ပှၤလၢအတူၢ်ဘၣ်တၢ်သးအုးလၢ တယံာ်ဒံးဘၣ်တဂၤ ပာ်ဖျါထီၣ် အတၢ်ထံၣ် လၢ ‘‘ဖဲတၢ်အကတီၢ်လၢ ကွၢ်ဆၢၣ်မဲာ်ဘၣ်တၢ်သူၣ်အုးသးအုး မ့တမ့ၢ် တၢ်ဘၣ်ဒိဘၣ်ထံးတဖၣ်အခါ တၢ်ခွဲးတၢ်ယာ်အိၣ်၀ဲ လၢတၢ်ကနဲၣ်ဖျါထီၣ်ယွၤအဘျုး မ့တမ့ၢ်တၢ်ကမၤကၣ်က့ၤတၢ်လီၤတံၢ်လီၤဆဲး’’ န့ၣ်လီၤႉ ‘‘မ့မ့ၢ်ယၤ‚ ယဃုထၢယဲလၢတၢ်ကနဲၣ်ဖျါထီၣ် ယွၤအဘျုးလီၤ’’ႉ တၢ်အိၣ်ဖှိၣ်သရၠာစးၣ် အံးရၠာစးံးဖံးကၠၢၣ်ရၠာစးၢၣ် အမါသံကွၢ်သတူၢ်ကလာ် လၢ သိလ့ၣ်ဘၣ်ဒိဘၣ်ထံးလၢ ပှၤမၤသံမ့ၣ်အူဖိတဂၤဟဲက့ၤဆူဟံၣ် လၢ အတၢ်မံခ့မံသပ့ၤအဃိလီၤႉ ဖဲပှၤဘၣ်မူဘၣ်ဒါလၢသဲစး အဲၣ်ဒိးသ့ၣ်ညါလၢ မ့ၢ်ကမၤ တၢ်မူးတၢ်ရၠာစးၢ်လၢ တၢ်ဂ့ၢ်အံၤဒီး သရၠာစးၣ်အံးရၠာစးံး ဃုထၢ တၢ်ပျၢ်တၢ်ကမၣ်လၢ အ၀ဲညီနုၢ်စံၣ်တဲၤတဲလီၤ၀ဲန့ၣ်လီၤႉ ဆူတၢ်ကမၢကမၣ်အပူၤ ပ၀ဲမ့ၢ်ဂ့ၤ‚ ပှၤလၢ အမၤသံမ့ၣ်အူမ့ၢ်ဂ့ၤ‚ လၢခံကဲထီၣ်တံၤသကိးတဖၣ်လီၤႉ
သရၠာစးၣ်အံးရၠာစးံး အိၣ်မူ၀ဲ ဒ်အဒိးန့ၢ်ဘၣ်တၢ်ဘျုးတၢ်ဖှိၣ် လၢ အဟဲလၢ ယွၤအအိၣ်လၢ ယွၤလၢအပျၢ်ကွံာ်အတၢ်ဒဲးဘးကိးမံၤန့ၣ်လီၤႉ ခီဖျိ အ၀ဲ အတၢ်အိၣ်မူဟူးဂဲၤအဃိ‚ မ့ၢ်တၢ်လၢအမၤဖျါထီၣ် ၀ံမံကၤအတၢ်ကစီၣ်လၢ တၢ် စံးထီၣ်ပ့တၢၤယွၤလၢ တၢ်ဒိးဘၣ်တၢ်ပျၢ်တၢ်ဒဲးဘး‚ ဖဲပမၤကမၣ်ဘၣ် တၢ်ကတီၢ် (မံ ၇း၁၈) န့ၣ်လီၤႉ ၀ံမံကၤ စူးကါတၢ်ကတိၤလၢ ပထံၣ်အီၤဖျိဖျိဖျါဖျါသ့ ဆူတၢ်ကဒုးနဲၣ် ကစၢ်ယွၤပျၢ်အပှၤဂီၢ်မုၢ်အတၢ်ဒဲးဘးထဲလဲၣ်ဒီး စံးလၢ ယွၤ ‘‘ကယီၢ်လီၤတံၢ် ပတၢ်သ့ှူးကမၣ်’’ ဒီး ‘‘ကွံာ်တ့ၢ်ကွံာ် အတၢ်ဒဲးဘးခဲလၢာ် ဆူပီၣ်လဲၣ်အယိာ်ပူၤ’’ (း၁၉) လီၤႉ ပှၤလၢအမၤသံ မ့ၣ်အူ ဒိးန့ၢ် တၢ်ထူၣ်ဖျဲးတၢ်ဟ့ၣ်တမံၤလၢ နံၤအ၀ဲန့ၣ်လၢ အမ့ၢ်တၢ်ဆှၢအီၤ ဘူးထီၣ်ဆူ ကစၢ်ယွၤအအိၣ်န့ၣ်လီၤႉ
တၢ်ကီတၢ်ခဲလၢ ပကွၢ်ဆၢၣ်မဲာ်ဘၣ် ကအိၣ်ဒ်လဲၣ်ဒ်လဲၣ် ပသ့ၣ်ညါလၢ ကစၢ်ယွၤတုၤအိၣ်ပှၤ ဃုာ်ဒီးတၢ်အဲၣ်တၢ်ကွံ‚ တၢ်ယူာ်ဃီၤစုဆူပအိၣ်လၢ ကတူၢ်လိာ်ပှၤ လၢ ကဖိးဟုပှၤ ဘံၣ်ဘံၣ်ဘၢဘၢအဂီၢ်န့ၣ်လီၤႉ အ၀ဲ ‘‘ဘၣ်ဒၣ်အသးလၢ တၢ်ဘျုး တၢ်ဖှိၣ်’’ (း၁၈) လီၤႉ ဒ်ပတူၢ်လိာ်အတၢ်အဲၣ်ဒီး တၢ်ဘျုးတၢ်ဖှိၣ်အသိး‚ အ၀ဲကဟ့ၣ်ပှၤ တၢ်ဂံၢ်ဆူၣ်ဘါဆူၣ်လၢ တၢ်ကပျၢ်ပှၤလၢအမၤဆါပှၤတဖၣ်‚ ဒ်တၢ်အိၣ်ဖှိၣ်သရၠာစးၣ်အံးရၠာစးံး မၤ၀ဲအသိးန့ၣ်လီၤႉ