တၢ်အံၤ‚ ဘၣ်တၢ်စူးကါ မဲာ်ချံဒီး စုလၢအဂၢၢ်လၢ ပှၤထူစံၣ်ဖိတဂၤ ကနီၤဟ့ၣ်လၢ တၢ်သူၣ်တၢ်ဖျးတၢ် တကျိၤဘၣ်တကျိၤ ဘျၢဘျၢန့ၣ်လီၤႉ ဘၣ်ဆၣ်‚ ဖဲလၢမဲာ်ချံ မ့ၢ်ဘၣ်တၢ်စူးကါအီၤ အဂ့ၤကတၢၢ်မ့ၢ်ဂ့ၤ‚ စုလၢအဆူၣ်မ့ၢ်ဂ့ၤ‚ မ့ၢ်တုၤလၢဟါကတီၢ်န့ၣ် မဲာ်ချံဒီးစုတဖၣ် လီၤဘှံးလီၤဘှါကွံာ်လီၤႉ မ့မ့ၢ်ခဲအံၤန့ၣ် တၢ်စူးကါ ွာ်ှ လၢ အအိၣ်တၢ်‚ တၢ်လီၤတံၢ်လီၤဆဲးဖးဒိၣ်လၢ တၢ်သူၣ်လီၤဖျးလီၤတၢ်ဒီး တၢ်ဖှံကသံၣ်ထံလၢ အကမူၤ ကမၣ်တအိၣ်၀ဲဘၣ်န့ၣ်လီၤႉ တၢ်အံၤကဲထီၣ်လိၣ်ထီၣ် တၢ်ဖးဒိၣ်ဒီး ဒုးသဘ@ကွံာ် တၢ်ဘၣ်စူးကါ စုအတၢ်ဂံၢ်ဆူၣ်ဘါဆူၣ်ဖးဒိၣ်လီၤႉ ဆိကမိၣ်ထီၣ်လၢ‚ ထဲနဆ့ၣ်နီၤခိး တၢ်ဧိၤ‚ နကဒိးန့ၢ်ကိၣ်စဲဒွံးလၢ အဘၣ်တၢ်မၤအီၤလၢ ကျီၢ်ညၣ်န့ၣ်လီၤႉ တၢ်လီၤကမၢကမၣ်လၢ တၢ်ပိးတၢ်လီပၢၤဃာ်နၤ ဒ်သိးနကလဲၤတၢ်ဆူညါ လိၤလိၤဘျၢဘျၢန့ၣ်လီၤႉ
ဆိကမိၣ်က့ၤ စီၤပၤ စီၤယိၤ့ှှံယၤအဂ့ၢ်န့ၣ်တက့ၢ်ႉ အ၀ဲမ့ၢ်စီၤပၤတဂၤ ဖဲအသးအိၣ်ထဲဒၣ် ‘ဃိးနံၣ်’ ဧိၤ (၂ စီၤပၤ ၂၂း၁) န့ၣ်လီၤႉ လၢခံ‚ ဖဲအသးအိၣ် ခံဆံဃၣ်ဃၣ်န့ၣ် ပှၤလုၢ်တၢ်အဒိၣ် စီၤဃံးလကံယၤထံၣ်န့ၢ် ‘လံာ်တၢ်သိၣ်တၢ်သီ’ လၢတၢ်လုၢ်ဟံၣ်အပူၤ (း၈) န့ၣ်လီၤႉ ၀ံၤ‚ ဘၣ်တၢ်ဖးန့ၢ်တၢ်အံၤ ဆူ စီၤပၤသးစၢ်ဖိအံၤ‚ ဒီးဖဲအနၢ်ဟူ ယွၤကလုၢ်ကထါန့ၣ် အ၀ဲဖှီကွံာ်အဆ့လၢတၢ်သးအုး မ့ၢ်လၢ ပှၤလၢ အ၀ဲဟဲလီၤစၢၤလီၤသွဲၣ်၀ဲတဖၣ် တဒိကနၣ် ကစၢ်ယွၤအကလုၢ်အဃိန့ၣ်လီၤႉ စီၤပၤ ယိၤ့ှှံယၤ ပာ်လီၤတၢ်ဂ့ၢ်တဖၣ်လၢ က ‘မၤတၢ်အလိၤလၢ ယွၤအမဲာ်’ (း၂) လီၤႉ လံာ် တၢ်သိၣ်တၢ်သီအံၤ ကဲထီၣ်တၢ်ပိးတၢ်လီတခါလၢ ကဒုးဆူၣ်ထီၣ် ပှၤဂီၢ်မုၢ်အသးလၢ အသုတဃၣ်ကွံာ်အသးဆူ စုထွဲဂ့ၤ‚ စုစ့ၣ်ဂ့ၤ မ့မ့ၢ်ကလဲၤတၢ်လိၤလိၤဘျၢဘျၢ ဆူ ကစၢ်ယွၤအအိၣ် မ့ၢ်လၢကစၢ်ယွၤ အတၢ်မၤလိာ်တဖၣ် မ့ၢ်တၢ်လၢကမၤလိၤမၤဘျၢ ပကျဲအဃိန့ၣ်လီၤႉ
ပျဲကစၢ်ယွၤအကလုၢ်ကထါလၢ ကနဲၣ်ပှၤလၢ တနံၤဘၣ်တနံၤလၢ ပတၢ်အိၣ်မူ အပူၤ‚ ဃုာ်ဒီးတၢ်သ့ၣ်ညါယွၤဒီး အ၀ဲအတၢ်ဘၣ်သးတဖၣ်န့ၣ်တက့ၢ်ႉ လံာ်စီဆှံ မ့ၢ်တၢ်ပိးတၢ်လီတမံၤလၢ အလီၤကမၢကမၣ် ဖဲပပိာ်ထွဲအခါ ကပၢၤဃာ် ပှၤ ဒ်သိးပကလဲၤဆူညါလိၤလိၤဘျၢဘျၢအဂီၢ်န့ၣ်လီၤႉ