ဘၣ်တနံၤ‚ တၢ်ဒၢနုာ်သိလၢသိလ့ၣ်သန့န့ၣ် စတဲးစံၣ် ထံၣ်လိာ်သးလၢ ပိာ်မုၣ်တဂၤလၢ အဟးထီၣ်လၢဟံၣ်လၢ စ့အလံာ်ပျဲတပၣ်လၢအစုပူၤဘၣ်န့ၣ်လီၤႉ အ၀ဲဆၢထၢၣ်ဒီး စိာ်ဃးအဖိဆံးဒီး ဃ့တၢ်မၤစၢၤဆူ ပှၤလၢအဟးလၢအကပၤတဖၣ်န့ၣ်လီၤႉ အ၀ဲ အတၢ်မၤတအိၣ်အကတီၢ်အခါ ဘၣ်ဆၣ်‚ စတဲးစံၣ် စူးကါ စ့ ၁၅ ဒီလၣ် လၢ ကတ့ၢ်နုၢ် သိလၢသိလ့ၣ် လၢပိာ်မုၣ်လၢအတသ့ၣ်ညါ၀ဲတဂၤအသိလ့ၣ်ပူၤန့ၣ်လီၤႉ နံၤသီတဖၣ် ပူၤကွံာ်‚ ဘၣ်တနံၤ ဖဲ စတဲးစံၣ်ဟဲက့ၤဆူဟံၣ်‚ အ၀ဲထံၣ်ဘၣ် တၢ်ဟ့ၣ်အ့တၤတဖျၢၣ် လၢအပူၤ အိၣ်ဒီးဖိသၣ်အတၢ်လိၣ်ကွဲတဖၣ်ဒီး တၢ်ဟ့ၣ်အဂုၤအဂၤလၢ အအိၣ်ခိးပာ်စၢၤ အီၤလၢ အဟံၣ်မဲာ်ညါန့ၣ်လီၤႉ တံၤသကိးမုၣ်လၢ အ၀ဲတသ့ၣ်ညါ၀ဲ‚ ဟ့ၣ်ဆၢက့ၤတၢ်လၢစတဲးစံၣ် အတၢ်အဲၣ်လၢအဟ့ၣ်အီၤစ့ ၁၅ ဒီလၣ် ဆူတၢ်သ့ၣ်နီၣ် ခရၠာစးံးစမၢးအတၢ်ဟ့ၣ် ဟံၣ်ဖိဃီဖိအဂီၢ်န့ၣ်လီၤႉ
တၢ်အဲၣ်တၢ်ကွံအပူဖိလၢ အဘၣ်တၢ်ပာ်ဖျါအံၤ‚ နဲၣ်ဖျါထီၣ်တၢ်လၢ ကစၢ် ယ့ၣ့်ှှူးအတၢ်ကတိၤလၢ ‘‘ဟ့ၣ်တၢ်တက့ၢ်ႉ ဒီးတၢ်ကဟ့ၣ်က့ၤသုလီၤႉ ပှၤကဃီၣ်ကစီဒီ‚ ကဆီၣ်လီၤဃာ်‚ ကဂံၤဂုၤ‚ ဒီးကမၤပှဲၤစိတရၠာစးိၤဒီးကဟ့ၣ်လီၤလၢ သုသးနါပှၢ်လီၤႉ အဂ့ၢ်ဒ်အံၤ‚ ဒ်သုဃီၣ်ဟ့ၣ်တၢ်အသိးန့ၣ်‚ တၢ်ကဃီၣ် ဟ့ၣ်က့ၤသုလီၤ’’ (လူၤ ၆း၃၈) ႉ
တၢ်အံၤ ကကဲထီၣ်တၢ်လၢအလ့ပစီတၢ်လၢ တၢ်နၢ်ဟူတၢ်အံၤဒီး ပညိၣ်ထဲ တၢ်ကဒိးန့ၢ်က့ၤတၢ်လၢ ပတၢ်ဟ့ၣ်အဖီခိၣ်သ့၀ဲလီၤႉ ဘၣ်ဆၣ်‚ တၢ်မ့ၢ်မၤအီၤဒ်န့ၣ် အသိးအဃိ‚ တၢ်ကလဲၤပူၤကွံာ်ဘၣ်တၢ်ဂ့ၢ်အံၤန့ၣ်လီၤႉ ကစၢ်ယ့ၣ့်ှှူး စံးစ့ၢ်ကီးလၢ‚ ‘‘ႉႉႉအဲၣ်သုဒုၣ်သုဒါတဖၣ်ဒီး မၤဂ့ၤတၢ်တက့ၢ်ႉ ဒီးသုတမုၢ်လၢ်ဘၣ်လၢ သုကဒိးန့ၢ်က့ၤ တၢ်နီတမံၤဘၣ်ဒီး ဒုးလိၢ်တၢ်တက့ၢ်ႉ ဒီးသုကန့ၢ်ဘၣ်သုဘျုးဖးဒိၣ်‚ ဒီးသုကကဲထီၣ် တၢ်ထီကတၢၢ်အဖိခွါတဖၣ်လီၤႉ အဂ့ၢ်ဒ်အံၤ‚ အ၀ဲဒၣ်န့ၣ် မၤဘျုးပှၤလၢ အတသ့ၣ်ညါ ဘၣ်တၢ်ဘျုးဘၣ်ဒီး ပှၤအအၢအသီတဖၣ်လီၤ’’ (း၃၅) ႉ
ပတဘၣ်ဟ့ၣ်တၢ်လၢ တၢ်ကဒိးန့ၢ်ကဒါက့ၤတၢ်အဂီၢ်န့ၣ်ဘၣ်ႉ ပဟ့ၣ်မၤစၢၤ တၢ်မ့ၢ် ကစၢ်ယွၤဘၣ်အသးလၢ ပကဟ့ၣ်ညီတၢ်အဃိန့ၣ်လီၤႉ ပတၢ်အဲၣ်ပှၤဂုၤပှၤဂၤ ကဆဲးကပီၤကဒါက့ၤ ကစၢ်ယွၤအတၢ်အဲၣ်ဆူ ပအိၣ်န့ၣ်လီၤႉ