ဖဲပှၤလဲၤထီၣ်ဆူ မူဒီတဖၣ် စံၣ်လီၤလၢလါအလိၤအခါ‚ န့လ်အါစBတီ လၢ အမ့ၢ်ပှၤလၢ အစံၣ်လီၤအဆိကတၢၢ်လၢလါပူၤ စံးတၢ်လၢ‚ ‘‘တၢ်မၤအ၀ဲအံၤန့ၣ် မ့ၢ်ခီၣ်ကါဆံးဆံးဖိ တခါလၢ ပှၤကူပှၤကညီအဂီၢ်ဒီး တၢ်ဂုၤထီၣ်ပသီထီၣ်လၢအကါဒိၣ်နီၢ်မးတမံၤလၢ ပှၤကူ ပှၤကညီအဂီၢ်န့ၣ်လီၤ’’ႉ ကၠ့စၢၢ်မဲ လၢအမ့ၢ် ပှၤလၢအလဲၤဆူမူဒီအဂၤတဂၤ စံးစ့ၢ်ကီး လၢ‚ ‘‘ယဟဲတုၤဖဲလါအလိၤဒီး နဲနအိၣ်လၢဟီၣ်ခိၣ်လီၤႉ တၢ်အသဟီၣ် လဲလိာ်သး‚ လုၣ်ဘၢတၢ်ဒီး ယကလၢၢ်ဘၣ်လၢ တၢ်အံၤမ့ၢ်တၢ်လၢ အဃံလၤဒိၣ်မးလၢ တၢ်လၢအဟဲအိၣ်ထီၣ်လၢတၢ်ဘၣ်ဆၢၣ်ဘၣ်တီၤန့ၣ်လီၤႉ ပှၤအိၣ်၀ဲတဂၤလၢ အဒိၣ်န့ၢ်ဒံး နၤ ဒီး ဒိၣ်န့ၢ်စ့ၢ်ကီးယၤလီၤ’’ႉ ဖဲလၢအ၀ဲသ့ၣ်အတၢ်ထံၣ်မ့ၢ်လီၤဆီလၢ မူဒီအံၤ အပူၤဒၣ်ကယၢာ်‚ ပှၤတဖၣ်အံၤ ထံၣ်သ့ၣ်ညါလီၤအသးလၢ အမ့ၢ် ပှၤလၢအဆံး ဖဲအထိၣ် သBတီၤသးဆူ စးက၀ၣ်လၢအဒိၣ်၀ဲမုၢ်၀ဲန့ၣ်လီၤႉ
၀ံယံးရၠာစးမံယၤစ့ၢ်ကီး‚ ဆိကမိၣ်ထီၣ် ကစၢ်ယွၤလၢအဒိၣ်၀ဲမုၢ်၀ဲအံၤ ဒ်တၢ်ဘၣ်တ့ကစၢ်ဒီး ပှၤလၢအဆီၣ်ထွဲ မၤစၢၤဟီၣ်ခိၣ် ဒီးတၢ်လၢအလဲၤကလၢကွံာ် တၢ်အံၤန့ၣ်လီၤႉ ပှၤလၢအတ့လီၤတၢ်ကိးမံၤ‚ အၢၣ်လီၤ၀ဲလၢ ကလီၣ်ဖျါထီၣ်အသး ဘူးဘူးတံၢ်တံၢ် ဒ်အ၀ဲဟ့ၣ်ထီၣ်တၢ်ဆူ အပှၤဂီၢ်မုၢ်လၢ အမ့ၢ်တၢ်အဲၣ်တၢ်ကွံ‚ တၢ်ပျၢ် တၢ်ကမၣ်ဒီး တၢ်မုၢ်လၢ် (ယံး ၃၁း၃၃-၃၄) န့ၣ်လီၤႉ ၀ံယံးရၠာစးမံယၤ မၤဂၢၢ်မၤကျၢၤ ကစၢ်ယွၤအတၢ်ဒိၣ်တၢ်မုၢ် ဒ် ‘ပှၤလၢအပာ် မုၢ်လၢတၢ်ကပီၤလၢမုၢ်ဆါအဂီၢ်‚ ဒီးမၤလိာ် လါဒီးဆၣ်ဧိၤဖီဧိၤလၢ တၢ်ကပီၤလၢမုၢ်နၤအဂီၢ် (း၃၅) န့ၣ်လီၤႉ တၢ်ဘၣ်တ့ကစၢ်‚ သ့တၢ်လၢာ်ကစၢ် ကပၢဘၣ်တၢ်ကိးမံၤ‚ ပရၤက့ၤ အပှၤဂီၢ်မုၢ်ခဲလၢာ်အသိး (၃၆-၃၇) န့ၣ်လီၤႉ
ပမၤကတၢၢ်ကွံာ် တၢ်ထိၣ်ကွၢ်တဲာ်ကွၢ် တၢ်ဒိၣ်တၢ်မုၢ်လၢမူခိၣ် ဒီးခီၣ်တဃၣ် အယိာ်လၢဟီၣ်ခိၣ်လၢ အဘၣ်တၢ်တ့လီၤအီၤလၢကစၢ်ယွၤန့ၣ် တသ့နီတစုဘၣ်ႉ မ့မ့ၢ်‚ ပဆၢထၢၣ်ဒီး ကွၢ်တၢ်အံၤလၢ တၢ်ကမၢကမၣ် ဖးဒိၣ်လၢ စးက၀ၣ်လၢအလီၤဘီလီၤမုၢ် ဒီးစူၢ်နာ်ကစၢ်ယွၤလၢအတ့လီၤလါ ဒီးတၢ်ကိးမံၤသ့၀ဲန့ၣ်လီၤႉ