ပၢ်သးစၢ်တဂၤအိၣ်ဒီးတၢ်သးတံာ်တာ်န့ၣ်လီၤႉ ဖိခွါဖိလၢအဟးတီးတဲးတီးတဲးတဂၤ ကိးသBတီထီၣ်‚ ‘အဲစခရၠာစးံ‚ အဲစခရၠာစးံ’ (–ရၠာစးခဲမုန်ှ) လီၤႉ ကမျၢၢ်တဖၣ် နီၤဖးလီၤသးဒီး စးထီၣ်ကွၢ်တၢ်လၢအခိၣ်အဃၢၤလၢ အဘၣ်တၢ်ဆါတၢ်ပရၤအီၤန့ၣ်လီၤႉ ဖဲန့ၣ်‚ ပၢ်တဂၤ စံးဆၢက့ၤ အဖိခွါ ‘‘ဂ့ၤလံ‚ ဘၣ်ဆၣ်‚ ပကဃုပရၤဆိတၢ်လၢ နမိမိၢ်အဂီၢ် လၢညါနီ’’ႉ ဖိခွါဖိစံးဆၢက့ၤ‚ ‘‘တမ့ၢ်ဘၣ်ႉ ယကအီၣ်ဆိ အဲစခရၠာစးံ’’လီၤႉ ဖဲန့ၣ်ပိာ်မုၣ်တဂၤ ဟဲသုးဘူးအသးလၢ အ၀ဲသ့ၣ်အကပၤ ဒီးပၢ်အံၤတဲဖျါထီၣ် ‘‘ဖိအံၤ အသးထီၣ်ဒိၣ်ဒိၣ်လီၤ’’ႉ ပိာ်မုၣ်အံၤ နံၤကမှံထီၣ်ဒီး တဲဆၢက့ၤတၢ်လၢ‚ ‘‘မ့ၢ်လီၤႉ နဖိခွါဖိအံၤ အသးဟးဂီၤဒိၣ်ဒိၣ်ကလဲာ်လီၤႉ တဘၣ် သးပ့ၤနီၣ်လၢ အ၀ဲမ့ၢ်ဖိသၣ်န့ၣ်တဂ့ၤႉ အ၀ဲလိၣ်ဘၣ် နတၢ်သးစူၤဒီး တၢ်ဘၣ်ထွဲဒီးအီၤ ဘူးဘူးတံၢ်တံၢ်လီၤ’’ႉ တၢ်အိၣ်သးအံၤ ပဃုထံၣ်အီၤခ@ခ@တသ့ဘၣ်ႉ ဘၣ်ဆၣ်‚ တၢ်အံၤမ့ၢ်တၢ်တမံၤ လၢပၢ်အံၤ ကဘၣ်ဆိကတီၢ်အသးတစိၢ်ဖိ ဒီးဆိကမိၣ်ဆိတၢ်လၢ ဖိခွါဖိအံၤ အတၢ်လိၣ်လၢတၢ်ဆၢကတီၢ်အ၀ဲအံၤအပူၤန့ၣ်လီၤႉ
ပကထံၣ်ဘၣ် ပိာ်မုၣ်လၢအကကူၣ်သ့ အတၢ်ကတိၤတဖၣ်လၢ ထါစံးထီၣ် ပ့တၢၤ ၁၀၃ အပူၤန့ၣ်လီၤႉ စီၤဒၤ၀ံး ကွဲးဖျါထီၣ်တၢ်ဂ့ၢ်လၢ ကစၢ်ယွၤအံၤ မ့ၢ်ပၢ်လၢ ‘‘သူၣ်အိၣ်သးအိၣ်တၢ်ဒီး သူၣ်ကညီၤသးကညီၤတၢ်လီၤ‚ သးဒိၣ်ထီၣ်ကီ ဒီးအဘျုး အဖှိၣ်အိၣ်အါမးလီၤ’’ (း၈) ႉ ဒီး အ၀ဲယၢၤထီၣ်ကဒီး၀ဲ ပၢ်လၢဟီၣ်ခိၣ်တဂၤအက့ၢ်အဂီၤ ဒ် ‘‘ပၢ်သးအိၣ်အဖိအလံၤအသိး’’ ဒီးအါန့ၢ်တၢ်အံၤ‚ ပၢ်ကစၢ်ယွၤလၢမူခိၣ်တခီ ‘‘သးအိၣ်ပှၤလၢအပျံၤအီၤ’’ (း၁၃) န့ၣ်လီၤႉ ယွၤပပၢ်ကစၢ် ‘‘သ့ၣ်ညါပနီၢ်ခိလီၤႉသ့ၣ်နီၣ်ထီၣ်က့ၤ၀ဲလၢ ပမ့ၢ်ဟီၣ်ခိၣ်အကမူၣ်လီၤ’’ (း၁၄) ႉ အ၀ဲသ့ၣ်ညါလၢ‚ ပမ့ၢ်ပှၤလၢ အသူၣ်အံၣ်သးအံၣ်ဒီး လီၤကလဲကွံာ်ညီညီလီၤႉ
တလီၢ်လီၢ်‚ ပလီၤတူာ်လီၤကာ်ဒီး ဘၣ်တၢ်ဒိၣ်ဘၢပှၤလၢဟီၣ်ခိၣ်အစုုပူၤန့ၣ်လီၤႉ ဆူတၢ်ကသ့ၣ်ညါဘၣ်လၢ ပပၢ်လၢမူခိၣ်မ့ၢ်ကစၢ်လၢအသးစူၤ‚ အိၣ်ဒီးပှၤထီဘိ ဒီးအဘျုးအဖှိၣ် အိၣ်အါမးအံၤ မ့ၢ်တၢ်အုၣ်ကီၤလၢ အလီၤကမၢကမၣ်တမံၤန့ၣ်လီၤႉ