ယကတဲာ်ကတီၤယသးလၢ တၢ်ဒီတဒၢယမဲာ်ချံအဂီၢ်‚ တၢ်လီၢ်တၢ်ကျဲလၢ ယကကွၢ် တၢ်ယူၢ်မုၢ်‚ ဒီး ကိၣ်လၢအဘၣ်တၢ်ဘှီအီၤလၢဟံၣ်တဖၣ်န့ၣ်လီၤႉ ဒ်ပှၤအမဲရၠာစးကၤဖိ အကကွဲၢ်အသိး‚ ပဟံၣ်ဖိဃီဖိတဖၣ်‚ ဆ့ၣ်နီၤကွၢ်သကိးတၢ်လၢ အတညီနုၢ်မၤအသး လၢ မုၢ်အံၤ ဘၣ်တၢ်ကျၢၢ်ဘၢအီၤလၢလါ‚ တၢ်ယူၢ်မုၢ်အလၢအပှဲၤန့ၣ်လီၤႉ
တၢ်ယူၢ်မုၢ် ဒုးအိၣ်ထီၣ်တၢ်ခံးသူလၢ အတမၤညီနုၢ်သးလၢတၢ်ကိၢ်ခါ ကတီၢ် ဖဲမုၢ်ဃ့ၢ်လီၤတၢ်ကပီၤ့တုၢ်ကလာ်န့ၣ်လီၤႉ ဖဲလၢပ၀ဲကိးဂၤအဂီၢ်‚ တၢ်အံၤမ့ၢ် အမၤ သးဖှံပသး‚ ဘၣ်ဆၣ် တၢ်အံၤမ့ၢ်တၢ်ဒုးသ့ၣ်နီၣ်ပှၤလၢ ယွၤအစိကမီၤလၢအဒိၣ်၀ဲမုၢ်၀ဲလၢ တၢ်ဘၣ်တ့အဖီခိၣ်လီၤ (စံး ၁၃၅း၆-၇) ႉ လၢတၢ်စံၣ်စိၤတဲစိၤဒီတခါ တၢ်ခံးလီၤလၢ မုၢ်ဆါအကတီၢ်န့ၣ် ဘၣ်တၢ်ထံၣ်အီၤ ဒ်တမ့ၢ်တၢ်လၢအညီနုၢ်ဒီး တၢ်လီၤဘၣ်ယိၣ်လၢ တၢ်ကမၤသးတမံၤမံၤ (၂ မိၤ ၁၀း၂၁‚ မးသဲ ၂၇း၄၅) ‚ တၢ်ပနီၣ်တမံၤလၢတၢ်ကိးမံၤတမ့ၢ် ဒ်တၢ်ကဘၣ်မၤအသးအသိးန့ၣ်ဘၣ်လီၤႉ
တၢ်အံၤမ့ၢ်တၢ်ခံးသူလၢအမ့ၢ်တၢ်ပနီၣ်တမံၤလၢ ၀ံဧၤမိၣ်အဂီၢ်‚ မ့ၢ်၀ံတဂၤ ဖဲတၢ်အကတီၢ်လၢတၢ်နီၤဖး တၢ်ပၢတၢ်ြပးတၢ်လၢအံၣ်စရၠာစး့လးလၢပျၢၤန့ၣ်လီၤႉ ၀ံဧၤမိၣ် ဒုးပလီၢ် ဘီမုၢ်လၢကလံၤစိးလၢတၢ်ဟးဂူာ်ဟးဂီၤ ကဟဲ၀ဲဖဲလၢ အ၀ဲသ့ၣ် မ့ၢ်လဲၤကဒီး တၢ်လၢတၢ်ဃၣ်ကွံာ်သးလၢယွၤအိၣ်န့ၣ်လီၤႉ ဒ်အမ့ၢ်တၢ်ပနီၣ်တမံၤအသိး‚ ယွၤ ‘‘ကမၢ မုၢ်လီၤနုာ်လၢမုၢ်ထူၣ်‚ ဒီးကဒုးခံးသူ လီၤန့ၢ်ထံဧိၤကီၢ်ဧိၤလၢမုၢ်ဆါခီလီၤ’’ (ဧၤမိၣ်၈း၉) ႉ
ဘၣ်ဆၣ်‚ ယွၤအတၢ်ဆၢမိၣ်န့ၢ်ဒီးတၢ်တိာ်အခီၣ်ထံးခီၣ်ဘိတခီ မ့ၢ်တၢ်ကမၤ ဘၣ်လိာ်ဘၣ်စးက့ၤတၢ်ကိးမံၤန့ၣ်လီၤႉ အပှၤဂီၢ်မုၢ်တဖၣ် ဘၣ်တၢ်စိာ်မၢကဲကုၢ် ဘၣ်ဆၣ် ယွၤအၢၣ်လီၤလၢ မုၢ်တနံၤ ကထၢဖှိၣ်ကဒါက့ၤ ပှၤလၢအအိၣ်တ့ၢ်ဒံးတဖၣ် ဆူ ယ့ှူၤ့ှှလ့ၣ်ဒီး ‘‘မၤထီၣ်က့ၤတၢ်လီၤပှီၢ်ဒီးတ့ထီၣ်က့ၤ’’ (၉း၁၁) ၀့ၢ်အံၤန့ၣ်လီၤႉ
ဖဲလၢသးသမူမ့ၢ်တုၤဘၣ်ဆူ တၢ်အခံးအနၤကတၢၢ်ဒၣ်လဲာ်‚ ဒ်အံၣ်စရၠာစး့လးအသိး‚ ပကထံၣ်န့ၢ်တၢ်မၤမုာ်ထီၣ်ပသးလၢ တၢ်သ့ၣ်ညါလၢ ယွၤအံၤမ့ၢ်ကစၢ်လၢအကဟဲစိာ် တၢ်ကပီၤဒီး တၢ်မုၢ်လၢ်ဆူပ၀ဲကိးဂၤအအိၣ် (မၤတၢ် ၁၅း၁၄-၁၈) န့ၣ်လီၤႉ