အ၀ဲအတၢ်ဂ့ၢ်မိၢ်ပှၢ်န့ၣ် မ့ၢ်တၢ်ဖ့ၣ်ဆၢလၢ ကလုာ်ဒူၣ်လီၤဆီအဘၢၣ်စၢၤလီၤႉ ဘၣ်ဆၣ်‚ ပှၤကတိၤတၢ်အံၤ ကတိၤတၢ်လၢ တၢ်ထိၣ်ကဆှၣ်လီၤသး ဒီးပာ်ဖျါထီၣ်တၢ်လၢအဃု ထံၣ်န့ၢ်၀ဲတဖၣ်လီၤႉ အ၀ဲဆၢထၢၣ်လၢ ကမျၢၢ်အမဲာ်ညါလၢ ပျဲၢ်စီၢ်ခိၣ်‚ ကတိၤတၢ်လၢ တၢ်သးဒူ‚ ဘၣ်ဆၣ်လၢတၢ်သညူးသပှၢ်‚ တၢ်ဆီၣ်လီၤသး‚ တၢ်အဲၣ်တၢ်ကွံ ဒီးတုၤဒၣ် လဲာ်လၢ တၢ်လီၤနံၤလီၤအ့န့ၣ်လီၤႉ တယံာ်ဘၣ်‚ ကမျၢၢ်လၢအသးဖ့ၣ်ဆၢတဖၣ် ထိၣ် ကဆှၣ်လီၤက့ၤအသး‚ နံၤသီၣ်ထီၣ်ဖးဒိၣ်ဃုာ်ဒီး ပှၤလၢအကတိၤတၢ်‚ လၢအဘၣ်ထွဲဒီးတၢ်အိၣ်သးလၢအကီခဲလၢအ၀ဲသ့ၣ်ကွၢ်ဆၢၣ်မဲာ်ဘၣ်၀ဲ‚ ဒီးလၢတၢ်အံၤအပူၤ‚ အ၀ဲသ့ၣ် ကသ့ဆၢတဲာ်တၢ်အံၤဒ်လဲၣ်လၢ တၢ်ပာ်သးခုၣ်ခုၣ်ဒီး တၢ်ကတိၤလၢအမုာ်န့ၣ်လီၤႉ တၢ်အံၤ မ့ၢ်တၢ်တဲဖျါထီၣ်တၢ်ဂ့ၢ်မိၢ်ပှၢ်လၢ အဆံၣ်ဒီးခၣ်အံၤလၢ တၢ်ဘျုးတၢ်ဖှိၣ် လၢအဆၢ ဒ်ကနဲစီအသိးန့ၣ်လီၤႉ
စီၤပၤ့ှှလိၤမိၤ ဟ့ၣ်ကူၣ်ပ၀ဲကိးဂၤလၢ ပကမၤတၢ်ဒ်သိးအံၤ‚ ‘‘တၢ်ကတိၤမုာ် မ့ၢ်ကနဲအခိၣ်ထံလီၤႉ ဆၢ၀ဲလၢပသးအဂီၢ်‚ ဒီးမၤဘျါက့ၤတၢ်လၢပဃံပကွဲအဂီၢ်လီၤ’’ (ကတိၤ ၁၆း၂၄) ႉ လၢကျဲဒ်အံၤ‚ ‘ပှၤကူၣ်တၢ်သ့အသးန့ၣ် ကဒုးမၤသ့အထးခိၣ်‚ ဒီး ပာ်ဖှိၣ်တၢ်သိၣ်လိလၢအပျုၤလိၤလီၤ’ (း၂၃) ႉ
ဘၣ်မနုၤ စီၤပၤ့ှှလိၤမိၤ လၢအစိကမီၤဒိၣ်တဂၤ‚ လုၢ်ထီၣ်အတၢ်ဆၢကတီၢ်လၢ ကဒုးသ့ၣ်ညါပှၤလၢ ပကဘၣ်ကတိၤတၢ်ဒ်လဲၣ်န့ၣ်လဲၣ်ႉ မ့ၢ်လၢ တၢ်ကတိၤတဖၣ် မၤဟးဂီၤတၢ်သ့အဃိန့ၣ်လီၤႉ ဖဲစီၤပၤ့ှှလိၤမိၤ ပၢတၢ်အဆၢကတီၢ်‚ စီၤပၤတဖၣ် သန့ၤထီၣ်သးလၢ ကလူးတဖၣ်လၢ အဆှၢထီၣ်ဆှၢလီၤတၢ်ကစီၣ်လၢ အဘၣ်ထွဲဒီး အ၀ဲသ့ၣ်အထံကီၢ်ဒီး လၢအဆှၢတၢ်ကစီၣ်လၢ တၢ်ကတိၤလၢ အထိၣ်ကဆှၣ်ဒီး တၢ်နာ်န့ၢ်အီၤသ့ မ့ၢ်တၢ်လၢ ဘၣ်တၢ်ပာ်လုၢ်ပာ်ပရၤအီၤဒိၣ်ဒိၣ်န့ၣ်လီၤႉ အ၀ဲသ့ၣ် စူးကါ တၢ်ကတိၤလၢအဂ့ၤအ၀ါ ဒီးပ@ၤလၢအကူၣ်သ့‚ လၢအတမ့ၢ်ဘၣ် တၢ်ကမၤဆၢက့ၤတၢ် တဘျီဃီ (မ့) တၢ်ကတိၤလၢအဆူၣ်အကိၤ‚ ဖဲလၢတၢ်ဂ့ၢ်ကအိၣ်၀ဲ ဒ်လဲၣ်ဂ့ၤ ဒ်လဲၣ်ဂ့ၤ န့ၣ်လီၤႉ ပ၀ဲကိးဂၤ ပန့ၢ်ဘျုးန့ၢ်ဖှိၣ်သ့လၢ ပတၢ်ထံၣ်လၢ ကဲဘျုးကဲဖှိၣ်ဒီး တၢ်ဆိကမိၣ် လၢအဂ့ၤအ၀ါလၢ အဘၣ်တၢ်ပၢၤအီၤလၢတၢ်အဲၣ်ထူအဲၣ်ယွၤလၢ အမုာ်အဆၢန့ၣ်လီၤႉ လၢစီၤ့ှှလိၤမိၤအတၢ်ကတိၤတဖၣ်အပူၤ‚ အ၀ဲပာ်ဖျါထီၣ် လၢ‚ ‘သးအကူၣ်တၢ်န့ၣ် ဟဲလၢပှၤကညီလီၤႉ မ့မ့ၢ် ပ@ၤအတၢ်စံးဆၢဟဲလၢယွၤလီၤ’ (း၁) ႉ