အ၀ဲအပၢ်‚ ပာ်ဒ့ၣ်ပာ်ကမၣ် အတၢ်ဆူးတၢ်ဆါလၢ တၢ်မၤကဒါမဲာ်အတၢ်မၤ အဖီခိၣ်န့ၣ်လီၤႉ တၢ်အံၤမ့ၢ် ဗၢ်ီှ အတၢ်ဆါလီၤႉ ဖဲအ၀ဲသံ၀ံၤအလီၢ်ခံ‚ အဖိမုၣ်ဖိ လၢအမ့ၢ် မၢစံၣ်လၢအသးအိၣ်အနံၣ်တဆံတဂၤ‚ သုးဘူးအသးအါထီၣ်လၢအမိၢ် အအိၣ် န့ၣ်လီၤႉ ဘၣ်ဆၣ်‚ အမိၢ်စ့ၢ်ကီး ဆူးဆါဒီးလၢခံသၢနံၣ်‚ သံသဒၣ်ကွံာ် အဖိတဖၣ်လီၤႉ စးထီၣ်ဖဲန့ၣ်‚ မၢစံၣ်အ၀ဲၢ်မုၣ်‚ ဘၣ်လုၢ်ဒုးဒိၣ်ထီၣ် အဒီပုၢ်၀ဲၢ် ယဲၢ်ဂၤလီၤႉ လၢတၢ်အံၤအဃိ‚ မၢစံၣ်ဖိ တဂၤ စးထီၣ်ကွဲးတၢ် လၢ အတူၢ်ဘၣ်၀ဲယိာ်ယိာ်လၢ တနံၤဘၣ်တနံၤ အတၢ်ကွဲး အပူၤ န့ၣ်လီၤႉ
၀ံယံးရၠာစးမံယၤစ့ၢ်ကီး‚ အိၣ်ဒီးအတၢ်ကွဲးနီၣ်လၢ အတၢ်တူၢ်ဘၣ်၀ဲတဖၣ်လီၤႉ လၢလံာ်သးသယုၢ်တၢ်အပူၤ‚ အ၀ဲကွဲးလီၤ ဘၤဘူၤလိၣ်အသုးမုၢ်အတၢ်မၤအၢအၢသီသီ တဖၣ်လၢ ပှၤယူၤဒၤဖိအဖီခိၣ်လီၤႉ လီၤလီၤဆီဆီ‚ အ၀ဲ အသူၣ်အုးသးအုးဘၣ်လၢ ဖိသၣ်ဆံးတဖၣ် အတၢ် ကွၢ်ဆၢၣ်မဲာ်လီၤႉ အ၀ဲကိးသBတီထီၣ်လၢ ‘‘ယလူလီၤ ယသးလၢဟီၣ်ခိၣ် လၢယပှၤဂီၢ်မုၢ်အဖိမုၣ် ဘၣ်တၢ်မၤဟးဂီၤအဃိ‚ လၢပှၤဆံးဒီး ဖိသၣ်အီနုၢ်ထံတဖၣ် လီၤဘှါလၢကျဲပူၤအဃိန့ၣ်လီၤ’’ (၂း၁၁) ႉ ပှၤယူဒၤဖိတဖၣ်‚ အိၣ်ဒီး တၢ်စံၣ်စိၤတဲစိၤတမံၤလၢ အလဲၤသဒၣ်ကွံာ် ကစၢ်ယွၤအဃိ‚ အဖိတဖၣ်စ့ၢ်ကီး‚ ဘၣ်ဟ့ၣ်တၢ်အပရၤအကလံၤလီၤႉ ၀ံးယံးရၠာစးမံယၤ ပာ်ဖျါထီၣ်လၢ‚ ‘‘အသးသမူ လူလီၤ အသးလၢ အမိၢ်အသးနါပှၢ် အဖၢမုၢ် ႉႉႉ’’ (း၁၂) လီၤႉ
ပကဆိကမိၣ်လၢ ၀ံယံးရၠာစးမံယၤ ကသမၢကွံာ်ဘၣ်ကစၢ်ယွၤလၢ ဘၣ်ကွၢ်ဆၢၣ် မဲာ်ဘၣ် တၢ်တူၢ်ဘၣ်တၢ်န့ၣ်လီၤႉ ဘၣ်ဆၣ်‚ လၢတၢ်အံၤအလီၢ်‚ အ၀ဲသဆၣ်ထီၣ် ပှၤလၢအမူတ့ၢ်ဒံးတဖၣ်အခံလၢ‚ ‘‘လူလီၤကွံာ်နသးဒ်ထံအသိးလၢ ယွၤအမဲာ်ညါ‚ ယူာ်ထီၣ်နစုဆူအအိၣ်လၢ နဖိဆံးအသးသမူအဂီၢ် ႉႉႉ လၢကျဲကိးဘိဒဲးအခီၣ်ထံးန့ၣ် တက့ၢ်’’ (း၁၉) ႉ
တၢ်အံၤမ့ၢ်တၢ်လၢအဂ့ၤ၀ဲ ဒ်မၢစံၣ်ဒီး၀ံယံးရၠာစးမံယၤ မၤ၀ဲ‚ ဆူတၢ် ကလူလီၤဂၢ် လီၤ ပသးဆူကစၢ်ယွၤအအိၣ်န့ၣ်လီၤႉ တၢ်သူၣ်အုးသးအုးအထါ မ့ၢ်တၢ်အကါဒိၣ် တပတီၢ် လၢပပှၤကူပှၤကညီအဂီၢ်လီၤႉ ဖဲလၢကစၢ်ယွၤမ့ၢ်ပျဲ တၢ်တူၢ်ဘၣ် ဒ်သိးအံၤ ဒၣ်လဲာ်‚ အ၀ဲသူၣ်အုးသးအုးဃုာ်ဒီးပှၤလီၤႉ ဒ်အတ့လီၤပှၤ ဒ်အက့ၢ်အဂီၤဒၣ်၀ဲအသိး‚ အ၀ဲစ့ၢ်ကီး သူၣ်အုးသးအုးလီၤႉ