စ့ဒံ ဒီး အဟံၣ်ဖိဃီဖိတဖၣ် အိၣ်ဒီးတၢ်ပာ်သးလၢအမ့ၢ် ‘‘တၢ်တူၢ်လိာ်မုာ် ဆူဟံၣ်ပူၤဃီပူၤ’’ န့ၣ်လီၤႉ ထီဘိ‚ အ၀ဲသ့ၣ်တူၢ်လိာ်မုာ် ပှၤဂုၤပှၤဂၤ ဆူအ၀ဲသ့ၣ်အဟံၣ်‚ ‘‘လီၤလီၤ ဆီဆီ ပှၤလၢအကွၢ်ဆၢၣ်မဲာ်ဘၣ် တၢ်သူၣ်ကိၢ်သးဂီၤ’’ တဖၣ်န့ၣ်လီၤႉ တၢ်အံၤမ့ၢ်ဟံၣ်ဃီဒ်န့ၣ်အသိးလၢ အ၀ဲဒိၣ်ထီၣ်ဘၣ်၀ဲ လၢကီၢ်လဲၣ်ဘံရၠာစးံယါ ဃုာ်ဒီး အဒီပုၢ်၀ဲၢ်ခွံဂၤ န့ၣ်လီၤႉ ထီဘိ‚ အ၀ဲသ့ၣ်အမိၢ်အပၢ်တူၢ်လိာ်မုာ် ပှၤဂုၤပှၤဂၤတဖၣ်ဆူအဟံၣ်န့ၣ်လီၤႉ အ၀ဲစံးလၢ‚ ‘‘ပဒိၣ်ထီၣ်ဘၣ် ဒ်က့ှူၢ်ဖိတဖုန့ၣ်လီၤႉ ပအဲၣ်လိာ်ကွံလိာ်သကိးပသး ကဒဲကဒဲလီၤႉ ပှၤကိးဂၤအိၣ်မူအိၣ်ဒါ ဘၣ်ထွဲလၢပှၤကိးဂၤအဂီၢ်လီၤႉ ယပၢ်သိၣ်လိပှၤလၢ ပကဘၣ်အဲၣ်လိာ်ကွံလိာ်ပသး‚ ကဟုကယာ်လိာ်သကိးပသးဒီး ဒီတဒၢလိာ်သကိးသး န့ၣ်လီၤ’’
ဖဲစီၤပၤဒၤ၀ံး အိၣ်လၢ တၢ်လိၣ်ဘၣ်တၢ်အကတီၢ်‚ အ၀ဲထံၣ်န့ၢ်တၢ်အဲၣ် အတၢ်ကဟုကယာ်လၢကစၢ်ယွၤ ဒ်သိးအံၤတကလုာ်န့ၣ်လီၤႉ ၂ ့ှှမူၤအ့းလး ၂၂ (ဒီး ထါစံးထီၣ်ပ့တၢၤ ၁၈) ပာ်ဖျါထီၣ် အ၀ဲအတၢ်စံးထီၣ်ပ့တၢၤဆူကစၢ်ယွၤ လၢကစၢ်ယွၤ မ့ၢ်တၢ်အိၣ်တဒၢအလီၢ်လၢအ၀ဲအဂီၢ် လၢအသးသမူဒီတစိၤန့ၣ်လီၤႉ အ၀ဲသ့ၣ်နီၣ်ထီၣ်က့ၤလၢ ‘‘တုၤယဘၣ်တၢ်ကိၢ်တၢ်ဂီၤဒီး ယကိးထီၣ်ယွၤ‚ ဒီးယဃ့ကညး တၢ်လၢ ယကစၢ်လီၤႉ ဒီးကနၣ်၀ဲယကလုၢ်လၢအနူၢ်ပူၤ‚ ဒီးယဃ့ကညး တၢ်လဲၤနုာ်လၢ အနၢ်ပူၤလီၤ’’ ( ၂့ှှမူၤ ၂၂း၇) ႉ ကစၢ်ယွၤမၤပူၤ မၤဖျဲးအီၤလၢ အဒုၣ်အဒါတဖၣ်‚ လၢအပၣ်ဃုာ်ဒီး စီၤပၤစီၤစီလူး‚ အါစုအါဘျီန့ၣ်လီၤႉ အ၀ဲစံးထီၣ်ပ့တၢၤယွၤလၢ အမ့ၢ်အ၀ဲအလ့ ဒီး အတိာ် ဒီးမ့ၢ်တၢ်အိၣ်တဒၢ အလီၢ်လၢ အမၤပူၤဖျဲးအီၤ (၂-၃) န့ၣ်လီၤႉ
ဖဲပတၢ်သူၣ်ကိၢ်သးဂီၤ မ့ၢ်ဘၣ်တၢ်ထိၣ်သBတီၤဒီး စီၤဒၤ၀ံး‚ တၢ်အံၤကမ့ၢ် သ့ၣ်သ့ၣ် တၢ်လၢအဆံးလီၤႉ ဘၣ်ဆၣ်ကစၢ်ယွၤ တူၢ်လိာ်ပှၤလၢ ပကဃ့ၢ်သဖှိဆူ အ၀ဲအအိၣ် ဒ်သိးပကထံၣ်န့ၢ်တၢ်အိၣ်ကဒုလၢ ပဆၢမုၢ်လၢ်၀ဲန့ၣ်လီၤႉ အ၀ဲသလၣ်ထီၣ် အစု ထီဘိလီၤႉ လၢတၢ်အံၤအဃိ‚ ဒ်ပှၤကွဲးထါစံးပ့တၢၤအသိး‚ ‘‘ႉႉႉ ယကသး၀ံၣ်ထီၣ် နမံၤလီၤ’’ (း၅၀) ႉ