ယမိၢ်ယပၢ်တဖၣ်န့ၣ် ဘၣ်ဒိၣ်ထီၣ်၀ဲလၢ တၢ်သးအုးသးဟးဂီၤဖးဒိၣ် အကတီၢ် ဒီး သ့ၣ်ညါတၢ်ကီတၢ်ခဲဂ့ၤဂ့ၤလၢ အဖိသၣ်ကတီၢ်န့ၣ်လီၤႉ လၢတၢ်အံၤအဃိ‚ အ၀ဲသ့ၣ် သ့သံၣ်ခွဲၣ်ကတီၤ ကျိၣ်စ့ ဖဲ ‘‘အသးပှၢ်ကတီၢ်‚ မၤတၢ်ဆူၣ်ဆူၣ်ဒီး မ့ၢ်ပှၤပၢၤတၢ်ဖိလၢ အဂ့ၤလီၤႉ တဘျီဃီ‚ အ၀ဲသ့ၣ် တမ့ၢ်ပှၤလၢအသူၣ်လီသးကွံတၢ်နီတစုဘၣ်ႉ အ၀ဲသ့ၣ် ဟ့ၣ်လီၤအတၢ်ဆၢကတီၢ်‚ တၤလၣ်ဒီး တၢ်ထူးတၢ်တီၤလၢ အတၢ်အိၣ်ဖှိၣ်‚ လၢတၢ်မၤဂ့ၤမၤစၢၤတၢ် က့ှူၢ်ဒီး ပှၤလၢ အလိၣ်ဘၣ်တၢ်မၤစၢၤအဂီၢ် အ၀ဲသ့ၣ်ပၢၤဃာ် အစ့လၢ တၢ်ကူၣ်သ့ဒီးဟ့ၣ်တၢ်လၢ တၢ်သူၣ်ဖှံသးညီအပူၤလီၤႉ
ဒ်အမ့ၢ်ပှၤစူၢ်က့ၤနာ်က့ၤ ကစၢ်ယ့ၣ့်ှှူးအသိး‚ ယမိၢ်ပၢ်တဖၣ် ပၢၤဃာ်ပှၤတၢ်မၢဖိ စီၤပီလူး အတၢ်ဒုးပလီၢ် လၢအသးကံၢ်ပူၤလၢ‚ ‘‘မ့မ့ၢ်ပှၤလၢအသါကကဲပှၤအထူး အတီၤတဖၣ်န့ၣ်‚ လီၤဘၣ်လၢတၢ်လ့ပစီ‚ ဒီးပျံၤသကွီၤ‚ ဒီးတၢ်သးကွံတၢ်အါမံၤလၢ အတဂ့ၤဘၣ်ဒီးမၤအၢတၢ်လီၤႉ အ၀ဲန့ၣ် မၤလီၤဘျၢ ပှၤကညီလၢတၢ်ဟးဂူာ်ဟးဂီၤ‚ ဒီးတၢ်ဟါမူၤဟါမၢ်အပူၤလီၤ’’ ( ၁တံၤ ၆း၉) ႉ
စီၤပီလူးဟ့ၣ်ကူၣ်တၢ်အံၤဆူ စီၤတံၤမသ့း‚ သးစၢ်တၢ်အိၣ်ဖှိၣ်သရၠာစးၣ်တဂၤလၢ အ့းဖ့းစူးအ၀့ၢ်‚ ၀့ၢ်လၢအထူးတီၤတဖျၢၣ်‚ ဖဲတၢ်လီၢ်လၢအလ့ပစီန့ၢ် ပှၤထူးပှၤတီၤဒီး ပှၤဖှီၣ်ဖိယာ်ဖိလၢ တၢ်ထူးတၢ်တီၤန့ၣ်လီၤႉ စီၤပီလူး ဟ့ၣ်ပလီၢ် ‘‘အဂ့ၢ်ဒ်အံၤ‚ တၢ်အဲၣ်စ့ န့ၣ် မ့ၢ်တၢ်အၢတၢ်သီ ခဲလၢာ်အဂံၢ်’’ လီၤႉ ‘‘အ၀ဲန့ၣ် ပှၤတနီၤနီၤ ဆၢန့ၢ်ဘၣ်သတးဒီး‚ ဃၣ်ကွံာ်အသးလၢတၢ်န့ၢ်ဘၣ်သတးဒီး ဆဲးဖျိအသးလၢတၢ်ကိၢ်တၢ်ဂီၤအါမံၤလီၤ’’ (း၁၀) ႉ
လၢတၢ်အံၤအဃိ‚ ကသံၣ်လၢအမၤဘျါတၢ်သူၣ်လီသးကွံတခီ မ့ၢ်တၢ်မနုၤန့ၣ် လဲၣ်ႉ ကစၢ်ယ့ၣ့်ှâး စံးဆၢ၀ဲလၢ ‘ထူးတီၤလၢယွၤအပူၤ’ န့ၣ်လီၤ (လူၤ ၁၂း၁၃-၂၁) ႉ ခီဖျိတၢ်လူၤပိာ်ထွဲ‚ တၢ်ဘၣ်သူၣ်ဘၣ်သးဒီးတၢ်အဲၣ်ဘၣ် ပပၢ်လၢမူခိၣ်လၢတၢ်ခဲလၢာ်အဖီခိၣ်န့ၣ်ဒီး အ၀ဲအိၣ်ဆိး၀ဲ ဒ်ပတၢ်သူၣ်ဖှံသးညီ ခိၣ်သ့ၣ်အသိးလီၤႉ ဒ်ပှၤကွဲးထါစံးထီၣ်ပ့တၢၤ ပာ်ဖျါထီၣ်၀ဲအသိး‚ ‘‘ဒုးမံသူၣ်မံသး ပှၤလၢနဘျုးနဖှိၣ်လၢအဆိအခ@ ဒ်သိးပကသူၣ်ဖှံသးညီ‚ သူၣ်ခုသးခု တစိၤဒၣ်ပှၤအံၤတက့ၢ်’’ (စံး ၉၀း၁၄) ႉ
သးခုလၢအ၀ဲအပူၤကိးနံၤ‚ ပၢၤဃာ်ပှၤလၢတၢ်သးကွံဒီး ပာ်တ့ၢ်န့ၢ်ပှၤလၢ တၢ်သူၣ်မံသးမံန့ၣ်လီၤႉ မ်ကစၢ်ယ့ၣ့်ှှူးပရၤက့ၤ ပသးအတၢ်မိၣ်န့ၢ်သးလီတဖၣ်ဒီး ဒုးကဲထီၣ်ပှၤလၢ အထူးတီၤဆူယွၤအပူၤတက့ၢ်ႉ