ယ၀ၤအ၀ဲၢ်ခွါအိၣ်ဆိးလၢ ခီၣ်လိၣ်ရၠာစးၣ်ဒိၣ် ကစၢၢ်ကလိလၢ အစီၤစုၤဒီးပှၤလၢ မံးလာ် ၁၂၀၀ လီၤႉ ဖဲလၢတၢ်အိၣ်ဆိးလီၢ်မ့ၢ်စီၤစုၤဒၣ်လဲာ်‚ ကၠၢၣ်ရၠာစးံးန့ၣ် ထီဘိ မ့ၢ်ဟံၣ်ဖိဃီဖိ တဂၤလၢ အဘၣ်တၢ်အဲၣ်အီၤ‚ မ့ၢ်လၢအ၀ဲမ့ၢ်ပှၤလၢ အမၤလီၤနံၤလီၤအ့တၢ်သ့ဖးဒိၣ် ဒီးသူၣ်ဂ့ၤသး၀ါအဃိန့ၣ်လီၤႉ တၢ်လၢယသ့ၣ်နီၣ်ထီၣ်န့ၣ် မ့ၢ်အဒီပုၢ်၀ဲၢ်တဖၣ်‚ တအိၣ်ဒီး တၢ်တသူၣ်ဖှံတသးညီလၢ အ၀ဲမ့ၢ်ဘၣ်တၢ်ဘၣ်သူၣ်ဘၣ်သးအီၤလၢ အမိၢ်အမဲာ်ချံ န့ၣ်ဘၣ်ႉ ပူၤကွံာ်တဘျုးနံၣ်‚ အ၀ဲသ့ၣ်ဟ့ၣ်အီၤဒၣ်လဲာ်လၢ ဆ့ကၤတဘ့ၣ်လၢ အဘၣ် တၢ်ကွဲးအီၤလၢ ‘မ့ၢ်ပှၤလၢမိၢ်ဘၣ်သူၣ်ဘၣ်သးကတၢၢ်’ န့ၣ်လီၤႉ ဖဲပ၀ဲကိးဂၤ မုာ်လၤသးခု လၢ ပဒီပုၢ်၀ဲၢ်တဖၣ် အတၢ်မၤသးအံၤလၢ တၢ်ကွၢ်မဲာ်တၢ်န့ၣ် နီၢ်နီၢ်တခီ‚ တမ့ၢ်တၢ်လၢအလီၤနံၤလီၤအ့၀ဲဘၣ်လီၤႉ
ဖဲ ၁ မိၤဒီး ၃၇ အပူၤ‚ ပကဖးဘၣ်တၢ်ဂ့ၢ်လၢ စီၤယၤကိာ်လၢ အဟ့ၣ် ဆ့ဖးထီ တဘ့ၣ်ဆူ အဖိခွါစီၤယိၤသးလၢ အကွၢ်မဲာ်တၢ်န့ၣ် နဲၣ်ဖျါတၢ်လၢ အဖိအဂုၤအဂၤတဖၣ် လၢစီၤယိၤသးမ့ၢ်ဖိလၢ အအဲၣ်၀ဲဒိၣ်န့ၢ်ဖိအဂၤတဖၣ် (း၃) န့ၣ်လီၤႉ လၢအတအိၣ်ဒီး တၢ်နဲၣ်စိတၢ်နီတမံၤသနာ်က့ ဆ့ကၤအံၤ ဟ့ၣ်ထီၣ်တၢ်ကစီၣ်လၢ ‘စီၤယိၤသးအံၤ မ့ၢ်ဖိလၢ ယဘၣ်သူၣ်ဘၣ်သးကတၢၢ်’ န့ၣ်လီၤႉ
တၢ်ပာ်ဖျါထီၣ်တၢ်ကွၢ်မဲာ်တၢ်န့ၣ် ဒုးကဲထီၣ် တၢ်မၤဟးဂီၤတၢ် နးနးကလဲာ် လၢ ဟံၣ်ဖိဃီဖိတဒူၣ်အပူၤန့ၣ်လီၤႉ စီၤယၤကိာ်အမိၢ် နီၢ်ရၠာစးံးပကၤ‚ အဲၣ်လီၤဆီအီၤ အါန့ၢ်ဒံး အဖိခွါစီၤဧ့့ှှီၤအံၤ‚ ဒုးကဲထီၣ်တၢ်ဆူ တၢ်မၤသဘံၣ်ဘုၣ်တၢ်လၢ ဒီပုၢ်၀ဲၢ်ခံဂၤအဘၢၣ်စၢၤ (၂၅း၂၈) လီၤႉ တၢ်အံၤကဲထီၣ်ကဒီးသး ဖဲစီၤယၤကိာ် အဲၣ်ဘၣ်အမါ နီၢ်ရၠာစးၤဃ့လး (စီၤယိၤသးအမိၢ်) ဒိၣ်န့ၢ် နီၢ်လ့ၤအၤ‚ ဒုးအိၣ်ထီၣ် တၢ်တဲးလိာ်ဃိလိာ်ဒီး တၢ်သးဆါ (၂၉း၃၀-၃၁) န့ၣ်လီၤႉ တၢ်သးဒ့ဒီအလီၢ်တအိၣ်လၢ တၢ်ဂ့ၢ်ဒ်သိးအံၤအဃိ‚ စီၤယိၤသး ဘၣ်တၢ်ထံၣ်ဆံးအီၤလၢ အ၀ဲၢ်ခွါတဖၣ်‚ တုၤဒၣ်လဲာ်လၢ တၢ်ကူၣ်မၤသံအီၤ တစု (၃၇း၁၈) လီၤႉ
ဖဲတၢ်အံၤဟဲတုၤဆူ တၢ်ဘၣ်ထွဲလိာ်သးတဖၣ်‚ တဘျီဘျီ‚ ပကထံၣ်တၢ်အံၤ ဒ်တၢ်လၢတၢ်ဘၣ်ကွၢ်ဆၢၣ်မဲာ်ဘၣ်အီၤ ကီခဲန့ၣ်လီၤႉ ဘၣ်ဆၣ်‚ ပဖီတၢၣ်တခီ ကဘၣ်မ့ၢ် တၢ်ဘၣ်ထွဲဒီးပှၤကိးဂၤလၢ တၢ်တအိၣ်ဒီးတၢ်ဘၣ်သူၣ်ဘၣ်သးဒိၣ်ဒိၣ်ဒီးဆူ တၢ်ကအဲၣ်ပှၤကိးဂၤလၢ ပတၢ်အိၣ်မူပူၤကိးဒံနီၢ်ဂၤဒဲး ဒ်ပပၢ်သးဘိကစၢ်ယွၤအဲၣ်ပှၤ အသိး (ယိၤ ၁၃း၃၄) န့ၣ်လီၤႉ