ညီနုၢ်‚ နကတဲဖျါထီၣ် ကံၢ်သးလၢ အဘၣ်တၢ်တ့လီၤအီၤလၢ ဟီၣ်ခိၣ်ဂီၤတဘ့ၣ်အပူၤ‚ အိၣ်၀ဲဖဲလဲၣ်န့ၣ်လီၤႉ ပဂုာ်ကျဲးစၢးဆိကမိၣ်ထီၣ် ပဟံၣ်ပဃီမ့ၢ်ကံၢ်သးလၢဟီၣ်ခိၣ်ဖျၢၣ် အံၤအပူၤန့ၣ်လီၤႉ လၢတၢ်အံၤအဃိ‚ ပတ့လီၤတၢ်ပနီၣ်တခါ ဒ်အမ့ၢ်ပဟံၣ်ပဃီ အိၣ်သူၣ်လီၤသးအလီၢ်၀ံၤ‚ ပတ့လီၤတၢ်ဂုၤအဂၤတဖၣ်လၢ အအိၣ်ဖဲကပိာ်ကပၤန့ၣ် လီၤႉ ၀့ၢ်တဖၣ် ကသူၣ်လီၤသး‚ စီၤစုၤဒီးပှၤ မံးလာ်ယဲၢ်ဆံဆူ ကလံၤစိး မ့တမ့ၢ် နံၤတ၀ာ် တၢ်လဲၤလၢကလံၤထံးန့ၣ်လီၤႉ ဘၣ်ဆၣ်‚ ခဲလၢာ်မ့ၢ်တၢ်ပာ်ဖျါထီၣ် တၢ်လီၢ်တၢ်ကျဲလၢ‚ မ့ၢ်ပအိၣ်ဆိးဖဲလဲၣ်န့ၣ်လီၤႉ ပှၤကွဲးထါစံးထီၣ်ပ့တၢၤတဖၣ် တ့လီၤ အ‘‘ဟီၣ်ခိၣ်ဂီၤ’’ လၢကစၢ်ယွၤအိၣ်ဆိး၀ဲလၢလံာ်စီဆှံ အလီၢ်လံၤတက့တူၢ်အပူၤအဃိ‚ ဖဲအံၤ ကံၢ်သးလၢ ကစၢ်ယွၤအိၣ်၀ဲလၢ လံာ်ဟီၣ်ခိၣ်လၢ ပဘၣ်ထွဲဒီးလံာ်စီဆှံအံၤ မ့ၢ်၀့ၢ်ယ့ှူၤ့ှှလ့ၣ်န့ၣ်လီၤႉ
ထါစံးထီၣ်ပ့တၢၤ ၄၈ မ့ၢ်ထါတယုၢ်လၢ အစံးထီၣ်ပ့တၢၤ ၀့ၢ်ယ့ှူၤ့ှှလ့ၣ် အါန့ၢ်ဒံး ထါအဂုၤအဂၤတဖၣ်န့ၣ်လီၤႉ ထါစံးထီၣ်ပ့တၢၤအံၤ‚ ပာ်ဖျါထီၣ် ‘‘ပကစၢ် အ၀့ၢ်ပူၤ‚ လၢကစၢၢ်စီဆှံတဖျၢၣ်အလိၤ’’ အံၤမ့ၢ်‚ တၢ်လီၢ်လၢ ‘‘အလီၢ်ထီၣ်ထီမုာ်မး‚ ဟီၣ်ခိၣ်ဒီဘ့ၣ် အတၢ်သူၣ်ဖှံသးညီ’’ (း၁-၂) န့ၣ်လီၤႉ ကစၢ်ယွၤအမံၤလၤသၣ်ကပီၤ စးထီၣ်သး လၢ ယ့ှူၤ့ှှလ့ၣ်အတၢ်လုၢ်ဟံၣ်ဒီးရၠာစးၤလီၤသကုၤဆူ ဟီၣ်ခိၣ်အကတၢၢ်’’ (း၉-၁၀) ႉ
အစှၤကတၢၢ်‚ နမ့ၢ်တဖးလံာ်စီဆှံ အဆၢဒိၣ်အံၤလၢ ယ့ှူၤ့ှှလ့ၣ်အပူၤအဃိ ဘၣ်ဒီး‚ နဟံၣ်အံၤ တမ့ၢ်ကံၢ်သးလၢ အသူၣ်လီၤအသးလၢ ဟီၣ်ခိၣ်လၢအဘၣ်ထွဲဒီး လံာ်စီဆှံအပူၤန့ၣ်ဘၣ်ႉ နလီၢ်က၀ီၤ ကဒိၣ်၀ဲမုၢ်၀ဲသနာ်က့‚ ကစၢ်ယွၤ တအိၣ်ဆိး၀ဲ‚ တုၤဒၣ်လဲာ်လၢ တၢ်စံးထီၣ်ပ့တၢၤအီၤ မ့ၢ်တတုၤ ‘‘ဟီၣ်ခိၣ်အကတၢၢ်’’ (း၁၀) ဘၣ်န့ၣ်ဘၣ်ႉ မ့ၢ်နသးအိၣ်ဆၢကဲထီၣ်ဘၣ် ကျဲတတီၤလၢကစၢ်ယွၤအဖီတၢၣ် တုၤဃီၤ၀ဲ န့ၣ်ဧါႉ တနွံစုာ်စုာ်‚ ဘူၣ်ထီၣ်ဘါထီၣ်ယွၤဃုာ်ဒီး ယွၤအပှၤဂီၢ်မုၢ် ဒီးတနံၤစုာ်စုာ်မူ တၢ်မူ ဖျိဖျိဖျါဖျါလၢ အ၀ဲအလၤကပီၤအဂီၢ်တက့ၢ်ႉ ကစၢ်ယွၤ အတၢ်မံၤဟူသၣ်ဖျါ ကလဲၢ်ထီၣ်ဆူ ‘‘ဟီၣ်ခိၣ်အကတၢၢ်’’ ဖဲပဘူၣ်ထီၣ်ဘါထီၣ်အီၤလၢ ပသးဒီဖျၢၣ်ဒီးအးလီၤပသး ဆူ အအိၣ်န့ၣ်လီၤႉ