လ့ၣ်လၣ် ဘူးလၢ ကသံကွံာ်လၢ ခဲစၢၣ်တၢ်ဆါလီၤႉ အ၀ၤ တံၤမသ့း တခီ‚ တနၢ်ပၢၢ်၀ဲ ယွၤလၢအအဲၣ်တၢ်ကွံတၢ်န့ၣ် ဘၣ်မနုၤအဃိ အပျဲ၀ဲလၢ အမါအံၤ ဘၣ်တူၢ်တၢ်န့ၣ် လဲၣ်လီၤႉ လ့ၣ်လၣ် န့ၣ် မ့ၢ်ပှၤလၢ အမၤကစၢ်ယွၤအတၢ်မၤ လၢတၢ်သးတီ ဒ်ပှၤသိၣ်လိ လံာ်စီဆှံ ဒီးမ့ၢ်ပှၤလၢ အအိၣ်ဒီးတၢ်လဲၤခီဖျိအါမး ဒီးဟ့ၣ်ကူၣ်ဟ့ၣ်ဖးတၢ်ဆူ ပှၤအါဒံ အါဂၤအဂီၢ်န့ၣ်လီၤႉ အ၀ဲကိးသBတီထီၣ်လၢ ဘၣ်မနုၤ ‘‘န (ကစၢ်ယွၤ) ဒုးအိၣ်ထီၣ် တၢ်အံၤန့ၣ်လဲၣ်’’ လီၤႉ ဘၣ်ဆၣ်‚ တံၤမသ့း န့ၣ် လဲၤတၢ်ဆူညါလၢ တၢ်သးတီ ဒီးကစၢ်ယွၤ လၢအသးသမူအတၢ်လဲၤန့ၣ်လီၤႉ
လၢတၢ်အံၤအဃိ ယသံကွၢ်အီၤ ဖျိဖျိဖျါဖျါလၢ ‘‘ဘၣ်မနုၤနနာ်ဒံးကစၢ်ယွၤ န့ၣ်လဲၣ်ႉ မ့ၢ်တၢ်မနုၤ ပၢၤဃာ်နၤလၢ နတဃၣ်ကွံာ်နသးလၢယွၤန့ၣ်လဲၣ်’’ လီၤႉ
တံၤမသ့း စံးဆၢက့ၤယၤလၢ ‘မ့ၢ်လၢတၢ်လၢ အဟဲကဲထီၣ်သးလၢ ခါလၢ အပူၤကွံာ်အဃိန့ၣ်လီၤ’ ဖဲလၢအ၀ဲမ့ၢ် တ ‘ထံၣ်’ ကစၢ်ယွၤ ဖဲအကတီၢ်အံၤဘၣ်ဆၣ်‚ အ၀ဲ ဆိကမိၣ်ထီၣ်ကဒါက့ၤ‚ ခါလၢအပူၤကွံာ်တဖၣ်‚ ဖဲကစၢ်ယွၤမၤစၢၤတ့ၢ်အီၤဒီး ကဟု ကယာ်အီၤန့ၣ်လီၤႉ တၢ်သ့ၣ်တဖၣ်အံၤ‚ မ့ၢ်တၢ်ပနီၣ်တဖၣ်လၢ ယွၤအိၣ်ဒံးဒၣ်ဒီးအီၤဒီး ကဟုကယာ်ဒံး အပှၤဟံၣ်ဖိဃီဖိန့ၣ်လီၤႉ အ၀ဲစံးကဒီး၀ဲ လၢ ‘‘ယသ့ၣ်ညါ ယကစၢ်လၢယစူၢ်အီၤနာ်အီၤအံၤ‚ ကဟဲဆူယအိၣ်လၢ အကျဲဒၣ်၀ဲအပူၤ’’ န့ၣ်လီၤႉ
တံၤမသ့း အတၢ်ကတိၤတဖၣ် သီၣ်ဆၢကဒါက့ၤ ၀ံယ့ှှါယၤအတၢ်ပာ်ဖျါ ထီၣ် တၢ်စူၢ်တၢ်နာ်လၢ ယ့ှှါယၤ ၈း၁၇ အပူၤန့ၣ်လီၤႉ ဖဲလၢအ၀ဲမ့ၢ်တကလၢၢ်ဘၣ်လၢ ယွၤအိၣ်ဒံးဒီးအပှၤဂီၢ်မုၢ် ဖဲလၢအတူၢ်ဘၣ်တၢ်လၢ တၢ်မၤအၢမၤနးတၢ်လၢ ဒုၣ်ဒါတဖၣ် ဒၣ်လဲာ်‚ အ၀ဲကအိၣ်ခိးယွၤ’’ လီၤႉ အ၀ဲနာ်န့ၢ်ကစၢ်ယွၤ မ့ၢ်လၢတၢ်ပနီၣ်တဖၣ်လၢ ကစၢ်ယွၤ ဟ့ၣ်လီၤလၢ်တ့ၢ်လၢ ကအိၣ်ဒံးကဒီးဒီး အ၀ဲ (း၁၈) အဃိန့ၣ်လီၤႉ
ဖဲပကွၢ်ဆၢၣ်မဲာ်ဘၣ်ဒီး တၢ်ကီတၢ်ခဲအကတီၢ်န့ၣ် ပကကလၢၢ်ဘၣ် ဒ်ကစၢ် ယွၤ တအိၣ်ဒီးပှၤန့ၣ်လီၤႉ လၢတၢ်အံၤအဃိ‚ ပကဘၣ်သန့ၤထီၣ်ပသးလၢ ကစၢ်ယွၤ မၤတ့ၢ်၀ဲတဖၣ်လၢ ပတၢ်အိၣ်မူအပူၤလၢ ခါလၢအပူၤကွံာ် ဒီးအခဲအံၤန့ၣ်လီၤႉ တၢ်သ့ၣ် တဖၣ်အံၤ မ့ၢ်တၢ်လၢအဒုးသ့ၣ်နီၣ်ထီၣ်ပှၤ လၢပထံၣ်အီၤသ့လၢ ယွၤလၢပထံၣ်အီၤလၢ ပမဲာ်ချံတသ့တဂၤအတၢ်မၤလၢ ယွၤလၢအအိၣ်ဒီးပှၤထီဘိဒီး ကစံးဆၢက့ၤ ပတၢ်ဂ့ၢ်ကီလၢ အ၀ဲအတၢ်ဆၢကတီၢ်ဒၣ်၀ဲဒီး လၢအကျဲဒၣ်၀ဲအပူၤန့ၣ်လီၤႉ