ယအိၣ်ဒီးတၢ်ကီတၢ်ခဲ ဒီးဆၢထၢၣ်လၢလီၢ်မံလၢမုၢ်နၤကတီၢ်ဆူ တၢ်ကချံးလီၤခီၣ် ဒီးဃ့ ထုကဖၣ်လီၤႉ မ့ၢ်ဘၣ်တဲတီတီ‚ ယတၢ်ပာ်သူၣ်ပာ်သးတမ့ၢ်လၢ ယကအးလီၤသး လၢာ်လၢာ်ဆ့ဆ့လၢယွၤအအိၣ်လၢ တၢ်ထုကဖၣ်‚ မ့မ့ၢ် ယသံကွၢ်တၢ်လၢ သူၣ်ဆူၣ် သးဆူၣ်ဒီး သူၣ်ဒိၣ်သးဖျိးညီန့ၣ်လီၤႉ ယတထံၣ်န့ၢ် တၢ်ထူၣ်ဖျဲးနီတမံၤ‚ ဒီးယဆ့ၣ်နီၤဒီး ကွၢ်စူၣ်တၢ်လၢ ပဲBတီဖးဒိၣ်လၢ တၢ်ဒူၣ်လိၤတဘ့ၣ်ဒီး ကွၢ်မုၢ်နၤအမူကပိာ်လိၤလီၤႉ လၢတၢ်တဆိကမိၣ်မုၢ်လၢ်တၢ်အပူၤ‚ ယကွၢ်ထံယဲဆၣ်ယိးမါ – လၢအမ့ၢ် ဆၣ်သၢဖျၢၣ် လၢအဟဲဖျါထီၣ်ဆှံဆှံ လၢမုၢ်နၤလၢ တၢ်အၢၣ်တအိၣ်တဖၣ်န့ၣ်လီၤႉ ယသ့ၣ်ညါလၢလၢပှဲၤပှဲၤလၢ တၢ်လၢအဘၣ်ထွဲဒီးဆၣ်ဧိၤဖီဧိၤဆူ တၢ်သ့ၣ်ညါလၢဆၣ်သၢဖျၢၣ်အံၤ မ့ၢ် တၢ်လၢအစီၤစုၤတၢ်ကပီၤအနံၣ်လၢ အကယၤတဖၣ် အကယၤန့ၣ်လီၤႉ
ယသ့ၣ်ညါလၢ ဒ်ယမ့ၢ်ဘူးထီၣ်ဒီး ဆၣ်တဖၣ်အံၤ‚ ဒ်ယကထံၣ်ဘၣ်အါထီၣ် လၢ အ၀ဲသ့ၣ် အတၢ်ထိၣ်လီၤသးကဆံးစှၤန့ၣ်လီၤႉ ဘၣ်ဆၣ်‚ ခီဖျိ ယကွၢ်ယဲလၢ တၢ်လီၤ လၢအစီၤစုၤဒိၣ်မး အတၢ်ထံၣ်အဃိ‚ အ၀ဲသ့ၣ်ဖျါထီၣ် ဒ်ထိၣ်လီၤကျဲၤဘၣ်အသးလၢ မူကပိာ်လီၤန့ၣ်လီၤႉ ဖဲတၢ်အကတီၢ်အ၀ဲန့ၣ်‚ ယသ့ၣ်ညါလၢ ယဘူးယဲဒီး တၢ်ကသ့ထံၣ် ယတၢ်အိၣ်မူဘူးဘူးတံၢ်တံၢ် ဒ်ယွၤထံၣ်၀ဲအသိးန့ၣ်လီၤႉ လၢအ၀ဲအတၢ်ဘၣ်တ့ ဒိၣ်ဒိၣ်မုာ်မုာ်အပူၤ‚ တၢ်ကိးမံၤ ဘၣ်လိာ်ဃုာ်လိာ်သး လၢလၢပှဲၤပှဲၤန့ၣ်လီၤႉ
ပှၤတၢ်မၢဖိစီၤပီလူး‚ ဖဲအမၤပှဲၤတၢ်ဂ့ၢ်လၢ အဘၣ်ထွဲဒီးယွၤအတၢ်တိာ်‚ အ၀ဲမၤကတၢၢ်၀ဲလၢ စံးထီၣ်ပ့တၢၤယွၤ (ရၠာစးိမ့ၤ ၁၁း၃၃-၃၆) န့ၣ်လီၤႉ အ၀ဲ အတၢ်ကတိၤ အဖျၢၣ်တဖၣ် စိာ်ထီၣ်ပသးလၢ ပကကွၢ်သကွ့ၤတၢ်ဆူ ယွၤလၢအသ့တၢ်လၢာ်လၢ အအိၣ်ဒီးအကျဲတဖၣ်လၢ အလဲၤတလၢကွံာ်တၢ်လၢ ပနၢ်ပၢၢ်အီၤသ့ မ့တမ့ၢ် ဆိကမိၣ် တဆီဘၣ်တဆီသ့ (း၃၃) န့ၣ်လီၤႉ ဖဲလၢကစၢ်ယွၤ မ့ၢ်ဟံးဃာ်တၢ်ကိးမံၤ တပူၤဃီလၢ မူကပိာ်လိၤဒီး ဟီၣ်ခိၣ်ဒၣ်ကယၢာ်‚ အ၀ဲအတၢ်အိၣ်ဘူးဒီး အတၢ်အဲၣ်‚ ဘၣ်ထွဲလီၤတံၢ် ဒီးပှၤလၢ ပတၢ်အိၣ်မူကိးနံၤ (မး ၆း၂၅-၃၄‚ ကလီး ၁း၁၆) န့ၣ်လီၤႉ
တုၤဒၣ်လဲာ်လၢ တၢ်အိၣ်သးတဖၣ် မ့ၢ်ဖျါသဘံၣ်ဘုၣ်‚ ကစၢ်ယွၤအကျဲကပူၤ တဖၣ်န့ၣ် မ့ၢ်တၢ်ဂ့ၤလၢပဂီၢ် ဒီးလၢတၢ်မၤလၤကပီၤက့ၤအီၤ ဒီးလၢအလၤကပီၤအဂီၢ် န့ၣ်လီၤႉ