တချုးလၢယစူၢ်က့ၤနာ်က့ၤခရၠာစးံာ်န့ၣ် ယနၢ်ဟူတ့ၢ်ယဲ တၢ်သးခုကစီၣ်လၢ အဘၣ်တၢ် စံၣ်တဲၤတဲလီၤန့ၣ်လီၤႉ ဘၣ်ဆၣ်‚ ယဘၣ်ကနိတၢ်ဃုာ်ဒီးယွၤအတၢ်မ့ၢ်မတၤန့ၣ်လဲၣ် လီၤႉ မ့ၢ်အ၀ဲပျၢ်ကွံာ် ယတၢ်ဒဲးဘးကိးမံၤကသ့၀ဲ‚ ဖဲလံာ်စီဆှံတခီ‚ ပာ်ဖျါထီၣ်လၢပှၤလၢ အပျၢ်တၢ်ကမၣ်သ့မ့ၢ်ထဲ ယွၤတဂၤဧိၤန့ၣ်လီၤႉ ယထံၣ်သ့ၣ်ညါဘၣ်လၢ‚ တၢ်အံၤ တမ့ၢ်ထဲလၢ ယၤတဂၤဧိၤလၢ ယဘၣ်ဂုာ်ကျဲးစၢး ဒီးတၢ်ဂ့ၢ်အံၤ‚ ဖဲယဖးဘၣ် ကၠ့ၢႉအၣ်ႉဖဲးခၢၣ် အတၢ်ကွဲးလၢ အမ့ၢ် ‘‘တၢ်သ့ၣ်ညါယွၤ’’ န့ၣ်လီၤႉ ဖဲးခၢၣ် ဟ့ၣ်ကူၣ်လၢ ပှၤလၢအတစူၢ်တနာ်ဒံးတၢ်အါဂၤအဂီၢ်န့ၣ် ‘‘တၢ်မ့ၢ်တၢ်တီ ဒိၣ်ဒိၣ်မုၢ်မုၢ်လၢ ခရၠာစးံာ်ဖိတဖၣ် ပာ်ဖျါထီၣ် ကစၢ်ယ့ၣ့်ှှူး လၢနစၤရၠာစး့း မ့ၢ်ယွၤလိၣ်ကဲထီၣ်သးဆူ ပှၤကညီႉႉႉႉ ဒ်အမ့ၢ်ယွၤနီၢ်နီၢ် ဒီးမ့ၢ်စ့ၢ်ကီး ပှၤကညီန့ၣ်လီၤ’’ႉ တၢ်အံၤမ့ၢ်‚ တၢ်မ့ၢ် တၢ်တီလၢ အဒုးကဲထီၣ် တၢ်အုၣ်က့ၤခီၣ်က့ၤ တၢ်န့ၣ်လီၤႉ
ဖဲပှၤတၢ်မၢဖိ စီၤပီလူး နဲၣ်ဖျါထီၣ် ခရၠာစးံာ် ဒ် ‘‘ယွၤလၢ ပှၤထံၣ်အီၤတသ့ဘၣ်တဂၤ အက့ၢ်အဂီၤ’’‚ အ၀ဲစံးစ့ၢ်ကီးလၢ ကစၢ်ယ့ၣ့်ှှူး မ့ၢ် ယွၤအလၢအပှဲၤ‚ တၢ်ဘၣ်တ့ကစၢ်‚ ပၢဘၣ် တၢ်ကိးမံၤလၢ မူခိၣ်ဒီးဟီၣ်ခိၣ်‚ ဘၣ်ဆၣ်‚ မ့ၢ်စ့ၢ်ကီး ပှၤကညီနီၢ်နီၢ် (ကလီးစဲး ၁း၁၅-၁၇) လီၤႉ မ့ၢ်လၢတၢ်မ့ၢ်တၢ်တီအံၤအဃိ‚ ပအိၣ်ဒီးတၢ်သးဒူ‚ ခီဖျိခရၠာစးံာ်အတၢ်သံဒီး တၢ်ဂဲၤဆၢထၢၣ်သမူထီၣ်န့ၣ်လီၤႉ တမ့ၢ်ထဲ လၢ အ၀ဲစိာ်ကွံာ် တၢ်လၢအဘၣ်ထွဲဒီး ပတၢ်ဒဲးဘးတဖၣ်ဘၣ်ႉ မ့မ့ၢ် အုၣ်က့ၤခီၣ်က့ၤ စ့ၢ်ကီး ပှၤကူပှၤကညီ အန့ဆၢၣ်အဃိ‚ ပ၀ဲဒီးတၢ်ဘၣ်တ့ခဲလၢာ်‚ ဘၣ်လိာ်ဖိးဒ့လိာ်က့ၤ ဆူကစၢ်ယွၤန့ၣ်လီၤ (း၂၀-၂၂) ႉ
လၢတၢ်စးထီၣ်ဆိ တၢ်အဲၣ်တၢ်ကွံအတၢ်ဖံးတၢ်မၤန့ၣ် ယွၤ‚ ပၢ်ကစၢ် လီၣ်ဖျါ ထီၣ်အသးလၢအ၀ဲအပူၤ ဒီးခီဖျိလံာ်စီဆှံလၢ ယွၤသးမုၢ်စီဆှံ အစိကမီၤဒီး ခီဖျိ ယွၤ အဖိခွါ အတၢ်မူအဃိလီၤႉ တၢ်အံၤ မ့ၢ်တၢ်လၢအလီၤကမၢကမၣ်တမံၤန့ၣ်လီၤႉ ပှၤလၢ အနာ်ကစၢ်ယ့ၣ့်ှှူးတဖၣ်န့ၣ် ကဒိးန့ၢ်ဘၣ် တၢ်အုၣ်က့ၤခီၣ်က့ၤ မ့ၢ်လၢအ၀ဲမ့ၢ် ဧ့းမၤနူၤအ့လး‚ လၢအခီပညီမ့ၢ် ယွၤအိၣ်ဒီးပှၤအဃိန့ၣ်လီၤႉ ဟါလ့ၤလူၤယၤႉ