ပှၤဃိာ်ဖိတဖၣ် ထၢဖှိၣ်တၢ်ကမှံၤလၢ ကျဲကပၤ ဒ်သိးကမၤစှၤလီၤတၢ်ဆၢကတီၢ် လၢတၢ်လီၤဘၣ်ဃိာ်အခါ ပှၤဘၣ်မူဘၣ်ဒါလၢ အခိးအ၀ဲသ့ၣ်‚ လၢအမ့ၢ် ကၠ့မ် လီၤတကူၢ် လီၤဃံၤ၀ဲန့ၣ်လီၤႉ အ၀ဲသ့ၣ် ဃ့ၢ်သဖှိဆူ အ၀ဲအအိၣ် လၢကမၤစၢၤတၢ်ဒီး သ့ၣ်ညါဘၣ် လၢ ကၠ့မ် လိၣ်ဘၣ် တၢ်ယါဘျါန့ၣ်လီၤႉ ဃိာ်ဖိတဂၤ‚ ဟံးန့ၢ်ကၠ့မ်အလီတဲစိလၢ ကကိးတၢ်မၤစၢၤအဂီၢ်လီၤႉ လၢခံ‚ ပၢၤကီၢ်အ၀ဲၤကျိၤစံးဘျုး ပှၤဃိာ်ဖိတဖၣ်လၢ အလီၤဘၣ် ဃိာ်တဒၢးဃီတဖၣ်လၢ မၤစၢၤ၀ဲလၢ အဟ့ၣ်ထီၣ်၀ဲလၢ အပှၤဘၣ်မူဘၣ်ဒါခိၣ်လၢ တၢ်ကဒိးန့ၢ်တၢ်ယါဘျါတကီၢ်ခါ‚ လီၤလီၤဆီဆီ‚ ဖဲလၢအ၀ဲသ့ၣ်မ့ၢ်ညိကွံာ် ကၠ့မ် လၢအတူၢ်ဘၣ်တၢ် နးနးကျံၤကျံၤလၢ ကလံၤကျီတၢ်ဆါဒီး တစူးကါတၢ်အိၣ်သးအံၤလၢ အကစၢ်ဒၣ်၀ဲ တၢ်ခွဲးတၢ်ယာ်လၢ ကဃ့ၢ်သ့၀ဲအဃိန့ၣ်လီၤႉ
တၢ်သးကညီၤအတၢ်မၤလၢအဘၣ် တၢ်မၤအီၤလၢပှၤလီၤဘၣ်ဃိာ် တဒၢးဃီ တဖၣ် တမ့ၢ်တၢ်လၢ အဒ်သိးဒီး စီၤပီလူးဒီး စီၤစံလၤဘၣ်ႉ ဖဲအ၀ဲသ့ၣ်လီၤဘၣ်ဃိာ်‚ ဘၣ်တၢ်ဖ@‚ ဒိတီၢ်ဒီးတ့ၢ်လီၤဆူ ဃိာ်ပူၤ‚ ဟီၣ်ခိၣ်ဟူးထီၣ် နးနးကလဲာ် တဘျီလၢ မၤလီၤ တဲာ်ကွံာ်တၢ်စၢဃာ်ထးသွဲတဖၣ်ဒီး ဃိာ်အBတဲၤအိးထီၣ်အသးလၢ တၢ်တ့ၢ်နုာ်အ၀ဲသ့ၣ် န့ၣ်လီၤ (မၤတၢ် ၁၆း၂၃-၂၆) ႉ ဖဲ ဃိာ်ဒိၣ် ဖုသံနီၣ်ဒီး ဒ်အညီနုၢ်အသိး‚ အ၀ဲတယာ်၀ဲလၢ ပှၤဃိာ်ဖိတဖၣ် ဃ့ၢ်ထီၣ်ကွံာ်လံအဃိ‚ အ၀ဲကတဲာ်ကတီၤအသး လၢတၢ်ကမၤသံလီၤ က့ၤအသး (တချုးလၢ တၢ်ကတူၢ်ဘၣ် တၢ်စံၣ်ညီၣ်အီၤလၢ ပှၤဃိာ်ဖိဃ့ၢ်ထီၣ်) န့ၣ်လီၤႉ ဖဲစီၤပီလူးကိးထီၣ် လၢ ‘ပအိၣ်ဖဲအံၤခဲလၢာ်လီၤ’ (း၂၈) ႉ ဃိာ်ဒိၣ်ကမၢကမၣ်ဘၣ်လၢ တၢ်လၢအ၀ဲသ့ၣ် မၤ၀ဲတဖၣ်လၢ အတမ့ၢ်လုၢ်လၢ်လၢ ပှၤဃိာ်ဖိတဖၣ်ဒီး တၢ်အံၤ ကဲထီၣ်တၢ်လၢ အဲၣ်ဒိးသ့ၣ်ညါဘၣ်ကစၢ်ယွၤလၢ အ၀ဲသ့ၣ်ဘါ၀ဲ‚ တဘျီဃီ တၢ်ဟဲ အိၣ်ထီၣ်လၢ အဲၣ်ဒိးစူၢ်က့ၤနာ်က့ၤ ကစၢ်ခရၠာစးံာ်စ့ၢ်ကီးန့ၣ်လီၤ (း၂၉-၃၄) ႉ
ကျဲလၢပမၤဘၣ်ပှၤဂုၤပှၤဂၤန့ၣ် လီၣ်ဖျါထီၣ်တၢ်လၢ ပစူၢ်ပနာ်အီၤဒီး တၢ်လၢ ပပာ်လုၢ်ပာ်ပရၤအီၤန့ၣ်လီၤႉ ဖဲပဃုထၢမၤဂ့ၤတၢ်လၢ တၢ်လၢအမၤဆါပှၤအလီၢ်‚ ပတၢ်ဟူးတၢ်ဂဲၤတဖၣ် ကပာ်ဖျါထီၣ်အ၀ဲသ့ၣ်လၢ ကကမၢကမၣ်ဘၣ်လၢ ကစၢ်ယွၤလၢ ပသ့ၣ်ညါဒီး အဲၣ်ဘၣ်အီၤန့ၣ်လီၤႉ