နံၣ်ကယၤ ၁၇ ပှၤကူၣ်သ့လၢအဆိကမိၣ်တၢ်ယိာ်ယိာ် သီမၢးစ် ဟိဘံးစ်‚ အတၢ်ကွဲးလၢ အမံၤဟူသၣ်ဖျါလၢ အဘၣ်ထွဲဒီးပှၤကညီအသးသမူအပတီၢ်လီၤႉ ‘‘ပှၤကညီ အတၢ်အိၣ်မူန့ၣ် အပှဲၤဒီး ဘၣ်အိၣ်ထဲတဂၤဧိၤ‚ လီၤသးကညီၤ‚ အအၢအသီ‚ တၢ်မၤဆူၣ်မၤစိးတၢ်ဒီး ဆၢကတီၢ်ဖုၣ်၀ဲ’’ န့ၣ်လီၤႉ ဟိဘံးစ် စံး၀ဲလၢ‚ ပတၢ်သ့ၣ်ညါ အန့ဆၢၣ် ဆၢမၤဘၣ်တၢ်လၢ ကဒုးတၢ်ယၤတၢ် ဒ်သိးကမၤန့ၢ် တၢ်ဒိၣ်ဘၢဘၣ်တၢ်လၢ ပှၤဂုၤပှၤဂၤအဖီခိၣ်န့ၣ်လီၤႉ လၢတၢ်အံၤအဃိ‚ ပလိၣ်ဘၣ်လၢ ကသူၣ်ထီၣ် တၢ်ပၢတၢ်ြပးလၢ တၢ်ကပၢၤဃာ် တၢ်သိၣ်တၢ်သီ ဒီး တၢ်ကလုၢ်လၢ အဘၣ်တၢ်ဟ့ၣ်လီၤလၢ ပှၤပၢတၢ်ြပးတၢ်န့ၣ်လီၤႉ
တၢ်ထံၣ်လၢ ပှၤကူပှၤကညီအဖီခိၣ်န့ၣ် လီၤဂာ်ဒီးကစၢ်ယ့ၣ့်ှှူးအတၢ်ပာ်ဖျါ ဖဲအစံး၀ဲ ‘‘ကယဲၢ်ပှၤဟဲဆိလၢ ယမဲာ်ညါတဂၤလၢ်လၢ်န့ၣ်‚ မ့ၢ်တၢ်ဟုၣ်တၢ်ဘျၣ်ဒီး တမျိးတမျာ်လီၤ’’ (ယိၤ ၁၀း၈) ႉ ဘၣ်ဆၣ်‚ ကစၢ်ယ့ၣ့်ှှူးဟ့ၣ်ထီၣ်တၢ်မုၢ်လၢ်လၢ တၢ်သးဟးဂီၤအဖၢမုၢ်ပူၤန့ၣ်လီၤႉ ‘‘တၢ်ဟုၣ်တၢ်ဘျၣ်န့ၣ် မ့တမ့ၢ်ဘၣ်ဒ်သိး အကဟုၣ် တၢ်ဒီး မၤသံတၢ်‚ ဒီးမၤဟးဂီၤတၢ်ဒီး‚ တဟဲဘၣ်၀ဲဘၣ်ႉ ၀ံၤ‚ တၢ်ကစီၣ်လၢအမုာ်တခီ မ့ၢ်၀ဲ‚ ‘‘မ့မ့ၢ်ယဲဒၣ်အံၤ‚ ဒ်သိးအကန့ၢ်ဘၣ်တၢ်မူဒီးန့ၢ်ဘၣ် အါအါကလဲာ်‚ ယဟဲယဲ လီၤ’’ (း၁၀) ႉ
လံာ်ထါစံးထီၣ်ပ့တၢၤ ၂၃ ပာ်ဖျါထီၣ် အက့ၢ်အဂီၤလၢ အမၤသးဖှံထီၣ်တၢ်လၢ အဘၣ်ထွဲဒီး ပပှၤကွၢ်သိ ဟ့ၣ်ထီၣ်ပှၤန့ၣ်လီၤႉ လၢအ၀ဲအပူၤ‚ ပ ‘တမိၣ်န့ၢ်သးလီတၢ် နီတမံၤ’ (း၁) ‚ ဒီးပသူၣ်ပသးဖှံထီၣ် (း၃) လီၤႉ အ၀ဲဆှၢပှၤလၢ ကျဲအမ့ၢ်အတီလၢ အ၀ဲအတၢ်ဘၣ်သးလၢ အလၢအပှဲၤအဃိ‚ ဖဲလၢပမ့ၢ်ကွၢ်ဆၢၣ်မဲာ်ဘၣ်ဒီး တၢ်ခံးတၢ်နၤ အကတီၢ်တဖၣ်ဒၣ်လဲာ်‚ အလီၢ်တအိၣ်လၢ ပကဘၣ်ဖှံဘၣ်တၢ်‚ မ့ၢ်လၢအ၀ဲဒီးပှၤလၢ ကမၤမုာ်ထီၣ်က့ၤပှၤအဂီၢ် (း၃-၄) အဃိန့ၣ်လီၤႉ အ၀ဲဒုးမၤနၢၤပှၤလၢ တၢ်နးတၢ်ဖှီၣ်လၢ ပကွၢ်ဆၢၣ်မဲာ်ဘၣ်ဒီး လုၣ်ဘၢကွံာ်ပှၤလၢ အတၢ်ဆိၣ်ဂ့ၤတဖၣ်လီၤ (း၅) ႉ အ၀ဲ အတၢ်ဂ့ၤ ဒီး တၢ်အဲၣ်တၢ်ကွံ ပိာ်ထွဲပခံကိးနံၤ ဒီးပအိၣ်ဒီး တၢ်ခွဲးဂ့ၤယာ်ဘၣ်လၢ ပကအိၣ်ဘၣ်လၢအမဲာ်ညါ လီၤစိၤလီၤထီန့ၣ်လီၤ (း၆) ႉ
မ်ပကစံးဆၢက့ၤ ပှၤကွၢ်သိအံၤ အတၢ်ကိးဒီး လဲၤခီဖျိသကိး တၢ်လၢတၢ်ပှဲၤ‚ တၢ်မူအါအါကလဲာ်လၢ အ၀ဲဟဲဒီးဟ့ၣ်ပှၤန့ၣ်တက့ၢ်ႉ