ဒ်အမ့ၢ်သးစၢ်တဂၤအသိး‚ ဒိၣ်ကၣ် ဘၣ်ယိၣ်ဘၣ်ဘီတၢ်လၢတၢ်တအိၣ်ဘၣ်ဖုးဒီး ကျိၣ်စ့ လၢလၢပှဲၤပှဲၤအဃိ‚ ဖဲအသးအိၣ်အနံၣ်ခံဆံဘျဲၣ်‚ အ၀ဲစးထီၣ်တိာ်လီၤတၢ်လၢ ခါဆူညါသးသမူအတၢ်တိာ်လီၤႉ အ၀ဲစးထီၣ် ထီၣ်ဃီသွါလၢ ‘စံၣ်လံၣ်ကိၣ် ဘဲလ့ၣ် ခီပနံၣ်’ လၢအမံၤဟူသၣ်ဖျါတဖျၢၣ်‚ ဒိၣ်ကၣ် မၤန့ၢ်တၢ်စုလီၢ်ခီၣ်ခိၣ်အါမးလီၤႉ အ၀ဲ အိၣ်ဒီး စ့လၢစ့တၢး‚ သိလ့ၣ်လၢအပရၤဒိၣ်တဆိ‚ ဒီးဟံၣ်တဖျၢၣ်လၢ အကၢပရၤကၢကလံၤ
လၢဒီလၣ်တကကွဲၢ်‚ လၢခဲလဖိနံယါလီၤႉ ဖဲအမိၣ်န့ၢ်သးလီတၢ်‚ အ၀ဲဒိးန့ၢ်၀ဲ ဘၣ်ဆၣ်‚ အ၀ဲတအိၣ်ဒီး တၢ်သးခုဘၣ်ႉ အ၀ဲစံးလၢ ‘‘ယကလၢၢ်ဘၣ် တၢ်သူၣ်ကိၢ်သးဂီၤ ဒီးတၢ်တမံသူၣ်မုာ်သး‚ လၢတၢ်အံၤအဃိ‚ တၢ်ထူးတၢ်တီၤ မ့ၢ်တၢ်လၢ အမၤနးထီၣ် တၢ်အိၣ်မူသ့၀ဲန့ၣ်လီၤ’’ႉ စ့အပူၣ်ဖးဒိၣ်တမၤလၢပှဲၤန့ၣ် တံၤသကိး‚ ပှၤတ၀ၢ မ့တမ့ၢ် တၢ်သးခုဒီးတလီၢ်လီၢ်‚ တၢ်အံၤ ဟဲစိာ်န့ၢ်အီၤ လၢတၢ်ခိၣ်နူၢ်ဆါအါထီၣ် တခီန့ၣ်လီၤႉ
ပှၤအိၣ်၀ဲတနီၤ ကမၤလဲၢ်ထီၣ်ဒိၣ်ထီၣ် တၢ်ဂုၢ်ကျဲးစၢးဃုတၢ်ထူးတၢ်တီ ဆူ တၢ်ကအိၣ်ဒီးသးသမူ အတၢ်ဘံၣ်တၢ်ဘၢအဂီၢ်န့ၣ်လီၤႉ တၢ်အံၤမ့ၢ်တၢ်ပျုၢ် အတၢ်လိၣ်ကွဲတမံၤန့ၣ်လီၤႉ ‘‘ပှၤလၢအအဲၣ်စ့န့ၣ် အသးတမံၤဘၣ်လၢစ့အဃိဘၣ်’’ (စံၣ် ၅း၁၀) ႉ ပှၤတနီၤ ကမၤသံမၤမူလီၤအသး လၢတၢ်ဖံးတၢ်မၤန့ၣ်လီၤႉ အ၀ဲသ့ၣ် ကထိၣ်သBတီၤတၢ်လၢအအိၣ်ဒီးအီၤဃုာ်ဒီး ပှၤဂုၤပှၤဂၤတဖၣ်ဒီးကဂုာ်ကျဲးစၢး လၢတၢ်ကမၤနၢၤတၢ်လၢတၢ်ဖံးတၢ်မၤတၢ်အပူၤန့ၣ်လီၤႉ ဘၣ်ဆၣ်ဖဲလၢ မ့ၢ်အဒိးန့ၢ် တၢ်သဘ@တၢ်ထူၣ်ဖျဲးလၢကျိၣ်စ့ တၢ်ဂ့ၢ်ကီ‚ အ၀ဲသ့ၣ် ကအိၣ်ဒံးဒၣ်လၢ တၢ်သးတမံၤအပူၤန့ၣ်လီၤႉ တၢ်အံၤတမ့ၢ်တၢ်လၢအလၢပှဲၤဒံးဘၣ်ႉ ဒ်ပှၤကွဲးလံာ်စံၣ်တဲၤတဲလီၤတၢ် ပာ်ဖျါ၀ဲအသိး‚ ‘‘အ၀ဲန့ၣ် မ့ၢ်စ့ၢ်ကီးတၢ်ကလီကလီလီၤ’’ (း၁၀) ႉ
တၢ်မ့ၢ်တၢ်တီတခီမ့ၢ်‚ တၢ်ဂုာ်ကျဲးစၢးသပှၢ်ပှၢ် လၢအတပၣ်ဃုာ်ဒီးယွၤ‚ ကမ့ၢ်
တၢ်လၢအမၤလီၤသဘှံးသူၣ်သးန့ၣ်လီၤႉ ဖဲယွၤအကလုၢ်ကထါ ကိးပှၤဆူ တၢ်ကမၤတၢ် ဆူၣ်ဆူၣ်‚ ဒီးစူးကါတၢ်ဟ့ၣ်တဖၣ် လၢဟီၣ်ခိၣ်အံၤ ကဂ့ၤထီၣ်ကတီၢ်‚ ပ၀ဲတခီ ပတလၢပှဲၤလၢတၢ်လၢပမိၣ်န့ၢ်သးလီဘၣ်အီၤ’’ နီတစုန့ၣ်လီၤႉ ထဲဒၣ် ယ့ၣ့်ှှူးတဂၤဧိၤ‚ ဟ့ၣ်တၢ်သးမံနီၢ်နီၢ် လၢပသးသမူအံၤ အပူၤသ့ (ယိၤ ၁၀း၁၀) ‚ လၢအမ့ၢ်တၢ်လၢအသူၣ်
လီၤသး လၢတၢ်အဲၣ်တၢ်ကွံ အတၢ်ဘၣ်ထွဲလၢ အဒုးမံသူၣ်မုာ်သး ပှၤအလၢအပှဲၤ န့ၣ်လီၤႉ