ခဲလ်စ့ၣ် စိာ်ထီၣ်အဖိမုၣ်ဖိ လူစံၣ် လၢ အအိၣ်ဆံတလါဒီး အီးစံၣ်ကၠ့ကဟၣ်လၢ လူစံၣ်ဖိ ဘၣ်စူးကါလၢကသါကလံၤ ဒီးဃုကွၢ်လီၢ်ဆ့ၣ်နီၤလၢ ကဘၣ်ဆ့ၣ်နီၤ၀ဲလၢ ကဘီယူၤအလီၢ်ဆ့ၣ်နီၤခံကပၤအကျဲအံၣ်အံၣ်န့ၣ်လီၤႉ အ၀ဲသ့ၣ်လဲၤတၢ်က့ၤတၢ်လၢ ကဃုထံၣ်န့ၢ် တၢ်ကယါဘျါဘၣ် အဖိမုၣ်ဆံးဖိအံၤလၢ အတူၢ်ဘၣ်ပသိၣ်တၢ်ဆါန့ၣ်လီၤႉ တယံာ်ဖဲအထံၣ်အလီၢ်အကျဲဒီး ဆ့ၣ်နီၤ၀ဲလီၤႉ ပှၤဘၣ်မူဘၣ်ဒါလၢ ကဘီယူၤဟဲဆူ ခဲလ်စ့ၣ်အအိၣ်ဒီး စံးဘၣ်အီၤလၢ‚ ပှၤလၢအဒိးကဘီယူၤလၢ တၢ်လီၢ်အဂ့ၤကတၢၢ်တဂၤ‚ သးအိၣ် နီၤဟ့ၣ်အတၢ်လီၢ်ဒီးအီၤန့ၣ်လီၤႉ ဃုာ်ဒီးမဲာ်ထံလၢ အဟဲယွၤလီၤလၢတၢ်စံးဘျုး‚ ခဲလ်စ့ၣ် ဆၢထၢၣ်ဒီး သုးအလီၢ်ဆူတၢ်လီၢ်ဖးလဲၢ်‚ ဖဲပှၤလၢအသးအိၣ်မၤဂ့ၤ တၢ်အံၤ တခီ‚ ဟဲသုးအသးဆူ အ၀ဲအလီၢ်ဆ့ၣ်နီၤလီၤႉ
ပှၤလၢ အမၤဘျုးခဲလ်စ့ၣ်အံၤန့ၣ် ပာ်ဖျါထီၣ် တၢ်ဟ့ၣ်ညီတၢ်လၢ အဘၣ် တၢ်ဟ့ၣ်ဂံၢ်ဟ့ၣ်ဘါလၢ စီၤပီလူး အလံာ်ပရၠာစးၢဆူ စီၤတံၤမသ့း အအိၣ်န့ၣ်လီၤႉ စီၤပီလူး စံးဘၣ် စီၤတံၤမသ့းလၢ ကသိၣ်လီၤသီလီၤတၢ်ဆူ ပှၤလၢအဘၣ်ကွၢ်ထွဲ၀ဲတဖၣ်‚ ဒ်သိး ကထူးထီၣ်တီၤထီၣ်လၢ တၢ်မၤဂ့ၤတဖၣ်ဒီး ဟ့ၣ်တၢ်ညီဒီးဟ့ၣ်တၢ်မၤစၢၤလၢ ပှၤဂၤႉႉႉ’’ (၁ တံၤ ၆း၁၈) လီၤႉ စီၤပီလူးစံးစ့ၢ်ကီး၀ဲလၢ‚ တၢ်လ့ပစီပှၤ ဒ်သိး ပကပာ်ထီၣ်ထီ ပသးဒီး မုၢ်လၢ်တၢ်ထဲလၢ ဟီၣ်ခိၣ်လၢ အတဂၢၢ်တကျၢၤအံၤန့ၣ်လီၤႉ လၢတၢ်အံၤအလီၢ်စီၤပီလူး ဟ့ၣ်ကူၣ်လၢ ပကဘၣ်ပညိၣ်တၢ်မူလၢ တၢ်မၤဂ့ၤတၢ်ဒီး တၢ်ဟ့ၣ်တၢ်မၤစၢၤ ဆူပှၤဂုၤပှၤဂၤဒီး ကဲထီၣ် ပှၤလၢအဟ့ၣ်ညီတၢ် ဒ်ပှၤတဂၤလၢ အဆ့ၣ်နီၤလၢ ၂-ဒံၢ် (တၢ်လီၢ်လၢ အပရၤဒိၣ်ကတၢၢ်) လၢ ကဘီယူၤလၢ ခဲလ်စ့ၣ် ဒိး၀ဲအသိးန့ၣ်လီၤႉ
ဖဲလၢ ပမ့ၢ်ထံၣ်လီၤပသးလၢ ပမ့ၢ်ပှၤလၢအဘီၣ်ညီဂ့ၤ‚ မ့ၢ်ပှၤလၢ အလိၣ်ဘၣ် တၢ်ဂ့ၤ‚ ပ၀ဲကိးဂၤ ပလဲၤခီဖျိပ၀ဲသ့လၢ တၢ်ထူးထီၣ်တီၤထီၣ်လၢ တၢ်မၤဂ့ၤတၢ် ခီဖျိ တၢ်သးအိၣ် နီၤဟ့ၣ်တၢ်လၢအအိၣ်ဒီး ပှၤဆူပှၤဂုၤပှၤဂၤအအိၣ်န့ၣ်လီၤႉ ဖဲပမၤတၢ်ဒ်သိးအံၤ အကတီၢ်‚ စီၤပီလူး စံးဘၣ်ပှၤလၢ ပက ‘ဂုာ်ဟံးန့ၢ် တၢ်မူအထူအယိာ်’ (း၁၉) န့ၣ်လီၤႉ