တၢ်ဖီၣ်န့ၢ်ကသ့ၣ်မံၤ လၢပျံၤ၀ံၤ‚ တၢ်ဒိးထီၣ်အီၤအတၢ်သBတီၤ‚ နကထံၣ်ဘၣ် – ပှၤသBတီၤ တၢ်တဖၣ် စူးကါအစုမုၢ်လွံၢ်ဘိ‚ မ့မ့ၢ်အစုမုၢ်ကျၢၢ်တဘိတခီ ကဲထီၣ် တၢ်ဂ့ၢ်ကီ န့ၣ်လီၤႉ တၢ်ဘၣ်ဒိဘၣ်ထံးလၢ တၢ်လိာ်ကွဲအပူၤအံၤ မ့ၢ်တၢ်လၢအမၤညီနုၢ်အသး‚ စုမုၢ်ကျၢၢ်တဘိ‚ ဘၣ်အိၣ်လၢပျံၤတဘိအစိးနါဒီး ပျံၤအဂၤတခီ အဘၢၣ်စၢၤဒီး ညီနုၢ် စုမုၢ်ကျၢၢ်အံၤ ကဲထီၣ်တၢ်လၢ အဘၣ်လီၤမၢ်တၢ်န့ၣ်လီၤႉ ဘၣ်ဆၣ်‚ စုမုၢ်ကျၢၢ်တဘိ မ့ၢ်တအိၣ်အဃိ‚ ကဒုးကဲထီၣ်တၢ်လၢ အဆီတလဲတၢ်အါမးန့ၣ်လီၤႉ ဖဲလၢ တၢ်လိာ်ကွဲတခါအံၤ‚ တၢ်မ့ၢ် တစူးကါဘၣ်စုမုၢ်ကျၢၢ်သနာ်က့‚ ကိးနံၤဒဲး ဖဲပထူးပမဲ‚ ထီထီၣ်ဆ့ကၤသၣ်‚ ခွံပခိၣ်‚ စၢထီၣ် ပခီၣ်ဖံးအပျံၤဒီး တုၤဒၣ်လဲာ်လၢ ပအီၣ်တၢ်အီတၢ်န့ၣ် ပလိၣ်ဘၣ်နီၢ်နီၢ်‚ စုမုၢ်ကျၢၢ်တဘိ အတၢ်မၤစၢၤ န့ၣ်လီၤႉ က့ၢ်ဂီၤဆံးဆံးဖိလၢအဖျါလၢအဘၣ်တၢ်ကွၢ်ကပာ်ကွံာ်လၢ ပနီၢ်ခိဒီတဂၤန့ၣ် မၤတၢ်လၢအကါဒိၣ်တဖၣ် ကိးနံၤ န့ၣ်လီၤႉ
ပှၤတၢ်မၢဖိစီၤပီလူး နဲၣ်ဖျါထီၣ် တၢ်လၢအလီၤပလိာ်တမံၤဃီလၢ အဘၣ်ထွဲဒီး တၢ်ဖံးတၢ်မၤလၢ တၢ်အိၣ်ဖှိၣ်အပူၤန့ၣ်လီၤႉ တလီၢ်လီၢ် က့ၢ်ဂီၤတနီၤ‚ ပှၤတထံၣ်အီၤ ကဲၣ်ဆိးဒီး အကလုၢ်တဒိၣ်တသွါ‚ တဘျီဘျီ‚ တုၤဒၣ်လဲာ်လၢတၢ်တဲဖျါထီၣ်လၢ ‘‘ယတလိၣ်ဘၣ်နၤ’’ လၢပှၤဂုၤပှၤဂၤ (၁ ကရၠာစးံၣ် ၁၂း၂၁) န့ၣ်လီၤႉ ညီနုၢ်ဖျါလၢ ပှၤတယၢၤထီၣ်ကဲၣ်ဆိး ဘၣ်ဆၣ်‚ တၢ်အကတီၢ်တဖၣ် အိၣ်၀ဲလၢအ၀ဲမၤတၢ်သ့၀ဲ ဒိၣ်ဒိၣ်မုၢ်မုၢ်န့ၣ်လီၤႉ
ကစၢ်ယွၤကိးပှၤ ဒ်သိးပကအိၣ်ဒီး တၢ်သးအိၣ်ဒီးတၢ်ပးကဲလိာ်သး ကဒဲကဒဲ (း၂၅) လီၤႉ ပ၀ဲတဂၤစုာ်စုာ် မ့ၢ်ခရၠာစးံာ်အက့ၢ်အဂီၤလီၤ (း၂၇) ႉ ဖဲလၢပဒိးန့ၢ်တၢ်ဟ့ၣ်ကမ့ၢ် ဒ်လဲၣ်ဒ်လဲၣ်‚ ပလိၣ်ဘၣ်လိာ်သး ကဒဲကဒဲလီၤႉ ပ၀ဲတနီၤ‚ ပကမ့ၢ်မဲာ်ချံ ဒီးနၢ်တဖၣ်‚ ထးခိၣ်လၢအကတိၤတၢ် ဒီးပ၀ဲတနီၤ‚ ပကမ့ၢ်စုမုၢ်ကျၢၢ်တဖၣ်လီၤႉ ဘၣ်ဆၣ်‚ ပ၀ဲတဂၤစုာ်စုာ်‚ ပအိၣ်ဒီးမူဒါလၢအကါဒိၣ် လၢခရၠာစးံာ်အက့ၢ်အဂီၤလီၤႉ တဘျီဘျီ‚ ကမ့ၢ်တၢ်လၢအအါန့ၢ်ဒံး တၢ်လၢတၢ်ဆိကမိၣ်ပာ်စၢၤအီၤန့ၣ်လီၤႉ