ အ၀ဲနီထီၣ် သိလ့ၣ်လၢ ပီၣ်လဲၣ်ကၢၢ်နံၤလၢ အဘူးကတၢၢ် မဲးဒၣ်ကဲးစ်ကၣ်‚ အ၀ဲစးထီၣ် ပီၢ်ထံ ဆူပီၣ်လဲၣ် တုၤအလီၤဘှံးတစုလီၤႉ ဖဲအကွၢ်ကဒါက့ၤဆူအလီၢ်ခံ‚ အ၀ဲထံၣ်ဘၣ် တၢ်ကပီၤပံာ်လ့ပံာ်လ့လၢ ပီၣ်လဲၣ်ကၢၢ်နံၤန့ၣ်လီၤႉ လၢအကတီၢ်အ၀ဲန့ၣ်‚ အ၀ဲစးထီၣ်တၢ်ပီၢ်ကဒါက့ၤ ထံဆူပီၣ်လဲၣ် ကၢၢ်နံၤန့ၣ်လီၤႉ ဖဲလၢမ့ၢ်လီၤဘှံးလီၤဘှါ၀ဲဘၣ်ဆၣ်‚ အ၀ဲကလၢၢ်ဘၣ်က့ၤ ‘တၢ်သးခုလၢ အလုၣ်ဘၢကွံာ်အီၤ’ န့ၣ်လီၤႉ မူၣ်ကၠၢၣ်ရၠာစးံး တသ့ၣ်ညါ လီၤတံၢ် လီၤဆဲးလၢ တၢ်အံၤဟဲအသး ဒ်လဲၣ်ဘၣ်ႉ ဘၣ်ဆၣ်‚ အ၀ဲသ့ၣ်ညါလၢ ယွၤတုၤအိၣ် တၢ်ဆူ အအိၣ်လၢအသးသမူအခံးအနၤကတီၢ်‚ ဟ့ၣ်က့ၤအီၤတၢ်မုၢ်လၢ်လၢ အကဲ ထီၣ်သ့ ထဲဒၣ်လၢ တၢ်လၢအလဲၤတလၢကွံာ် န့ဆၢၣ်ဧိၤန့ၣ်လီၤႉ တလီၢ်လီၢ်‚ ပှၤတၢ်မၢဖိ စီၤပီလူးကွဲးဖျါ တၢ်မုၢ်လၢ် ဒ်သိးအံၤန့ၣ်လီၤႉ လၢလံာ်အ့ဖ့းစူးအပူၤ‚ အ၀ဲပာ်ဖျါလၢ‚ တချုးလၢတၢ်သ့ၣ်ညါခရၠာစးံာ်န့ၣ် ပ၀ဲတဂၤစုာ်စုာ်အံၤ ‘ပသံတ့ၢ်လၢတၢ်သ့ှူးကမၣ် ဒီးတၢ်ဒဲးဘးအပူၤ‚ တအိၣ်ဘၣ်ဒီးတၢ်မုၢ်လၢ်‚ တအိၣ်ဘၣ်ဒီး ယွၤလၢဟီၣ်ခိၣ်ချၢ (၂း၁‚၁၂) န့ၣ်လီၤႉ ဘၣ်ဆၣ်‚ ‘ယွၤလၢအသူၣ်ကညီၤ တၢ်ဒိၣ်သးကညီၤတၢ်အါန့ၣ်‚ မ့ၢ်အအဲၣ်ပှၤကွံပှၤအါအါကလဲာ်အဃိဒီး‚ႉႉႉမၤမူထီၣ်က့ၤဃုာ်ပှၤဒီးခရၠာစးံာ်လီၤ’’ (း၄-၅) ႉ
ဟီၣ်ခိၣ်အံၤ‚ ဂုာ်ကျဲးစၢး ထုးလီၤဘျၢလီၤပှၤယိာ်ယိာ် ဘၣ်ဆၣ်‚ တၢ်ဂ့ၢ် တအိၣ်နီတမံၤလၢ ပကဘၣ်ခီၣ့်ှှူပသးလၢ တၢ်သးဟးဂီၤန့ၣ်ဘၣ်ႉ ဒ်မူၣ်ကၠၢၣ်ရၠာစးံး တဲဘၣ်ပှၤလၢ အတၢ်လဲၤပီၢ်ထံဆူပီၣ်လဲၣ်‚ ‘တၢ်အံၤ မ့ၢ်တၢ်လၢအဖျါဆှံ၀ဲ ဆူ ပအိၣ်‚ လၢတၢ်ခံးသူတအိၣ်၀ဲနီတမံၤ‚ ထဲဒၣ်တၢ်လၢ အကဲထီၣ်သ့လၢ ပလီၤမၢ်ကွံာ်ဘၣ်လၢ တၢ်ထံၣ်တၢ်ကပီၤတမံၤလၢ အကပီၤလီၤစိၤလီၤထီအဃိဧိၤန့ၣ်လီၤႉ