တၢ်ပၢၤဃာ်တၢ်ကလုၢ်ပိးလီ အဲလဲးစ်စၣ် အိၣ်ဒီးက့ၢ်ဂီၤလၢ အလီၤသးစဲ မ့ၢ်လၢတၢ်အံၤ ထူးသံကွံာ့်တူာ်ကွံာ်တၢ်ကိးမံၤလၢ နကတိၤတ့ၢ်တဲတ့ၢ်၀ဲကိးမံၤအဃိန့ၣ်လီၤႉ တၢ် တမံၤဂ့ၤတမံၤဂ့ၤလၢ နသံကွၢ် အဲလဲးစ်စၣ် လၢ ကမၤတၢ်‚ တၢ်ကစီၣ်တမံၤမံၤ နသံကွၢ် အဲလဲးစ်စၣ် ဒ်သိးကမၤန့ၢ်တၢ်ကစီၣ်လၢ တၢ်ပာ်ဖှိၣ်‚ လံာ်ကျိၤယိယိဖိတကျိၤ (လၢအထူးသံBတူာ်ကွံာ် တၢ်ကိးမံၤလၢ ယတဲအီၤ လၢတနံၤအံၤ) ‚ ့တူာ်ကဆှီကွံာ်တၢ်ကိးမံၤ လၢ အမၤသး ဒ်တၢ်တကဲထီၣ်တ့ၢ်သးနီတမံၤအသိးန့ၣ်လီၤႉ တၢ်အံၤမ့ၢ်တၢ်လၢ အနးလၢ ပတၢ်အိၣ်မူလၢခံကတၢၢ်လၢ အတအိၣ်ဒီး တၢ်သ့တၢ်ဘၣ်အံၤန့ၣ်လီၤႉ တၢ်ကတိၤလၢ ပကတိၤကမၣ်ကိးမံၤ‚ တၢ်ဟူးတၢ်ဂဲၤလၢ အတ့ကၢးတဘၣ်ကိးကတီၢ် ပတၢ်ဆၢမုၢ်လၢ်လၢ ပ့တူာ်ကွံာ်သ့‚ ပကဘၣ်ဟ့ၣ်လီၤတၢ်ကလုၢ်ဒီး တၢ်သဘံၣ်ဘုၣ် ခဲလၢာ် ကဟါမၢ်ကွံာ်န့ၣ်လီၤႉ
တၢ်သးခုအကစီၣ်အိၣ်၀ဲလၢ ယွၤဟ့ၣ်လၢ် ပ၀ဲတဂၤစုာ်စုာ် လၢတၢ် ကစးထီၣ် တၢ်အိၣ်မူအကဆှီတမံၤန့ၣ်လီၤႉ တၢ်လၢအ၀ဲလဲၤတလၢကွံာ်ယိာ်ယိာ်လၢ အတမ့ၢ် ထဲဒၣ်လၢ တၢ့်တူာ်ကွံာ်ထူးသံကွံာ်တၢ်ဧိၤဘၣ်ႉ မ့မ့ၢ်လၢပတၢ်ကမၣ်တဖၣ် မ့တမ့ၢ် ပလုၢ်ပလၢ်လၢ အအၢအသီန့ၣ်လီၤႉ ယွၤမၤပှဲၤတၢ်ပရၤက့ၤတၢ် တၢ်ယါဘျါ ယိာ်ယိာ်လၢအဆီတလဲပှၤဒီး မၤသီထီၣ်က့ၤပှၤန့ၣ်လီၤႉ အ၀ဲစံးဘၣ်ပှၤလၢ ‘ဟဲက့ၤကဒါက့ၤ ဆူယအိၣ်တက့ၢ်ႉ အဂ့ၢ်ဒ်အံၤ‚ ယပရၤက့ၤနၤလံ’ (ယ့ှှါ ၄၄း၂၂) န့ၣ်လီၤႉ တုၤလၢပှၤအံၣ်စရၠာစးလ့းဖိ မ့ၢ်ပူထီၣ်ဒီးတစူၢ် ယွၤအကလုၢ်အခါဒၣ်လဲာ်‚ ယွၤတုၤအိၣ်ဆူ အ၀ဲသ့ၣ်အအိၣ်လၢ တၢ်သးကညီၤဒိၣ်ဒိၣ်အါအါန့ၣ်လီၤႉ အ၀ဲ ‘့တူာ်ကွံာ်လံ (န) တၢ်ကမၣ် ဒ်တၢ်အၢၣ်သူအသိးဒီး (န) တၢ်ဒဲးဘးဒ်တၢ်အၢၣ်အသိးန့ၣ်လံ’ (း၂၂) ႉ အ၀ဲထၢဖှိၣ်က့ၤ တၢ်မဲာ်ဆှးဒီး တၢ်ဃၣ်ကွံာ်သးကိးမံၤဒီး သ့စီကွံာ်အ၀ဲသ့ၣ်ဒီး အ၀ဲအဘျုးအဖှိၣ် လၢအဒိၣ်၀ဲလဲၢ်၀ဲန့ၣ်လီၤႉ
ယွၤကမၤတၢ်တမံၤဃီဃုာ်ဒီး ပတၢ်ဒဲးဘးဒီးတၢ်လၢကမၣ်လၢ အတ့ကၢး ကဲထီၣ်သးန့ၣ်လီၤႉ တၢ်ကမၣ်တအိၣ်၀ဲနီတမံၤလၢ ယွၤဘှီက့ၤ၀ဲတသ့‚ တၢ်ပူၤလီၢ် တအိၣ်နီတမံၤလၢ အယါဘျါ၀ဲတသ့န့ၣ်ဘၣ်ႉ ယွၤအတၢ်သးကညီၤ ယါဘျါဒီး ပရၤက့ၤတၢ်လီၢ်လၢ အဆါနးနးကလဲာ်လၢ ပသးကံၢ်ပူၤ တုၤဒၣ်လဲာ်လၢ တၢ်လၢပပာ်ခူသူၣ်အီၤလၢပသးပူၤ ယံာ်တ့ၢ်မးဒၣ်လဲာ်န့ၣ်လီၤႉ အ၀ဲအတၢ်သးကညီၤ ့တူၢ်ကွံာ်ပတၢ်ကမၣ်‚ သ့စီကွံာ် ပတၢ်ပီၢ်ယၢ်လီၤသး ကိးမံၤဒဲးန့ၣ်လီၤႉ