ဖဲယအိၣ်ယဲၢ်ဆံသၢနံၣ်‚ တၢ်လၢခံကတၢၢ်တမံၤလၢ ဆိၣ်နံၣ်ယၣ် မုၢ်လၢ်လၢ ကမၤဘၣ်၀ဲ မ့ၢ်တၢ်ကညိကွံာ်အတၢ်မၤဒီး အထံကီၢ်ဒၣ်၀ဲ လၢကပာ်ဖှိၣ်လိာ်သးဒီး ပှၤဃုထံၣ်န့ၢ်ထံ့ှူၢ်ကီၢ်သဲးတၢ်အိၣ်ကဒုဖိတဖၣ် ဒီးလဲၤတၢ်ဆူကီၢ်ဂၤတဖၣ်န့ၣ်လီၤႉ ဖဲပှၤအၢဖိတဖၣ်မၤသံ အ၀ဲအဖိဒိၣ်ခွါ၀ံၤ ဒီးဂုာ်ကျဲးစၢးမၤဆူၣ်အ၀ဲအဖိခွါလၢအသးအိၣ် (၁၇) နံၣ် ဆူအ၀ဲသ့ၣ် အကရၠာစးၢပူၤ‚ တၢ်မၤန့ၣ်လၢဆိၣ်နံၣ်ယၣ်အဂီၢ်‚ မ့ၢ်တၢ်ကလၢၢ်ဘၣ် တၢ်ထူၣ်ဖျဲးအကျဲတဘိလၢ အ၀ဲအဂီၢ်န့ၣ်လီၤႉ အ၀ဲစံး၀ဲလၢ ‘‘ယဃ့ထုကဖၣ်တၢ် ဆူယွၤ‚ လၢယကမၤတၢ်တမံၤဂ့ၤတမံၤဂ့ၤ‚ ဖဲတၢ်လိၣ်မ့ၢ်အိၣ်၀ဲလီၤႉ ယကမၤတၢ်လၢ ယဖိခွါဒီးယၤ သုတသံလၢ တၢ်သၣ်၀ံၤလီၤဒိအဂီၢ်လီၤႉ ယဘၣ်သူၣ်ဘၣ်သးလၢ ယကထံၣ်န့ၢ် တၢ်တူၢ်ဘၣ်တၢ်ဖဲအံၤ‚ အါန့ၢ်ဒံး ပသးသမူကတၢၢ်ကွံာ်လၢ ထၢၣ်တဖျၢၣ်အပူၤ မ့တမ့ၢ်ထံကျိၤအပူၤ န့ၣ်လီၤ’’ႉ
မ့ၢ်လံာ်စီဆှံအိၣ်ဒီးတၢ်ဂ့ၢ်တမံၤမံၤလၢ ကတဲဖျါထီၣ်တၢ်လၢ ဆိၣ်နံၣ်ယၣ်ဒီး အဖိခွါ‚ မ့တမ့ၢ် ဆူပှၤအါဂၤလၢ အဘၣ်တူၢ်တၢ်တတီတ့တၢ် ဒီးတၢ်ဟးဂီၤန့ၣ်ဧါႉ ဖဲဘျၢတၢ်စီၤယိၤဟၣ် ကိးသBတီထီၣ် ကစၢ်ယ့ၣ့်ှှူးအတၢ်ဟဲတုၤန့ၣ် ဘိးဘၣ်သ့ၣ်ညါ တၢ်သးခုကစီၣ်ဆူ ဆိၣ်နံၣ်ယၣ်‚ ဆူပ၀ဲ‚ ဆူဟီၣ်ခိၣ်ဒီဘ့ၣ်လီၤႉ စီၤယိၤဟၣ် စံၣ်တဲၤ တဲလီၤတၢ်လၢ ကတဲာ်ကတီၤက့ၤ ယွၤအကျဲန့ၣ်တက့ၢ် (လူၤ ၃း၄) ႉ စံးစ့ၢ်ကီးလၢ‚ ဖဲကစၢ်ယ့ၣ့်ှှူး ဟဲတုၤ‚ ယွၤကမၤတၢ်လၢအစိကမီၤ‚ လၢအမ့ၢ်တၢ်ပူၤဖျဲးန့ၣ်လီၤႉ လံာ်စီဆှံ အတၢ်ကတိၤအဖျၢၣ်လၢ တၢ်ပူၤဖျဲးအံၤ မ့ၢ်တၢ်အုၣ်က့ၤခီၣ်က့ၤန့ၣ်လီၤႉ
တၢ်အုၣ်က့ၤခီၣ်က့ၤတၢ်ပာ်ဃုာ်၀ဲဒီး တၢ်ယါဘျါပသးလၢအပှဲၤဒီး တၢ်ဒဲးဘး တဖၣ် ဒီးမုၢ်တနံၤတၢ်ကယါဘျါ ဟီၣ်ခိၣ်ဒီတဘ့ၣ် အတၢ်အၢတၢ်သီတဖၣ်လီၤႉ ကစၢ်ယွၤ အတၢ်မၤလၢတၢ်ကဆီတလဲကွံာ်တၢ်‚ မ့ၢ်လၢတၢ်ဂ့ၢ်ကိးမံၤလၢ ပှၤကူပှၤကညီ အသနိကိးမံၤဒီး မ့ၢ်တၢ်လၢ ပှၤကိးဂၤ မၤနၢၤအီၤသ့၀ဲအဂီၢ်လီၤႉ စီၤယိၤဟၣ် စံး၀ဲ ‘‘ဒီးကယဲၢ်တၢ်ညၣ်ခဲလၢာ်န့ၣ် ကထံၣ်ဘၣ်ယွၤအတၢ်အုၣ်က့ၤခီၣ်က့ၤ’’ (း၆) လီၤႉ
တၢ်အၢတၢ်သီလၢပကွၢ်ဆၢၣ်မဲာ်ဘၣ် ကမ့ၢ်ဒၣ်၀ဲဒ်လဲၣ်ႉ ကစၢ်ခရၠာစးံာ်အထူၣ် စုညါဒီး တၢ်ဂဲၤဆၢထၢၣ်သမူထီၣ် မၤလီၤတံၢ်ပှၤလၢ‚ ပကထံၣ်ဘၣ် ကစၢ်ယွၤ အတၢ် အုၣ်က့ၤခီၣ်က့ၤန့ၣ်လီၤႉ မုၢ်တနံၤ‚ ပကလဲၤခီဖျိဘၣ် အ၀ဲအတၢ်မၤထူၣ်ဖျဲး လၢခံကတၢၢ်န့ၣ်လီၤႉ